醫好了囝囝的濕疹

網誌
Michelle Lau


囝囝現在又白又滑，很難想像一歲五個月大之前，他都被濕疹折磨，無撻好肉。
想寫這個題目很耐的了，但由於涉及醫生醫藥等較敏感的話題，而一直未敢提及，直至農曆新年期間，見朋友的囝囝被濕疹折磨，原本好好的一張蛋臉，變得又紅又腫。其實囝囝出世以後，除了外傭的問題，最困擾的便是囝囝的濕疹了。

囝囝滿月時，面上又紅又腫，更嚴重至有點發炎出水。
由滿月開始，最嚴重時面上紅腫一片，當患上感冒氣管炎時，濕疹的情況更是一發不可收拾，全身紅腫。年多以來中西合璧醫治，一發濕疹便要塗上效果較強的類固醇藥膏，否則一定痕得成日喊、發脾氣，又瞓不到，最慘是頭皮位不能搽藥膏，所以頭皮位又乾又痕，甚至試過有一塊一塊好似魚鱗的皮脫下，囝囝更抓得成個頭都損晒，成頭血痕，我們在他臨睡前為他戴上手套，但因為太痕，囝囝會不斷以頭和枕頭袋磨擦止痕，以致枕頭袋時有血跡。

這是兩個月大，雖然面上可見滿布紅點＂嚡烚烚＂，但這情況於那時候已是正常算不錯的了。


八個月大，頭皮一撻一撻的，都是自己抓的傷痕。
直至囝囝十七個月大時，因為氣管敏感而入了醫院，他那時全身都是紅色一撻撻，而那些駐診醫生看也沒看就判斷是皮膚敏感，我便立即要求轉醫生，得知馮宜亮有在仁安掛單，就算巡房費貴一倍，我也要轉。馮醫生檢查一論，問我：「你知道他身上的是濕疹嗎？他的情況很嚴重，不過你放心，我一定可以醫好佢。」如此大口氣，而馮醫生沒有食言，用了他的藥膏後，約兩個月，囝囝身上所有的濕疹都好了，他的大腿從來未試過那麼滑，那一刻我真的感動到想哭。

我陀他時，一樣有戒口，蝦蟹鵝鴨汽水咖啡全都沒吃，八個月開始隔日飲腐竹雞蛋清胎毒，但囝囝一生下一樣有濕疹。

馮醫生的濕疹藥膏一樣含類固醇，所以當濕疹好了，就要塗他自己調製的維修cream，而且未完全康復，是不可以使用任何沐浴產品的，每日只用清水沖涼，直至現在仍是。我不知道那些藥膏有甚麼不同，作為媽媽，只知道能夠醫好囝囝的濕疹，便是最好的藥膏。

小瓶是馮醫生開的藥膏，大瓶則是康復後塗的維修cream。我不知道馮醫生的藥費會否因人而異，總之他收小瓶的$150，大瓶的維修cream則$200，醫生費另計。

以前用的Emulsifying Ointment BP和濕疹專用的Advantan Cream，現在已經沒有用了。

馮宜亮醫生，香港醫學會的副會長，是有名的兒科專科醫生。
診所地址：新界沙田沙田第一城銀城商場55號舖
電話: 2649 1813
不過幫襯前要有心理準備，睇馮醫生的人每日都有很多，所以剩係等攞藥，快則半小時，最耐我試過等超過一個鐘，仲未計之前等睇醫生的時間。
－－－－－－－－－－－－－－－－－－－－－－－－－－－－－－－－－－－－－－－－－－－－－－
你或許對這些文章有興趣:
為兒子揀playgroup　　

　兒童剪髮樂園–Magic Mirror

一般濕疹藥膏都會含有類固醇嗎？

醫治濕疹都可以選擇天然無類固醇的藥膏，編輯就推介了10款適合長遠使用的天然保濕濕疹藥膏，包括韓國MD ATO BAB Soothing Capsule Serum及…詳情請看

濕疹的主要成因是什麼？

濕疹的成因可能是遺傳，又或是過敏反應引起的，例如…詳情請看

你可能也喜歡

There are 6 comments

Add yours
  1. pig mom

    真係估唔到你囝囝白白滑滑有濕疹呢！
    我個囝都有較嚴重的濕疹，我放工後見佢抓到一條條血痕很心痛呀……又成日癢到瞓唔到…

    清水真的是最好的治療法。但的始終唔想用類固醇，遲d會帶佢睇中醫。想問你囝囝有無轉食低敏奶粉呢? for 1歲邊隻好?

  2. michellelau

    Hi pig mom,
    中醫我都睇過, 冇咩用,同埋連同仁堂既中醫師都話就算開咗中藥, 你點樣可以餵俾佢食? 因為咁苦, 小朋友一定會嘔返出來.
    低敏奶粉我都試過, 都係冇咩效, 我果時係醫生度買既, 我已經唔記得係邊隻….
    其實可以用可以試既方法我都試過, 醫生都睇過4個, 最後俾馮醫生醫好了. 我有同事有濕疹都走去睇馮醫生, 效果好ok喎

  3. elyse

    HIHI
    我個BB而加3個月都係有濕疹,面到佢塊仔同身都有好心痛………睇見你仔仔好番我都想好帶BB去睇馮宜亮醫生,不過我想問下你係米連續食左2個月藥就好番??

  4. michellelau

    Hi elyse,
    BB咁細個係唔會食藥架,只可以搽藥膏,等濕疹退咗就搽cream.這是持久戰, 不知道何時才真正叫好返. 由於平日比工人照顧, 搽cream方面跟得唔夠, 有時都會起濕疹(因為放假我們自己照顧, 囝囝的皮膚會好好,完全不用藥膏). 好輕微的, so far都未試過再好似以前咁嚴重囉.

  6. Priscilla

    Hi, 我都有興趣想帶我女女睇馮醫生，因為我女女D濕疹又係好勁! 但我想問一下馮醫生所調配既維修cream係咪就算好番晒都要以後長期甘搽架? 你仔仔宜家甘大個係咪都仲係要搽呢隻維修cream? 然後一有輕微濕疹復發就要搽馮醫生既藥膏? 甘咪要長期不斷复診配cream & 藥膏囉? thx!!!

Comments are closed.

Recommended