((瘦身減肥篇)) 三天果汁排毒療程 Juice Cleanse / Detox (下)

好了，繼續講返三日的 Juice Cleanse 先~~~ =]

先記錄我果三日的活動同飲食，小小感覺分享:
第一日
9am 起身，勁飲兩至三杯暖水，準備出門口做Yin Yoga

11:30am 到達Yoga studio, 拎佐第一支juice, 飲大半, 半個鐘後先開始做Yoga

12:30-1:15pm Yin Yoga 期間, 覺得有便意, 個肚好似搞下搞下咁, 有少少唔舒服 (上堂規矩係唔可以隨意出入，搞到我有d緊張, 好驚要去toilet XD)

1:30pm 落堂即刻跑廁所, 然後再飲埋第一支juice

2:30pm 返到屋企, 飲第二支juice

3pm-5pm 訓晏教休息 XD 醒來時發現唔掂喎! 飲得咁慢既!! 之後又飲一支

6pm 冇咩唔妥, 仲覺得飽飽地, 飲第四支

7:30pm 仲係好飽, 但都迫自己飲第五支

9pm 超飽, 再迫自己飲最後一支

11pm 上床睡個美容覺了~~~

第二日
9am 起身，勁飲兩至三杯暖水，準備出門口做Yin Yoga

11:30am 到達Yoga studio, 拎佐第一支juice, 吸收了昨日的經驗, 發現要飲快d, 即刻飲晒第一支, 半個鐘後先開始做Yoga

12:30-1:15pm Yoga Class, 又是吸收了昨日的經驗, 預多佐時間, 去佐toilet 先開始上堂

1:30pm 落堂又跑廁所, 然後再飲埋第二支juice

3pm 返到屋企, 飲第三支juice

3-5pm hea hea 在家, 睇下書, 睇下綜藝節目, 期間間中去下廁所, 5pm 再飲第四支juice (今日都算進度良好! 雖然suggestions係三點鐘 lol)

6:30pm 有少少餓喇, 第五支juice done!

8pm 第六支juice 完成~~

11pm 上床睡個美容覺了~~~兩日完全冇食過野, 覺得肚仔扁佐, 有少少心癮想食野, 但精神冇咩唔妥, 既然係咁, 最後一日要挑戰下自己!

第三日
8:30am 起身，勁飲兩至三杯暖水，準備出門口做 Gym (是跟教練的地獄式 PT Training)

10:30am 到達Gym Room, 飲第一支juice 先 (特登飲J19, 補充運動前所需能量)

11:00-12noon PT Training, 呀sir 知我Juice Detox中, 一開頭就住就住, 但發現體能跟平日無異, 又繼續做平日的weight training, 只係少佐郁動, 等個人唔會太辛苦冇咁易暈 (感覺十分ok, 唔太覺得頂唔順) 教練仲不停話塊面同肚仔都明顯瘦佐d, 呢堂做運動做得好開心 XD (最後有上磅, 一陣講結果)

12noon 落堂跑廁所, 然後再飲埋第二支juice (飲了J07, 運動後岩用)

2pm 返到屋企, 飲第三支juice

2-4pm 又在家中閒閒地生活, 睇書休息….4pm 飲第四支juice (yeah 今日進展最好!)

4pm-7pm 最殘酷的事出現了, 跟姐妹出街睇戲去, 她吃popcorn 我在飲juice, 然後不停告訴自己: 唔好諗野食! 飲啦!

7pm 在餐廳看著別人吃晚餐, 繼續默默地飲juice (簡直太想放棄了, 反正覺得都就完, 好想食野, 最後還是忍住了)

8:30pm 回家完成最後一支juice

總之三日過後，我是覺得唔辛苦，唔肚餓，只有少少心癮想食野！整體都算係舒服既一次JUICE CLEANSE =]

(next page 分享我的最後成果 & 小心得!!)

好了, 想必大家最關心的是磅數, 我就首次在blog 公開自己的磅數吧 T.T (這幾個月經常出trip 大吃大喝, 其實好重, 但算了, 人還是要接受自己的)

三日過後, 輕了約3kg, 體重重回50kg 以下, 我已經兩至三年沒有輕過50kg 了! 心情是極度高興的！(我的體重一向變化不大，就1-2kg上下, 很難減也不會突然爆肥)

不過….好大的不過! 就是: 這是我家裏的磅, gym room 的inbody machine 得出來的數據讓我傷心！體重是下降了，但走掉的全都是肌肉！脂肪反而冇變，所以body fat % 反而是上升了 T.T

我是完全的心碎啊～～～～～果然最易減掉的是肌肉。。。。。可是我不想減肌肉啊。。。。

而大家都說是清腸胃的排毒方法～對於我….不算很有用！我的排便次數沒有特別多，基本上跟平日一樣 (平日我也沒有便秘問題)，只是便便也不太固體，變得流質一點 (是因為沒吃固體食物吧) 你問我是不是清了很多宿便，我自己感覺沒有，可能因為我平日飲食都偏清淡，如果是平日瘋狂飲食的人士，效果應該會更明顯。

至於身形，我覺得面有瘦了一點，肚子明顯變得平坦。但….當然是一吃就回來了！之後幾日都要飲食清淡，由蔬果湯開始食返野….不要一完成cleanse 就大吃大喝！

以下是幾點個人的小心得：

1. 寒底人未必適合: 皆因三日間所有juice都必須冷藏飲用, 有些養生人士已經戒凍飲, 這樣下來身體未必適應一整天狂飲凍野, 我體質正常, 平日間中飲凍飲, 第二日中間都有少少頭痛的感覺, 不知是否太寒涼定係排毒反應

2. 不能減肥: 如上文提及, 如果你目標係減肥, juice cleanse 未必岩你, 除非你平日食野太過份 / 真係好肥, 如果唔係效果唔算顯著, 而且食返野就會重返

3. 適合急救: 三日過後面同肚都明顯清淡佐, 視覺效果幾好, 如果急住要做姐妹/ 結婚, 可以big day 前幾日做, 但要確保自己身體受得住, 有足夠精神同精力去應付日常活動

4. 適合便秘人士: 我有便秘的朋友試過, juice cleanse 可以清好多便便, 只是我個人效果不明顯, 如果有便秘問題的人值得一試

5. 建立飲水習慣: 身邊有些朋友不喜歡飲水, 可以一日都飲唔夠5杯水, 呢個juice cleanse 係suugest 每一支juice 之間都要再飲一大支清水, 等同一日飲成12x450ml = 5公升有多，所以係好多水的…

6. 純為健康: Juice Cleanse / Detox 原意也不是減肥, 是令身體更健康的一種方法, 如果想以此方法讓自己身心安靜下來，休息一下，還真是個不錯的選擇。這幾天我休閒地活動，看看書宅在家，也覺得很滿足很舒服。

如果你問我…下次會唔會再試….

我會答： 可以再試，但對我黎講不是必須品！大半年甚至一年一次當清清腸就可以了！

(是次試的是 Nood Food C02 Active Cleanse, 1 day $600, 3 days $1,700, 7 days $3,700, 每日包括六支果汁及supplements, 詳情可到Nood Food website 詳閱)