敏感肌~秋冬的護膚小 Tips

網誌

心水清既朋友仔都應該有發現….最近我d 皮膚好似好穩定!? 連去旅行d 相都完全冇紅腫??

有follow 我instagram 既朋友仔都會見到,最近我終於多了post 自拍照了,除了是明顯是比以前更開朗之外,一大原因是我的濕疹終現突破性好轉!! (超開心~~~跳舞中!!!!)

我知道大家都好心急想了解到底我怎樣回復健康和正常的皮膚,黎緊我會出返幾篇抗濕疹日記慢慢講! XDD

雖然我自己呢排皮膚好返好多,但身邊好多濕疹底既朋友都不停話轉季皮膚真係又乾又痕好難受….=[ 所以今日呢篇post,主要係講返天氣開始轉涼,秋冬時期敏感肌膚既skincare tips 先! =]

坊間成日話敏感期間咩都唔用(skincare/ makeup),只用水洗面就最好….但其實如果情況嚴重的話,用水都可致敏嫁! 因為水喉水都含有少量金屬/添加劑……我自己都深信選用有效舒緩及抑制敏感的護膚品比咩都唔用更快及有效改善敏感問題同時重建皮膚自然的屏障,令皮膚更快回復健康! =]

今次主要想介紹比大家既就係 La Roche Posay 呢個牌子喇! 佢既skincare 全部都含有La Roche-Posay抗敏溫泉水,專為改善敏感皮膚而設~其實呢個牌子係全球有超過25000名皮膚科醫生推薦,products 都係香港診所同埋法國藥房有售既…. 所以係比一般for 敏感性肌膚既skincare 更加專業既 =]

轉季期間要預防過敏,其實我都只係會用兩個steps 黎做好護膚程序嫁o者! =]

首先就係Toner 喇,因為有時皮膚太乾,用其他toner可能會那那地,想更天然溫和就可以用返呢款溫泉水喇。呢支Thermal Spring water係直接由法國La Roche-Posay溫泉水源抽取,無添加防腐劑既,成分百分百天然同安全。洗完面後噴一噴,塊面就會保濕返d冇咁乾嫁喇。(超敏感期間,都可以直接用cotton pad 濕d 溫泉水抺面當清潔!)

除佐做Toner,呢種溫泉水都有其他用途既! 例如….當肌膚有嚴重敏感反應既時候,可以用面膜纸或者紙巾黎做局部濕敷,敷5-8分鐘就會舒服d 嫁喇。又或者,我會拎支細既放係Office 或者手袋,等塊面覺得乾或者想補妝前就噴一噴保濕先,不過最重要係,記住噴完要輕輕按壓,等水份滲透肌膚,唔好只停留係表面呀! 咁樣就會反而抽乾晒皮膚d 水份,變得更加乾!

然後,就當然係用返乳液/乳霜做返保濕同滋潤啦! =] 同樣地呢排我都係用緊La Roche Posay,Toleriane Ultra & Ultra Light 抗敏全效修護面霜/ 抗敏全效修護乳,呢兩個cream都係專為極敏感、過敏性及濕疹皮膚而設,比其他只有“溫和不刺激配方/包裝”的普通抗敏面霜更有效深層舒緩及抑制敏感,咁我用落感覺都好舒服既 =]

呢兩隻Cream 都含有乳木果油,脂肪酸與人體皮膚相近,因此容易被吸收,可以修復皮膚自然的屏障功能,而且經過皮膚科測試並100%通過,證實溫和安全,亦係唯一獲法國防過敏協會AFPRAL認可的護膚品。

值得一提既係,呢兩隻CREAM 都係採用100% Airtight密封式無菌包裝設計,唔好睇少呢個設計,因為敏感性皮膚好容易受細菌感染,平時樽口大既skincare係點都會有細菌走入去既,絕對唔夠衛生嫁! 所以呢種無菌性包裝亦係選擇敏感性skincare時其中一個指標 =]

兩者最大既分別只係Texture,我通常會日間就用Light texture,夜晚就用返Cream Texture,咁係呢個天氣都已經好足夠喇! =] 仲有就係,兩者都可以擦埋眼位既,咁就連Eye Cream 都慳返 XDD

如果你仲未搵到心水既抗敏護膚品,不妨試下La Roche Posay 啦! 價錢合理而且產質都好有質素呢! =] 另外,為佐令大家更了解用法,都拍佐段video 介紹呢! 大家有時間可以睇睇 =]



一般濕疹藥膏都會含有類固醇嗎?

醫治濕疹都可以選擇天然無類固醇的藥膏,編輯就推介了10款適合長遠使用的天然保濕濕疹藥膏,包括韓國MD ATO BAB Soothing Capsule Serum及…詳情請看

濕疹的主要成因是什麼?

濕疹的成因可能是遺傳,又或是過敏反應引起的,例如…詳情請看

你可能也喜歡

There are 2 comments

Add yours
  1. francescang

    Hi Jacqueline,

    Personally I used Avene for long time, these days I tried La Roche Posay and find it nice too.
    I think noth brands suit me and they works nearly the same on me.
    But some readers reported that Avene doesn’t suit them well, so I suggest they can try La Roche Posay instead.
    I think you really have to try them on and see which one works better on you. =]


Comments are closed.

Recommended