抗濕疹日記 – (24) 自然療法 (營養補充品)的幫助

網誌

廣告

最近少了updates blog,公事和私事上都有點繁忙,真不好意思!!

先來說說大家最關心的濕疹狀況,的確這幾個月都十分穩定,雖然這兩個星期開始轉季有少少敏感,但情況還算是輕微,簡單的化妝就已經可以幫到手了,忍著不吃藥,不塗藥膏,刻意吃清淡幾天,也就會慢慢減退紅腫,情況算是可以控制到,我已經很心滿意足啦! =]

但當然,一有濕疹底,也是很易復發的,我也不敢鬆懈,繼續以戒口及營養補充品維持狀態,今次就介紹幾款我這幾個月在吃的supplements 吧!=]

大半年前初次接觸營養師,當時濕疹情況還是十分嚴重,想當日第一次見她時是大爆發的日子,我還哭成淚人呢!她建議我服食一種磷蝦油丸(Krill Oil),說對濕疹和皮膚炎症很有幫助。上網資料所得,磷蝦油含有大量奧米加3,對皮膚病如濕疹和牛皮癬等,都會有改善的作用,個人服用後感覺很不俗,配合適當的飲食,皮膚炎症得以改善。

接著,三至四個月前,工作關係接觸到來自美國的Nature’s Bounty,是一個美國的supplements 品牌。他們的營養師則建議我可同時服用魚油丸月見草油丸。因為我的皮膚一向較乾,所以魚油可以補充我身體所需要的油分;而月見草油則對女性健康有很大的幫助,除了可以紓媛皮膚炎症,更可以改善經期前的不適症狀,更可預防骨質疏鬆,可說是女士必備的營養補充品。所以,這三個月我就是三樣一起服用的! =]

總之現在的皮膚狀況就是穩定,上星期的美容大賞,也能打扮好好的出席,真是太開心!(還記得上年是滿面通紅,腫腫脤脤的)很多公關朋友都說我的皮膚好多了,有光澤感了,我相信這些supplements 也是有所幫助的 XD

不過要記住~~如果是容易敏感的體質,每次服用新的營養補充品時,都應由小劑量開始服用,測試每一款有否過敏反應後再按需要使用。而且,我適用的也未必人人岩食,就算係魚油丸,不同品牌的攝取方法和來源也不同,不知道你會否剛巧對果種魚敏感呢!食落肚的始終都要特別小心,或者,都係搵返個營養師跟住會好d 呀! =]

羊年第一次寫濕疹Blog,祝大家身體健康,bye bye濕疹呀!!!

常見問題

一般濕疹藥膏都會含有類固醇嗎?

醫治濕疹都可以選擇天然無類固醇的藥膏,編輯就推介了10款適合長遠使用的天然保濕濕疹藥膏,包括韓國MD ATO BAB Soothing Capsule Serum及…詳情請看

濕疹的主要成因是什麼?

濕疹的成因可能是遺傳,又或是過敏反應引起的,例如…詳情請看

你可能也喜歡

There are 13 comments

Add yours
  1. Yuki

    營養師也有推介月見草油, 但要留意月見草油會薄血, 經期時不要吃以免頭暈.

  2. Popo

    Hi 之前係instagram找了你 你沒有回應希望你在此看到
    我由細到大都有濕疹 但是只有在手節同腳節位 突然上年5月 塊面係咁敏感 不斷反覆 看到網上推介生薯仔汁好有效 想問下你有無試過

  3. karmen

    hi~ 我都介緊類固醇。。。身體都好返8成了,但塊面同條頸仲係好紅仲發炎出水:((( 一度好絕望,因為試過好多方法,睇好多醫生。最近開始食supplements, 暫未見有好轉:((((喊出黎,請問你有咩中醫好介紹呀??:((

  4. francescang

    Hi Popo,

    我自己頂唔順生薯仔汁的味道, 所以冇試過,
    但我媽媽曾經飲過1-2年, 感覺幾好, 可以一試, 現在就轉了食黑蒜, 我自己都keep 住一日食一粒.

  5. francescang

    Hi Karmen,

    Hmm….中醫我覺得更加係人夾人, so far 我自己都冇遇到覺得超掂既中醫, 所以真係冇推介呢….
    食sullpements 等自然療法都要半年左右先開始真係見效嫁….急不來的, 加油呀! =]

  6. Tszshan

    最近唔知係咪天氣既關係 由三月開始塊面同右手手掌又紅又腫仲係咁出水
    我無一晚訓得到 每三個字就醒一次
    上星期頂唔順去左睇西醫 好返一星期 停藥後又再發返
    我真係好想死 我可以點?醫生我睇過 中西藥都食過 口我都介得好清 點解都係唔好?
    到底我要比尼個病折磨到幾時
    Btw你病情咁穩定都替你高興

  7. Popo

    一直都好絕望 好想搵個同伴去傾訴
    你都知道無病既人係吾會明
    所以好想同你傾訴

  8. Yuki

    我e 幾日都係咁出水, 終於忍唔住用左類固醇, 但係見到身體不受控地變差, 真係好灰好唔開心..
    BTW, 黑蒜對濕疹有用?

  9. francescang

    Hi Tszshan,

    三四月係轉季期,我皮膚都冇之前咁穩定,就算唔係敏感,都會比平時易生粒粒etc…
    我assume 你用既西藥都係類固醇, 停類固醇係唔可以就咁sharp 停, 會有好大反彈嫁….
    有d 醫生會建議慢慢減劑量, 或者你都可以一試….
    但我而家穩定, 都經歷佐一年半好恐佈好辛苦既時間, 的確抗濕疹唔係一朝一夕的…要加油呀!

  10. francescang

    Hi Popo,

    我都明白呢, 所以呢個blog 都算係我同大家傾訴既一個途徑 =]
    你要加油呀! 歡迎你留言 / e-mail 比我傾下計呀! =]

  11. francescang

    Hi Yuki,

    hmm…我唔肯定呀, 因為我同一時間做好多”有機會” 對病情有幫助既野,
    包括飲食控制 / 運動 / 黑蒜 / supplements etc….
    我都真係冇多幾個身體去測試到底邊樣先係最work 呢 XD
    但我相信全部都係維持身體健康既元素, 所以黑蒜媽咪落力焗, 我都keep 住食佐大半年了 =]

  12. Lydia

    Hi Francesca,

    My son is 10 years old and is suffering from mild to serious eczema. We have been using steroid and various other ways trying to improve the situation. Sometimes work and most of the time not. The worst is that he cannot sleep well at night. I read your earlier blog mentioning about a bed mat with “long infra-red” and is made in Japan. I have been searching thro your blog but could not find any further info. Would you please let me know the details of this mat? Greatly appreciate for your help! If not appropriate to post it in blog, please email me. Thanks!!


Post a new comment