我最愛的兩款 Sleeping Mask

網誌

自從皮膚狀況穩定之後,我的日常SKINCARE 程序比以前更加簡單,但有一樣絕不能少的,就是面膜!我是超愛用面膜的,勤力程度大約是一天一次,最多隔日就會敷一次了!今次想先推介的是Sleeping Mask~~

冬天天氣非常乾燥,尤其是晚上若然沒有做足護膚程序,翌日的膚質就會明顯下降,變得乾燥脫皮,甚至暗啞無光了~眾所周知晚間是肌膚的重要修復期,要是保養得宜就能修復日期的侵害,否則就可能令情況惡化。

如果唔想特登買一瓶貴價晚霜,我會建議用上日常的護膚品後再加上Overnight Mask 即可加強修復功效。用過數十款Overnight Mask,我的心水之選暫時只有兩款呢!(而呢兩款我都覺得好岩濕疹敏感肌用嫁!)

首先~~係為補水而設的Derm Institute,獨立式包裝面膜除了保濕度一絕之外,更加入了四大抗敏植物精華:芍藥根、菩提花、菊花、歐蜀葵,最適合敏感底用~而且份量都好多,基本上一包我可以用黎搽晒面同頸~保濕力好強,次次用完起身都覺得飲飽水咁!而且吸收完一D 都唔笠,超讚!

另一最愛是加強修復和滋養肌膚時必備的雪花秀,明顯就是全效的面膜,敷用後翌日肌膚就變得健康有光澤,滋潤能力更高,肌膚疲倦或捱夜時都適合使用。呢個mask 我已經用完n 支,就算係以前濕疹都照用!除佐夠滋潤,我最中意佢既修復功效,有時塊面R損佐少少,或者有輕微敏感,用完都會有明顯改善!

呢兩款就係我既 保濕 / 滋潤 必備sleeping mask la~我會視當日需要而選擇~兩款都係我的最愛呢! =]

有沒有價廉物美的面部保濕產品推介?

保濕產品有多個種類,在眼霜方面,消委會3款高分眼霜推薦,當中百元眼霜媲美千元品牌!保濕面膜方面,比較了10款面膜,貼服度極高,有效急救轉季泛紅問題;保濕面霜方面,比較了10好用平價保濕面霜,冬天、夏天轉季都啱用。不過使用前,需先拍上爽膚水,提升肌底吸收力令後續護膚品更能發揮功效。

有什麼產品可以加強手部及身體保濕?

如果是針對手部,可以參考美編實測結果,看看8大好用護手霜;如果是針對身體,可以試用10款平價好用身體乳液。想要更高效的滋潤效果,則可選以吸收力極高的8大潤膚膏

你可能也喜歡

There are 8 comments

Add yours
  1. Cherry

    Hi Francesca, 可唔可以推介下濕疹肌用咩卸妝好? 我用開卸妝乳,因為比較溫和,但清潔力一般,想試下轉用油,唔知適唔適合呢? thanks

  2. Cherry

    同埋想問下化完妝脫皮可以點補妝?皮膚乾次次化妝都有呢個問題:( 另外,好開心可以遇見到你blog,感謝你的所有分享,令我覺得原來世界上不是只得自己一個有這些小不幸。:’)

  3. francescang

    Hi Cherry,

    我之前有寫過, 卸妝我都有推介的, 就係Curel & AD+, 都係萬寧屈氏可以搵到,
    呢兩種都係GEL 的, 我覺得都乾淨, 如果真係好驚, 可以再用卸妝水抺一抺, 見到冇污joe 就可以安心啦 =]

    我之前敏感期超乾,都有問過一個法國專幫敏感人仕化妝既專家呢個問題,但佢答案係:
    真係冇計, 超敏感期基本上個妝只可以last 2個鐘左右, 之後冇咩補妝大法, 由cream 開始重新黎過啦!
    而我自己都試過n 種方法,都係真係冇計,次次都會乾到甩晒皮,最多都係last 2個鐘左右嫁咋….

    加油呀Cherry! 好多人都有呢d 小煩惱, 其實都未算係好大件事, 認真對待自己身體, 總有一日會有回報的 =]

  4. Cherry

    Thank Fancesa for your reply:) 事源係咁既…因為我最近見到一隻卸妝油講到成份好天然又防敏感咁,諗緊試唔試好,但我兩三年前試過一次用油覺得感覺一般so從此都冇再用過,今次心思思想試,你有冇用過油覺得適唔適合我地用?

    另外你提及個兩款我會留意下,thanks^^ 不過之前都用過呢兩隻牌子的其他products,又係感覺一般…點講呢,佢係唔會令我起濕疹但又覺得唔太好用,用完皮膚唔會話好左改善左咁,同埋個feel太油lup好似有d焗住d skin咁.

    另外脫皮問題真係好麻煩= = 我既做法係補厚身既cream係面,盡量令d皮貼服,但咁個妝就會花左,同埋唔知d 粉會唔會同d cream一齊入左d皮膚…真麻煩x.x 所以我只能盡量唔化妝…:(

    真係好多謝你!你都要加油呢! 唔知你d皮膚邊d季節同天氣會好d/差d呢? 我自已就係冬季同轉天氣個排差d…所以要小心d護理,一到夏天就好開心xd 因為d皮膚會好好多~同埋我發現留意護膚品/化妝品成份係好重要,要知道自己唔受得邊隻成份,咁就要避開佢地…我發現會好好多. 因為我近幾次塊面發敏感前都係用過某種成份既產品而引起!第一次都唔為意…發左第二第三次詳細研究結果俾我搵到@@ 從此我就好在意產品成份了:) 對抗濕疹真係漫漫長路…但你講得好岩,只要認真去對待,我們一定可以反控制返佢轉頭,而唔係俾佢控制xd 加油!

  5. francescang

    Hi JK,

    我而家有食, 但已經唔係食緊顧小培果D,
    我係係街買的supplements, 呢兩個月食緊既有: 磷蝦油丸, 月見草油丸同魚油丸,
    呢三種都係對皮膚好, 有消炎作用的, 遲下我都會出post 介紹 =]

  6. francescang

    Hi Cherry,

    用油其實我覺得都冇咩問題, 睇下你接唔接受到o者, 同埋我地本身乾, 用油都唔會話太笠, 都ok,
    最緊要用果陣乳化程序做得好d, 咁就唔怕殘留了.

    但要提一提你既係, 冇錯, 其實我介紹既skincare 我都強調過好多次, 我所謂既推介, 都只係指: 用佐唔敏感, 舒服, 有少少紓緩作用…
    如果你話單用skincare 可以改善濕疹, 我到而家都覺得唔相信的 (even我試過n百種) XD

    我自己反而冬天會好少少, 夏天天熱我就會唔太舒服, 流太多汗我都係會唔舒服的,
    不過呢兩個月情況穩定, 我都打算再做返多d hot yoga 試下身體係咪適應到瘋狂流汗….
    我自己反而對skincare / makeup 冇特別敏感, 基本上99% 市面上既brands 我都冇問題, 我就真係天生內在因素較多 =[

    加油呀! 雖然我而家塊面近乎完全康復, 但而家手較位都有少少, 不過都唔係嚴重, 少少紅o者,
    始終斷尾真係好難, 可以控制到已經好好! =]

  7. JK

    哦,I see. 快啲話我地知係邊度買啦。(^^)
    同埋R損啲印有無辦法退呀?成腳一撻撻好玉酸啊。( ̄^ ̄)ゞ
    Thx!


Comments are closed.

Recommended