做人阿媽甚艱難--在職媽媽難

網誌


我常跟朋友說:「生了,你就預咗生活完全唔同晒,再沒有瞓到日上三竿的日子……,不過他們帶給你的歡樂,是世上沒有其他東西可以代替的。」當了媽媽,才知道每一天的生活可以如此充實滿足,我一天的流程是這樣的:七時起床送囝囝到何文田上學,有時會待他放學接往沙田婆婆家,然後再回柴灣上班,放工後到婆婆家吃晚飯,陪囝囝看看電視讀讀書,約晚上十時多便回自己家,然後又開始上網寫blog…….。如是者每一天只有幾小時的睡眠,更要充當司機穿梭新界九龍香港,每天疲於奔命,又要解決婆婆跟工人姐姐那些芝麻糾紛,最艱難還是要以有限的管教時間對抗無數的縱容溺愛,以免囝囝變身成小霸王港孩 (雖然已非常接近,但在盡力力挽狂瀾中)。

可是抱怨還抱怨,我是非常樂於當在職媽媽的,前陣子跟周嘉玲傾談她的新舖,看見她愈說愈興奮的樣子,我問:「你係咪唔可以留喺屋企湊女的那種人?」她淡淡地說:「我很愛我個女,但我唔enjoy做全職媽媽囉!」我也是,我很愛囝囝,除了上班,其餘全部時間都是給他,但只要一上班,我就是我,我有我自己的空間、自己的時間、自己的生活。
在職媽媽固然是難,可是依我看,全職媽媽更難呢!

你可能也喜歡

There are 6 comments

Add yours
  1. MaMa

    我生左之後唔想再好似以前OT 咁多, (有時要做幾晚通宵) 但公司唔體諒, 仲叫我要再做多D野.
    有個星期見到BB 都唔夠 3 日. 連老公驚bb 接觸得我太少

    但係有公司又可以好到俾員工除左產假之外再留職停薪到bb 半歲大.

    在職媽媽好唔好真係睇你公司點對你~

  2. Jovi

    我覺得返工作時間較彈性和不用常常開ot既工作會比較好d…如果唔係都係會幾辛苦..(雖然我未做人亞媽..哈哈..)

  3. michellelau

    MaMa,
    我非常明白你的苦況,我也是生了孩子後每日都會盡早回家,有時唯有善用工作的時間,盡快把工作做完。不過如果公司有心為難,也沒有辦法,希望今日的努力可以換來將來的成果吧

  4. michellelau

    Jovi,
    你說的當然最理想,可是有時真的不是如此美滿,而且有了孩子,開支愈大,負擔又重,很難如此揀工的…..這就是在職媽媽之苦了。

  5. Hilda

    雖然我份工準時放工, 但有時見倒亞仔亞女都工人在家玩, 自己就在公司, 個心都有d唔開心, 宜家好似自己生d仔女, 工人照顧大, 工人可以睇住佢d每一日咁成長,佢地同工人d感情仲好過同我, 有時真係好想唔用, 回家做全職…..

  6. michellelau

    Hilda,
    我又從來冇咁既感覺喎,因為佢地會知道媽媽跟姐姐係有好大分別架,我個仔話我出trip時,姐姐湊返學,一返到姐姐就急急腳走人,但我湊,就一定會睇埋佢地唱歌跳舞先走,所以佢話媽咪同姐姐係唔同架。


Comments are closed.

Recommended