減肚腩餐單

明星減肚腩餐單大公開!想快速減重千萬不要碰澱粉

娛樂資訊

明星通常身材都Fit爆,現在就為大家公開明星減肚腩餐單,還附上超詳盡減肥食譜,其中有女星表示1個月就可以減掉3kg!到底為什麼明星們都可以保持身材上鏡那麼瘦?看來下了不少功夫,大家快點把這個明星減肚腩餐單收藏,在去沙灘前就把肚子上的肥肉減走,迎接夏天吧!

編輯:C Lam|圖片:新傳媒圖片、東星娛樂 |資料來源:東方新地

8位明星減肚腩餐單大公開

1. 陳慧琳

已經是兩位小孩的人母陳慧琳Kelly表示懷孕的時候體重曾經急升超過130磅,雖然對一般大肚婆來說不算重,但是一向貪靚的Kelly就絕對接受不到,所以一生完就立刻進行減肥大計!「諗起以前130幾磅,真係嚇死!我嘅減肥秘訣好簡單,唔好以為一日食一餐就會瘦,因為我少食一餐就會勁肚餓,之後會食番好多,咁吸收就更多,結果反而更易肥!」

Kelly減肚腩餐單

Kelly表示,要減肚腩首先要踢走脂肪,佢試過最佳方法居然是吃下午茶!「要少食多餐,所以食肉都冇問題!最好方法就係每樣食物唔好食多過一件!如果餐與餐之間覺得餓,可以多飲水、果汁或食啫喱代替小食,咁就更易消化又有飽肚感。」

早餐:脫脂奶1杯+蛋白兩隻+麥皮一碗
午餐:節瓜炒牛肉+白飯一碗+豆腐魚湯
下午茶:梳打餅兩塊+低脂乳酪
晚餐:馬蹄蒸肉餅+蒜蓉炒菜心兩碗+白飯一碗+草莓六粒

2. 容祖兒

容祖兒Joey剛出道時曾經被指Baby Fat,後來為了減肥,採用了素食減肥方法,一些蔬菜水果類,還有就是海鮮,少吃一切高脂肪高熱量食物,少食肉,因為多食容易致肥。一直堅守這個減肥原則的Joey現在身材Fit爆!而且對於減肚腩她還有自己的一套,提醒大家:「我朝早好少食,要食就食生果,多數食奇異果、蘋果同橙,糖份高嘅瓜類就少食,我自己都唔係咁鍾意食。到午餐就要正常咁食,因為每日都要排舞,如果唔夠營養,或者餓住肚體力唔夠就好易暈,不過我會盡量少食肉同飯,食多些蔬菜豆類,到夜晚就唔可以食飯,只係飲湯,我媽咪有種家傳減肥湯,飲咗會幫到手減肥,呢款湯好處係唔使特別節食配合,但又可以清腸胃,幫助消耗油份,好有效。不過,我減肥會適可而止,絕對唔會減到成個骷髏頭咁樣,個人瘦咗但冇晒精神咁都唔好睇啦!」

Joey減肚腩餐單

早餐︰雪梨汁或楊桃汁一杯+番茄蛋治一份+生果

午餐︰烚菜一碟+生果大量+湯水一碗

晚餐︰烚菜一碟+烚雞扒一件+一碟雜菜沙律+田雞冬瓜薏米湯一碗

3. 范冰冰

范冰冰一向都被指是微胖女神,特別容易水腫。所以范爺為保持完美體態,除了每周堅持3天跑步,每次跑一小時外,平時飲食更以蔬果瘦身餐為主,持之以恆的話,每個月可減去3kg。范爺表示食蔬果尤其係高纖同低脂蔬果,有天然防癌作用,更容易瘦身,而且蔬菜同水果含較多水份,相比之下,熱量亦較低,所以冰冰嘅三日循環蔬果瘦身餐,通常都以蔬果為主。

范爺減肚腩餐單

第 1 天
早餐︰橙一個+半杯脫脂牛奶燕麥粥+葡萄乾五粒
午餐︰雞湯一碗+四片梳打餅+一杯水果沙律
晚餐︰一個烤馬鈴薯配牛油+水煮甘藍菜一碗+蘋果一個+杏仁五粒

第 2 天

早餐︰半杯燉豆子+烚蛋一個+鬆餅一塊
午餐︰奇異果、草莓、香蕉組成的生果盤+芝士一片+菠菜汁一杯
晚餐︰飯一碗+炒青菜一碟+切片紅蘿蔔一碟

第 3 天
早餐︰脫脂牛奶燕麥粥一杯
午餐︰菠菜沙律+烚蛋一個+煙肉一片
晚餐︰意大利粉一碟+沙律+一安士鹹餅乾+梨一個

4.熱飲減肚腩 劉德華

劉德華身形幾十年沒有變,依然還是超Fit!讓男人羨慕,女人瘋狂,相信大家都想知道究竟華仔有什麼保持身材的秘訣!「唔飲凍嘢,咖啡、奶茶OK,但一定係熱,每日再飲雜果汁,蘋果汁加紅蘿蔔汁補充水份! 」

華仔表示每次演唱會之前,他的減肥餐單都會超級誇張,完全屬於無味人生,無鹽、無油、無糖,只食白烚雞肉,雖然非常有效,但是真的要有異於常人的毅力才可以堅持到。

劉華減肚腩餐單

早餐:熱咖啡一杯+麥片粥一碗

午餐:熱咖啡一杯+多士一份/叉燒雞或燒肉飯(如開工)

晚餐:魚+蔬菜+少許肉(牛除外)

 

5. 周潤發

很多人都知道發哥喜歡行山運動,其實除了多走動之外,發哥表示他都吃得非常清淡:「最緊要戒食甜品,夜晚嗰餐唔好食澱粉質,煮菜盡量少食油,唔好食宵夜,最好早啲食飯,我屋企六點半就開飯,飯後最好行番半粒鐘,咁就唔會有肚腩!」

另外,發哥又很喜歡臨睡前做運動,做完後就會睡得特別香!他更叮囑大家,平時除正餐外,不要再吃零食,慢慢就會見效,這樣減肥比較健康,他也不同意吃減肥藥減肥。

發哥減肚腩餐單

早餐:一碗白飯+青菜+魚

午餐:同上

晚餐:青菜+海鮮

6.黎明

黎明曾經有一段發福期,穿貼身恤衫訪問時,衣服好像要被肥肉逼爆,為了保持型仔,Leon決心實行走腩大法:「之前168磅,為拍戲要我去番156磅,依家已達標。」Leon的減肚腩秘訣非常簡單:「好簡單,朝早起身食個火龍果,或者蘋果,或蛋,加咖啡,飲水,去洗手間,下午就菜汁撈纖維素,質飽個肚,坐喺度半個鐘唔好郁,冇energy就會好凍,但唔好郁,著番件衫,一陣隻手指就暖番,因為抽緊你脂肪,之後六點鐘食凱撒沙律,唔可以加煙肉,要加火腿,菜點汁,正常人一日需要1,800,7日搞掂!。」

Leon減肚腩餐單

早餐:火龍果+蘋果+蛋一隻/一杯咖啡

午餐:齋食菜至飽
晚餐:火腿凱撒沙律(唔要煙肉)+菜

7. 林峯

不少歌星都會開個唱前積極減磅,林峯都是其中之一位。他表示過程辛苦,因為要有肌肉先收貨,所以一直都要戒穀物、澱粉質,只能吃菜!

原來峯峯本身容易水腫,所以他自己會很少喝水,晚上通常不會喝!不過,為了令腸胃暢通,有時會喝青菜汁做代餐。

峯峯減肚腩餐單

早餐:蛋白兩隻
午餐:滾水淥米粉+烚菜一碟/青菜汁
晚餐:茄蛋治一件

減肚腩時有什麼要預先留意?

減肚腩方法多不勝數,但必須要了解自己的肚腩的類型才能真正有效減走肚腩!之後,就可以留意瘦腰食物,正確地把大肚腩減細。

有沒有靜態動作可以改善肚腩?

首先,可以學習跪坐減肥,可以減肚腩、瘦腰、瘦屁股;之後可以試試川字腹肌訓練,每日只需5分鐘踢走大肚腩;最後,就是坐著瘦下半身運動,就算係office都可以輕鬆做。

你可能也喜歡

Recommended