8款面膜試用分享

網誌


最近網路好興一個叫「How old do I look?」既玩意,
只要upload自己張相上去個網頁就可以test出你既年齡,
小編都有玩,發覺素顏相test出黎既年齡會後生啲,
如果化左妝就會同真實年齡接近啲!
其實係女仔都想自己樣貌可以keep住後生,
所以無論幾忙都應該要抽時間為肌膚進行保養,
除左做返平時既護膚程序,唔少女仔都會敷下paper mask,
如果想做到其他效果,可以進一步考慮用gel mask或者clay mask,
直接敷上面,令養份直接送到皮膚底層,以達到想要既成效。

今次小編會試用8款mask,夏天既mask都以清潔、去角質為主,
因為天氣潮濕,面部容易痴塵塞住毛孔,令油脂分泌過多,
所以以下介紹既mask都會有清潔、去角質既功效,
我亦都會同分享返每一款既用後感,mark實睇下邊款岩你啦~

SASSOU / EGF Activator O2 V-shape Mask 140g $680
透過敷在面上時令氧氣在肌膚上運作形成氧氣泡泡,
活化產品中營養及美顏成份,先軟化肌膚角質層,
再增強肌膚的吸收力,使營養成份有效地送至肌膚深層。
蘊含EGF細胞生長因子、胎盤素等激活細胞成分,促進膠原蛋白合成,
亦含日本珍珠等成分有效解決細紋、鬆弛問題。

平時緊緻、v面、去水腫精華就聽得多,V面泡泡mask真係第一次,
呢款mask一開始唧出黎係透明gel狀,敷上面按摩後就會變成泡泡,
感覺到啲泡泡不斷bu lu bu lu咁浮出黎,都幾有趣,
敷5mins左右,按摩到泡泡差唔多消失晒,就可以去洗面,
洗面後感覺塊面有水潤效果,完全唔會乾,
而改善細紋、緊緻效果可能要試多幾次喇,
因為佢唔係專用黎去水腫,
而係透過加速細胞代謝同再生能力,令肌膚回復緊緻細嫩,
如果想有顯著效果,建議一星期用2-3次。

兩款mask之中,我就梗係揀左試24K Gold mask,
見到個名都即刻想試!黃金喎~敷上面又會有咩特別效果呢?
(左) PETER THOMAS ROTH / 24K GOLD MASK 150ml $880
加入24K金黃微分子及奈米黃金成份,滋潤並活化肌膚,
促進新陳代謝,提升及緊緻肌膚,增加骨膠原自我生成,
並蘊含透明質酸及高效保濕複合物等可為肌膚補充水分。
(右) PETER THOMAS ROTH / PUMPKIN ENZYME MASK 150ml $650
蘊含南瓜酵素、複合果酸,可溫和清除過厚角質,

有效去除暗啞偏黃膚色、撫平細紋幼紋,令肌膚回復光滑細緻,
適用於敏感性皮膚。

本身一見到mask都賣$880蚊真係嚇左一跳,
呢個價錢已經可以買到一枝好好既精華,
但賣到咁貴亦唔係無原因,
因為佢係用左屬尊貴成分既24K金黃金微份子,
出面做個黃金facial都會特別貴,呢瓶mask都有佢既價值,
黃金可以滋潤同活化肌底細胞,達至美白、去紋、緊緻效果。
用左24K金黃微分子既呢個mask係呈金黃色,無味,
係密度比較高既gel狀mask,有啲似燸米糍既質感,
搽完上面之後真係好好笑,好似少林寺18銅人咁,
係令身既金黃色,亦好似搽去ball既身體閃粉咁閃。
敷左大慨10mins就可以洗走所有gel,

因為呢款面膜主打緊緻,敷左一次皮膚就未有太大提升改善,
反而覺得去黃、美白效果唔錯,亦有水潤效果,
如果想提升、緊緻面部,可能就要勤力啲敷多幾次喇!

bliss / multi-’face’-eted all-in-one anti-aging clay mask 65g $495
5分鐘內修復及減淡皺紋、阻截黑色素形成、
潔淨及收細毛孔,提亮、均勻膚色,保濕、滋養肌膚,
蘊含活性碳、10%乙醇酸、石英、荷巴油、麴酸及高嶺土。

平時一聽到clay mask我都say NO,
原因係自己皮膚比較乾,clay mask通常係for油性或暗瘡性皮膚,
敷完好似被抽乾晒水分咁,又會有拮拮地刺痛感,
但呢款clay mask就無呢個情況。
佢既質地比較軟身同水狀,味道似係牙膏薄荷味,
佢同平時既clay mask都有啲唔同,會有好幼細既粒粒做埋磨砂效果,
我今次就局部敷左喺鼻頭位置,敷既時候可以打圈按摩1分鐘先,
會有涼涼地既感覺,敷左5mins之後就可以洗走啲泥,
敷後感覺唔會乾,乾性皮膚既朋友可以好似我咁局部位置敷,
鼻位、下巴位等多死皮、毛孔位置,

油性皮膚就可以全面敷。
而佢都做到深層清潔、收到部分毛孔效用,
本身我鼻頭毛孔粗大又多黑頭,完全係一個士多啤梨咁,
今次試左一次就有呢個效果都算係唔錯,
但減淡皺紋方面試1,2次好難見到效果,
如果係想搵一款唔乾既clay mask可以考慮下呢款!推介!

Nabelle Organic / Honey Melissa Enzyme Masque 100ml $548
配合天然成分木瓜及南瓜酵素,
能去除臉上老化角質及雜質,分解毛孔內的污垢及多餘油脂,
清除黑頭,暢通及收細毛孔。

呢款mask既質地好水感cream狀,
不過味道同蚊怕水隻味一樣,呢一下真係打左折扣,
但又唔驚既,因為呢一款係organic產品,全天然成分。
我本身面頰比較乾同薄,加上成分係酵素成分,上面後有啲「乸乸地」,
敷呢類酵素產品,頭一分鐘有拮拮地既感覺屬正常現象,
如果之後都係維持刺痛發熱就要即刻洗走啦!
敷左大概10mins之後會見到面上既cream差唔多變晒透明咁就洗得喇,
洗面後明顯面頰有少少紅左,感覺亦比較乾爽,
建議太乾皮膚可以局部敷返有需要既位置,
而佢既清潔力都唔錯,因為可以分解油脂、污垢,

油性皮膚會就非常適合使用。

呢三款mask我就揀左其中兩款試用,
大家可以睇下個效果,兩款都唔錯架!
(左) CAUDALiE / PURIFYING MASK 75ml $260
含白礦泥、鋅和亞麻籽等,
瞬間吸油控油,深層潔淨,
維持肌膚於最佳的水油平衡狀態,
油性及混合性肌膚的護膚佳品。
(中) CAUDALiE / MOISTURIZING MASK 75ml $260
專為內乾性肌膚而設,
含Vinolevure紅酒酵母、葡萄籽油及透明質酸,
滋潤肌膚,厚敷15分鐘,就能回復水潤美肌。

呢一款純補水滋潤面膜,質感比較似night cream,無味,
敷上面時都會feel到個質感好rich同好滋潤,
敷大慨15mins,就可以完全清洗面部,
洗面後面部皮膚會有返水潤感同彈性,但唔會潤得滯。
如果係底層比較乾既朋友就可以試下呢一款,
因為平時既補濕paper mask會令肌膚面層濕潤,
但未必可以到達底層改善根本乾燥問題,
如果改用cream mask個效果就會比較明顯,
而且滋潤得黎又唔會block住毛孔令面部生粒粒。
(右) CAUDALiE / INSTANT DETOX MASK 75ml $260

內含粉紅礦泥、咖啡、木瓜酵素等,
能清除肌膚內的毒素及污垢,收細毛孔,回復亮澤膚色。

呢款mask本身質地係普通cream咁,無味,
加入左粉紅礦泥,搽上面後又有好好笑效果-會變左進撃的巨人!
不過佢只係需要敷5mins就得,因為佢會勁快乾,
可以見到我面部淺色既位置就係已經乾左既部分,
影呢張相既時候只係過左一分鐘咋!
個mask一路乾就好似一路將我塊面抽真空咁feel到好緊,
完全唔敢笑唔敢講野,驚會整到面皮鬆左,
5mins全乾後洗晒所有礦泥,真係見到某部分毛孔有幼細到,
而且洗面後唔會有猛猛緊感覺,都幾夠水潤架,
我自己本身鼻頭鼻翼位都比較多毛孔,
如果局部集中敷多幾次可能效果會更好。



如欲取得更多第一手美容及扮靚資訊
可瀏覽Girls Talk Main Blog:Girlstalk Blog
或 Like我們的Facebook專頁:
Janice Lam Makeup Workshop Facebook
(版權所有,未經同意不得轉載。)

CHANEL加價後最新價錢?

CHANEL手袋加價每年都會發生幾次,入手經典的單品絕對是非常不錯的投資,以下CHANEL保值手袋推薦,讓你入手10年也不後悔!除了經典款,近年流行的CHANEL小廢包 絕對值得入手!

有甚麼新手入門CHANEL推薦?

CHANEL入門款式不一定要買手袋,CHANEL銀包 絕對是入門好選擇。入手門檻較低,可選擇CHANEL Logo耳環CHANEL皮帶,簡單又易襯。

你可能也喜歡

Recommended