頭毛的煩惱

網誌

##embed-label-0##

無疑, Pantone髮色係靚,不過……

 
 
 

真係好難打理……顏色一天一天fade out…我個頭由粉紅色變了金毛…(好彩Wella染劑唔錯,唔會甩到變MK金,加上用鎖色洗頭水,顏色甩得來又不會黃咁咁,反而keep到灰調)

然後,平時想頭髮長得快好似好難,但當染淺色頭髮時,你又發現自己新陳代謝好好,黑髮急急長……

真係人都癲~

又之但係,花足一天漂髮、染髮,無理由咁快「收手」啫…

又之但係,再去salon染髮好貴啊~

好多個「但係」矛盾到爆底下,我決定自己染~

日本、韓國出產好多「泡泡染髮」,不過過往經驗我覺得顏色唔靚,而且會令頭髮好乾,上色效果亦一般…

今次我揀了日本Beauteen Make Up Color,做了一些research,它整體評分不錯,而且即使不是泡泡劑,但亦容易上色及均勻,更重要是,顏色好靚啊~

我揀了最新推出的芒果粉紅色,個色好吸引~

同一般家用染髮劑差不多,一支色膏、一支染劑,戴定手套,將兩支mix埋搽上頭髮。

雖然無提供掃具或梳,亦唔係起泡劑,不過一邊唧一邊用手搽都好勻淨,頭髮吸得好快,唔會滴到件衫污糟晒,呢方面加分!

搽既過程不用十分鐘

建議放置25分鐘,不過我搽完已經見到好深的紫色(勁驚!!!) ,決定15分鐘後即洗頭!

嚇死我!明明我要粉紅色,點解變左紫色!洗完頭仲係好驚…(不過都要讚返,亂咁搽都好均勻上色)

九秒九去吹頭見「真身」

燈光加iphone鏡頭有少少偏差,雖然比我預期有差別,不過這個「士多啤梨色」我都收貨~有點似Toy Story勞蘇隻色,加上本身頭髮漂過,上色太容易「過火」,希望洗多兩次頭會淺返少少。(矛盾位又來,究竟想fade out定唔想呢….?!哈哈)

整體雖然有色差,但呢個牌子染髮劑又的確好易用、易上色、均勻,染完都唔乾,以我玩到咁既髮質,仲可以濕髮梳頭,真係好勁~

不過只適合漂過的頭髮才可上色,同埋要注意染髮時間,個人認為10-15分鐘就夠,25分鐘應該會太深色。

仲想繼續玩顏色…所以我同時買定「補品」

 

專為粉紅色頭髮而設的洗頭水,本身是粉紅色,一次過鎖色、修護、補色,超方便!

 

你可能也喜歡

Recommended