送給老公的聖誕禮物－－Moncler

記得去年老公在Zara買了一件羽絨，但邊着邊甩毛，家姐看見罵我道：「你自己就着Moncler，老公就着甩毛羽絨。」這麼一説也有點不忍，曾專誠走到Moncler專門店看，怎知他們説所有羽絨已賣清，才十二月就售罄？真係咁好賣？相隔了兩星期卻見大小報刊拍得陳振聰到Moncler專門店買羽絨，但店員明明話賣晒架？！
今年一早已在盤算買一件Moncler羽絨給老公，但看了幾次也揀不到，因為我想要最Moncler的款式，愈簡單愈好，可是香港專門店的都是新款。恰巧家姐上月到巴黎，據我的shopping精老友J透露，在法國買Moncler平得多，近乎七折，於是便叫家姐代買。

由於想給老公驚喜，事前並沒有告知，所以沒法知道老公應着甚麼size，而羽絨卻最好有點貼身，着得才好看。這可苦了家姐，幸好其工作夥伴中有人身形跟老公相近，可充當一下模特兒，代為試身。

家姐話巴黎的Moncler專門店多款到不得了，過季款式都有，價錢更平，上季款的只需€520。雖然是平，但要從巴黎買回來，都幾麻煩。

Moncler黑色令面連帽羽絨€600 。羽絨尺碼剛好，很合身，老公口講嫌貴，其實心實喜之，上星期轉冷的幾天，便是從早到晚都穿著新羽絨。