贏在起跑線上

網誌

這陣子,作為家長, 最關心的話題就是小朋友的升學了!
有人認為香港家長只分兩派: 一是名校催谷派,還有愉快學習派。
前者誓要贏在起跑線上,獲得名校取錄便是終極目標,此派普遍受到負面評價;
後者則鄙視名校,認為愉快學習最重要,並一致獲得讚賞。
但可笑的是,現實上大部分家長都是催谷派,有名校取錄固之然光宗耀祖,可是由於社會大眾對催谷派狂追猛打,「贏在起跑線上」犯了眾憎,所以大家都表面追捧愉快學習派,而不敢承認自己也是催谷派的支持者呢……

首先,我並不認同只有這兩派的家長,
包括我在內,有不少家長既認同愉快學習的重要,也不覺得「贏在起跑線上」有甚麼問題。

朋友是名牌小學St.Mary的舊生,女兒盡享優勢,可是她堅決不讓女兒入讀,就連報也沒有。
可是她也不是純粹的愉快學習派,一個暑假,女兒的進修班課程排得一樣密密麻麻……
「贏在起跑線上」一點也沒有錯,作為家長,只是盡力給予子女不同的學習機會,
0至六歲是小朋友學習的黃金期,每一事每一物都能引發他們學習。

身邊有很多朋友都質疑playgroup的作用:「咪又係唱下歌講下故事,我自己喺屋企都教到喇!」
但你問我playgroup有用嗎?我會答:「一定有用,你以為佢咩都唔識,其實佢每一秒都在吸收資訊;你係可以同佢唱歌講故事,但係返playgroup可以培訓佢同其他小朋友相處、學習群體活動、聽從紀律….等等。佢無返過playgroup,連同小朋友玩都唔識架。而且橫掂喺屋企無嘢做,返下playgroup咪當一個節目囉,對於小朋友無壓力架,係要大人出錢兼陪玩啫,所以唔想上playgroup既只會係大人,而唔會係小朋友囉。」

而且上playgroup就等於「贏在起跑線上」嗎?才不是呢。
我兩個兒子都是十個月大開始上playgroup,十五個月大一周三日兩小時的playgroup課程,大兒子十八個月已出口成文,小兒子現在兩歲四個月才會說句子,一樣的培育可見結果不一定一樣。
就算真的「贏在起跑線上」,又有甚麼問題呢?大兒子小時候每晚都會聽三字經,兩歲已經背得瑯瑯上口,我也以為沒用純粹念口黃,但當他升上小學,真要學三字經時,那些念口黃真幫了他不少,由於對於三字經早已熟悉,令他更易明白,背誦完全不費力呢。

你可能也喜歡

There are 3 comments

Add yours
  1. michellelau

    Darizi,
    我囝囝上的課外活動有法文、鋼琴、奧數、游水、揚琴、劍擊,另有補習中文、英文。

  2. Celi

    你呢篇文章令我有一種release揾到同路人嘅感覺,。我一直抱住「小朋友係要由大人俾機會佢」嘅心態,希望我個仔可以接觸多一D,不過身邊嘅朋友見我帶個仔返英文playgroup,買兒童書,去聽升學講座,就覺得我想谷個仔、要讀名校。 我响育兒路上一度都好迷茫、自己係咪就快變怪獸。 不過睇埋你所寫,我好認同你話愉快學習同贏在起跑線無抵觸,我哋只係俾佢哋多一D學習機會。


Comments are closed.

Recommended