聖誕妝物之選

Dec 6 2014

就黎到聖誕節啦！
唔知大家唸好送咩聖誕禮物比朋友未呢？
聖誕除左係送禮佳節，
亦係一大藉口可以送禮物比自己呀！
睇下我以下介紹既妝物燒唔燒到大家啦！

Ettusais creamy lip crayon $130
天氣開始乾,如果個嘴乾曬就唔好睇啦!
Ettusais全新為亞洲人膚色而設,含有玫瑰果油可以滋潤雙唇,
加上color fit pearl珍珠粉末,唔同角度會呈現不同色澤架。

由深至淺既色都有，真係總有支岩心水呀！
呢款搽出黎會比較透亮無咁實色，
鐘意自然唇色既朋友就岩曬啦！
無論用黎番工定去街都好岩用架。
仲係自動旋轉筆芯.唔洗刨就最方便啦!
亦有SPF18 PA++防曬度添。

Bare Minerals 透亮礦物粉底SPF15 連掃套裝(聖誕限量版) $320
呢set係特別為礦物粉底fans而設架！仲配合今年聖誕以馬戲劇圈主題，
粉底盒用左直間同金色裝飾，真係同平時既包裝好唔同呀！
而佢地既皇牌透亮礦物粉底SPF 15仲蘊含5種優質礦物護膚成分，
滋潤肌膚同時撫平細紋，
可以有效遮蓋各種肌膚問題如敏感、暗瘡、幼紋及色斑架！
入面仲送埋一支化妝掃配合使用添。

Mini Marvels迷你化粧掃組合 (HK$260)
今次佢地出左一套四支迷你化妝掃，
一樣係黑白直條既靚靚掃柄，
一套就有迷你碎粉掃，迷你胭脂掃，迷你眼部輪廓掃同迷你眼線掃，

入面仲附有一個紅色掃套，帶去旅行就岩曬啦！

CHANEL EXCLUSIVE CREATION CAMELIA DE PLUMES ＄540
呢盒係印有羽毛圖案既白金色光影粉，
粉質好幼滑，可以係面頰同T字位輕輕掃上，
皮膚就會透出閃閃銀色同金色既珍珠光澤感覺，
膚質望落去就好似好好咁，
個壓紋實在係太靚啦！完全唔捨得用呀！

CHANEL LES 5 OMBRES DE CHANEL ＃OISEAUX DE NUIT ＄555
一盒就集齊左5款經典收藏色調，包括銀白色，金色，薰衣草灰，濃灰色同深黑色，
粉質好幼滑又好上色，就算無用eye base個色都非常出呀！

CHANEL STYLO YEUX WATERPROOF ＃987 OR BLANC ＄205
想打造一個大眼有神妝容，一支淺色既眼線筆就唔少得啦！
呢支白金色眼線筆，可以用係眼頭位置做highlight，
又或者用係下眼線位置都得，對眼即刻變得好bling bling 啦!

CHANEL ROUGE ALLURE VELVEL ＄260
講到聖誕節，又點可以唔襯番個紅唇去party呢？
呢支係屬於絲絨啞緻質感既唇膏，出黎既效果好matte，
如果唇乾既朋友就可以搽定潤唇膏打底，
咁就唔洗驚會甩皮啦！
CHANEL LE VERNIS ＃687 ＄190

搽完個靚紅咀，當然要搽埋個紅色指甲油襯番啦！
呢款可以話係CHANEL指甲油入面最受歡迎既顏色之一，
鮮艷既紅色搽上手顯得非常高貴，
而且好易搽又快乾，同個紅咀可以話係襯到絕架！

Estee Lauder 推出左一系列既聖誕禮品，凡購買任何產品滿＄890，
就可以加＄590換以下呢個咁豐富既Christmas set啦！
呢set可以話係化妝師心水之選，
首先就有個四四方方既深藍色化妝箱，
佢可以裝到好多化妝品，真係好實用架！

護膚品方面，佢就有皇牌升級再生基因修護露，抗皺晚霜同眼唇卸妝液。

化妝品方面，就有一盒12色既eyeshadow同兩色胭脂組合，
帶出去做野就非常方便啦！

仲有3色唇彩組合，眼線筆，纖長睫毛液，同3支純色持久唇膏。
唇膏既顏色都非常大路用黎襯番個濃啲既眼妝就岩曬啦！
另外，入面仲有個輕便啲既化妝袋，平時帶幾樣妝物出街就岩曬啦！

LANCOME MAKE-UP LOOKBOOK

呢個palette就整到好似本閃閃書仔咁，一個字：靚！
入面有3個眼影色， 2個胭脂色，lip gloss，睫毛膏同眼線筆
仲有塊大鏡，帶出街化妝都非常方便架！

LANCOME Shimmering loose powder＄360
呢個係限量版閃亮碎粉，
可以輕印係面部T字位，面頰，下巴位置就做到好似highlight既效果，
又或者可以印係鎖骨同肩膀位置，仲好sexy添！

LANCOME HYPNOSE DAZZLING limited edition $230
除左有閃亮碎粉外，最吸引到我就有呢兩個限量閃亮柔滑單色眼影，
左面係暗金黑色，右面係石榴紅，
質地好軟滑，又好上色，用完佢唔再加粉狀眼影都無問題。

LANCOME PALETTE HYPNOSE DRAMA EYES #DR8 $440
一盒5色既眼影，由深至淺都有，用黎打造深邃既smoky eyes都最岩啦！

LANCOME L’ABSOLU ROUGE ＄250
呢兩支唇膏都係大路實用既顏色，
日妝就可以用右面個支珊瑚色，
轉夜妝就可以用左面個支紅色，
轉個唇色成個妝容既感覺已經唔同啦！

Cle de peau 既遮瑕膏同粉底都係好多化妝師既至愛，
其實佢地其他彩妝產品一樣好好用架！
今次佢地就新推出左幾款新產品啦！

Cle de peau 既遮瑕膏同粉底都係好多化妝師既至愛，
其實佢地其他彩妝產品一樣好好用架！
今次佢地就新推出左幾款新產品啦！

Cle de peau eye color quad
今次我地就收到其中4款新色，每盒既顏色都相當吸引呀！
粉質好幼滑又上色，入面含有好細膩既光澤粒子，
搽上去雙眼就即刻變得好有立體感啦！

Cle de peau perfect lash mascara
呢款新出既睫毛液可以令睫毛有纖長，濃密同捲曲效果，
想營造娃娃般既睫毛效果就可以揀＃1實黑色，
想營造自然溫柔既效果就可以揀＃2啡色啦！

Cle de peau extra rich lipstick
Cle de peau既唇膏一樣係潤到出曬名，
而佢地今次呢個系列既唇膏亦新出左幾款限量色調，
顏色都偏向自然，襯番濃眼妝同鮮艷既胭脂色就唔會太過over啦！
襯住聖誕節就有藉口買下禮物比自己啦！
如果以上既妝物燒到你地就快啲去counter試下色啦！