翻肥…調節心理中
最近心情欠佳，可能接近生理期….又或是其他原因….總之只想懶惰、只想逃跑、只想吃喝….
相信每個曾經減肥都試過，一直瘦一直瘦，然後經歷平台期，然後意志變得薄弱，繼而再次大吃大喝，最後體重極速反彈、直線上升……
我正正在這階段，心情愈差、更想自我放棄，繼續食，零食也好、汽水也好、煎炸肥膩的….統統吃下肚
減肥的時候，當稍見成績，就會更有動力、更積極的去做運動、忍口，堅持令人美麗的習慣；
但一旦體重回升，就會自暴自棄，一直沉淪下去….
其實我十分明白、理解自己這一種心態，在自己心不廣卻體胖的狀態，必定要好好調節心理。
現在正努力回復身形，馬甲線，等我啊～
十分認同啊！一齊努力啦！一齊!
一齊^^
實在講得太中了! 較早前同你分享過由今年1月1日開始減肥, 到3月底瘦了21磅. 現在 5月頭, 又瘦多幾磅, 一共27磅. 我得153cm高, 08年還是100磅, 09年開始慢慢脹, 一路懶唔理自己身世, 終於造成139磅, 河馬身型的惡果. 我都覺得自己進入平台期, 有時就算無偷食又keep住做運動反而都會重左, 唔知咩道理. Anyway, 好多謝你經常分享做運動的video, 例如那兩個收腹的video就很讚, 我有跟住做架, 一個星期做六日, 一日休息(吞卜)
Hi Vicky, 多謝你一路以來的支持! 現在我正值減肥低潮, 但你的經歷對我也有很大的鼓勵作用! 真的, 講減肥, 很多人都滿口理論, 但確實實行與堅持, 還得靠自己的決心和意志!!!
加油! 我們一起努力! PS 你現在已經好厲害啦!!
Lingling, 透過網站上的照片, 其實你巳經好瘦, 只是那條馬甲線係都要同你玩捉迷藏. 有些人的肌肉天生係咁倚操2, 3個月就出左黎, 但你操左咁長時間又好乖咁忍口, 條線就係鍾意出吓又唔出吓咁, 我明白你的upset. 無計! 我d肉自細都好鬆好”pou”, 似豆腐. 我預計我條馬甲線會喺2014年尾出現卦!, 有時唔俾期望自己反而會喜出望外. 你還很年輕, 繼續努力. 瘦身除了為外觀之外還有健康, 肥人除了樣衰之外仲特別多病. 我5月1日開始又玩新花臣, 就係好hit既5:2輕斷食. so far 試了3天, 暫未有甚麼驚人效果(每天只能吸收500卡真係幾肚餓, 不過都要死忍!), 我會靜待其變, 再和你分享.
多謝你VICKY! 在這裡除了可跟大家分享減肥過程的點滴外，還得到你的支持，互相鼓勵，真的很感動！！明白早前的不快，大部分源於生理期，現正跟唐安麒的黃金十天飲食，遲些再分享。我亦想試試有５：２斷食，屆時可以繼續交流啊～真的超級感謝你！