當年今日–2007年6月15日

網誌

廣告

出世時的模樣,會想過三年後變成這個樣子嗎?
2007年6月15日,是我一生也不會忘記的日子。
當天早上9時,我帶齊入院物品準時到達仁安醫院,等生仔。在我懷孕第十四周時老公已代我決定了剖腹生產,所以一早擇好時辰,約定醫生下午進行手術。慶幸囝囝沒有趕著出來,所以一切如安排好的進行,完全也沒有經歷過女人最痛,只是被推入手術室後在手背上拮了一針吊點滴,然後麻醉師給我邊聞氣邊數數目,才數到三,我便昏倒了。到不停聽到有人叫我拍我,才醒來,然後只感覺到痛,是傷口的痛,知道自己生了。

是姨甥女為我造的「生仔紀念册」,由我等入手術室前的一小時,至囝囝出生後的即時相片也有,閒時我也會拿出來看看。
我是真正的「無痛分娩」,一枱女人講起「生仔有幾痛」這課題,我一臉茫然坐在一旁沒有搭嘴,不知就裡的朋友還笑說:「你好似無生過咁嘅!」我有生,只是沒痛而已。對於有人認為未痛過,就不叫做生過仔,甚至認為不會珍惜生下來的寶寶。哈哈,我卻認為痛不痛跟愛不愛是一點關係也沒有的,有人不怕痛,自然勇於挑戰女人最痛,無論克服與否也是一場經歷,對於是自然分娩的女士,我是懷著無比尊敬與由心佩服的,我自問真的辦不到呀。而我不否認未生前真的沒有犧牲精神,不過假如要再生,我一定會戒口、一定會堅持餵人奶至少三個月,但我都一樣會選擇開刀,因為我實在沒法承擔這種痛,而且不代表我不愛兒子啊。


三年前還是一嚿粉糰,今日已是會駁嘴也會討我歡喜的小孩了,我未有想過三十年後囝囝會變成怎樣,但願他一直健康快樂便已足夠。

你可能也喜歡

There are 14 comments

Add yours
  1. Michelle阿比

    我生大仔時, 本想自然分娩, 但因他的頭打側了, 開到7度就停下來, 最後要開刀, 前後12小時 (兩種痛都經歷了).
    生細仔時, 是自然分娩, 前後5小時.
    如果可以給我再選擇的機會, 我會跟你一樣, 剖腹生產算了, 因為…實在太痛!

  2. Alvita

    Happy Birthday to Jit Jit!!

    完全同意,因為我都承受唔到個種痛&壓力,所以我都將會開刀。

    我覺得我懷胎十月的苦 (擔心、小心、戒口etc) 都一樣可以証明我好愛我個B,唔一定要經歷順產;好怕其他人胡亂批評人地的決定。最緊要係生出來之後,未來幾十年都要繼續愛錫珍惜佢,先算係愛佢!

  3. michellelau

    Alvita,

    Thanks a lot!!!囝囝是Disney的超忠實fans啊!
    因為我是全身麻醉,坦白講,生了的頭兩日,真的不大覺得是自己生的,不過始終血濃於水,對BB既愛是會不知不覺地發生的。
    囝囝今日先話:媽咪,唔使驚,生BB唔痛架!我忍不住大叫道:你知唔知三年前既而家,我就係生咗你,痛到咩都講唔到,仲要打止痛針添呀。
    哈哈,信我,第時你攬住BB時,就知咩都值得!

  4. QQ mama

    選擇開刀生並不代表一個母親不愛自己的小朋友, 生BB只是一個過程, 往後要勞心勞力照顧小朋友先係最大CHANLLEGE。

    我生囡囡先最初都係選擇開刀,因本人真係好怕痛, 後來聽人講自然分娩對BB會好啲, 就改為自然分娩, 用左無痛分娩再等左9小時,最後都懷有第二胎係要開刀; 依家既我已經決定一定開刀, 個十級痛真係頂唔順, 我對自己生到既信心係零, 唔想到時又要緊急開刀, 痛兩次不得止, 重要荷包都要俾DOUBLE既價錢。

  5. QQ mama

    HAPPY BIRTHDAY TO LOUIS! 我囡囡都係SUPER DISNEY FANS, 佢見到MICKEY同MINNIE就會自動攬到佢地實一實。=)

  6. 金B

    我也剛在仁安生了bb, 其實開刀都有傷口痛架!!!!!
    michelle, 請問為甚麼會後悔沒戒口呢,我也沒丫。

  7. gloria

    hi michelle,
    想問一問妳開刀後痛咗幾多天?及可否話比我知妳搵邊個婦科醫生?因現在我有需要! thank you! thank you!

  8. michellelau

    Hi QQ mama,
    我也是超怕痛的, 試過腸胃炎入院, 醫生叫我打針, 我死都唔肯,只肯食藥, 點知嘔到係急症室暈咗. 我記得生完醫生來問我點: 我話好痛, 醫生話咁打支止痛針啦, 效果好D, 我係迷糊之中, 都識話: 打針, 咁唔好啦! 醫生聽到即刻笑話:你真係怕痛成咁. 所以我係揀全身麻醉, 唔使打果支好痛既針.

  9. michellelau

    Hi 金B,
    唔….其實我都有戒口, 但戒唔足, 我都唔知關唔關事, 囝囝一個月大就有濕疹,見佢咁, 會想就算唔關事, 都戒咗先算,好似安心D. 雖然身邊都有朋友話, 戒晒口阿B 都一樣有濕疹.

  10. michellelau

    Hi gloria,
    恭喜晒!!! 開刀後, 最痛都係頭一個星期, 但係可以食止痛藥, 所以都可以接受. 之後都有痛, 但好輕微, 到阿仔滿月時, 我隻狗突然跳上我度踩正我傷口, 都冇話好痛了.不過都要睇醫生手勢, 我表妹生第一胎,個醫生開正係最多神經線個位, 佢足足痛咗半年, 個傷口又試過爆線, 好恐怖.
    我個醫生叫: 韓苑莪, 是女醫生來的. 電話: 2380 6071


Post a new comment