率先睇mercibeaucoup,秋冬小鹿新裝

網誌


我一向愛名牌,可是我喜歡mercibeaucoup,是有點不同的,因為我不只愛品牌的設計,也愛品牌的靈魂--設計師宇津木。她對時裝的熱誠,看她的設計就知,每一季都有不同的驚喜,在時裝台上總是熱閙誇張,但逐件拆開又有其可穿性,易襯之餘又帶有特色,而且不似某些成了名的設計師,為保品牌一定的銷售額而妥協食老本,她總是有新鮮奇趣的鬼主義。上年秋冬的蝴蝶到今年春夏隻隻熊貓現身之後,秋冬則以小鹿為主角,我覺得mercibeaucoup,如此玩嘢的設計,秋冬系列會比春夏大發揮得多,去年秋冬我便一口氣買了四件褸,到春夏買來買去都是Tee,幸好話咁快又到秋冬,早於五月尾已可預訂秋季新裝,我自然不甘後人訂了貨,到上星期六終於取貨啦,不過質料有點厚,很難於三十多度的天氣下率先著,唯有耐心啲等吓啦。


左:啡紅色乳牛圖案衛衣 $1,899 ; 中:藍紅色乳牛圖案衛衣 $1,899; 右:深藍色波點圖案針織one-piece $1,299


初秋系列是乳牛世界,乳牛圖案biker約三千多,而乳牛短袖tee,一出已售清。
唔著得,都睇得o卦,mercibeaucoup,的秋冬時裝show剛在昨天晚上(7月21日)舉行了,共展出24套由日本專程運抵香港的秋冬show-pieces,而貪玩的宇津木也有親臨現場與眾同樂,她對品牌和fans的著緊,都是我每一季都想去看show的原因之一。


mercibeaucoup,秋冬時裝show選址於中環Watermark舉行,invitation card上印有今季吉祥物:閃電鹿。


左:宇津木可算是最親民的設計師了,今次更攪鬼地於現場擺有多個「紙牌宇津木」,供fans拍照留念。右:上次的春夏show,字津木落場扮熊貓,給在場fans一個big surprise,今次只是在完show時拉人龍而已。


左:fashion show場面墟冚; 右:mercibeaucoup,近年成為名人明星最愛的品牌之一,今次也有不少名人如:時裝精Wyman、歌星農夫、影星劉心悠及模特兒Evelyn & Anjaylia等。

都說宇津木是個細心體貼有良心的設計師,上季送給來賓的是mercibeaucoup,雨傘,今次則是小鹿暖杯。
mercibeaucoup,秋冬系列我至愛的outfits:

你可能也喜歡

There are 4 comments

Add yours
  1. Jovi

    好想親身經歷fashion show 呀..我鐘意陀鹿既design,好靚呀…!!! 最衰我又唔係做有關行業冇咩機會參與:(

  2. michellelau

    Jovi,
    而家vip既地位比記者更重要, 呢類fashion show都有大量VIP架, 所以唔一定要做呢行先去得架.

  3. gloria

    hi michelle, 想問一問乳牛圖案biker,香港何時有得買?用IT card 是否有9折呢?thank you!!!

  4. michellelau

    hi gloria,
    已經返咗貨, 你快D去問下啦, 好似話都斷斷地貨呀. 用IT card有9折架.


Comments are closed.

Recommended