濕疹/細菌感染點分？有咩非類固醇外塗品？

試過有就係細菌感染左好耐，皮膚又痕又紅又腫又痛……但個個醫生死都係話係濕疹，而我自己作為當時人，我好肯定當時唔係濕疹囉！
但係有時就係咁㗎啦，醫生講咩，你病人都冇say㗎啦……咁所以呢最後因為細菌感染得太嚴重,我直情係要入咗醫院處理，一定要打類固醇針…..所以嗰一次呢都畀我自己好大嘅經驗就係，如果同一個方法醫極都唔好嘅話，咁我相信一定唔係嗰個病啦！second opinion係很重要的！要一直去搵到一個識睇既醫生為止，但點搵呢？試，不斷的試，同埋要有基礎的知識。

我重覆我不是專家，人人的皮膚都不同～我只是以患者角度同大家分享下我多年睇唔同醫生既經驗同最終我自己覺得外塗方面用咩比較岩我自己。係我自己岩的方法呢～～～

所以不代表岩全部人架。

而我個人認為，所有野都要治標治本，尤其是皮膚問題…..你不能只外塗而唔調理身體同唔改變生活習慣！皮膚問題是整體的，由內而外的，要根治是不能懶的呢！！！

如情況嚴重梗係睇醫生啦！

大部份最煩的皮膚問題，我都試過….
咁多年來睇過的中，西醫，自然療法，醫院，專科，偏方，心理…etc…你講得出的我都睇過試過 無數次….其實有些皮膚問題，尤其是敏感，濕疹，細菌感染就算醫生都好難分。
一連幾個星期同大家以患者既角度去睇番呢d 皮膚問題，同埋分享下我自己用咩非類固醇既外塗法去舒緩同處理。

記得，唔好比佢失守！！！病向淺中醫，因為一失守，手尾就長了。
但點都好，你一定會搵到岩你自己既處理方法，辦法總比困難多！！！！
而當中，調理身體同良好既生活習慣，食岩野（尤其要戒甜品同加工食物，其他就睇自己體質）一定係對抗所有問題的最佳方法！！！