平價好物分享
Karen:
Aqueous Cream BP $17/100g
本身皮膚都有敏感濕疹，
有時搽一啲有特別成份或香料嘅handcream都會唔舒服，
而且呢個情況最好都係做好保濕同減少接觸致敏原，
所以而家搽cream主要都係以保濕為主，
呢支aqueous cream醫院醫生護士都有用，
所以應該都有信心保證嘅。
佢嘅質地唔笠身，好易吸收，
$17咁大支，用嚟搽手同body都可以，真係超抵！
最重要係皮膚有敏感濕疹都用得，
不過每個人皮膚狀況都唔同，
所以如果你皮膚同樣敏感嘅話，
留意番有冇對成份敏感，或者測試一下先再用就好啲，
Holika Holika Skin & GOOD CERA Ultra Essence Mist $158/100ml
本身屬乾性皮膚，好多時都會噴下保濕噴霧，
妝前妝後都會噴，令皮膚唔會咁繃緊，
佢有ceramide精華成分，唔係純水分，
所以感覺滋潤啲，噴完皮膚都有光澤啲。
另外佢性質較溫和，無添加一啲對皮膚有害成份，
敏感皮膚都可以用。
有精華成份嘅噴面產品嚟講，價錢算好相宜喇。
Christy:
Heavy Rotation eyebrow gel $52
之前去日本都鍾意搜羅平靚正化妝品，
呢支眉gel香港SASA，LOG﹣ON都有得賣，
不過係日本買就有多啲色揀，亦抵買啲。
之前我都試過好多有平有貴唔同牌子既眉gel，
試過有啲質地太杰身，好易就gel到啲眉毛一舊舊，
亦好難上得均勻，條眉就好似張住左咁！
而我試過呢支就好唔錯，顏色淺至深都有，
又唔會太杰或者太稀身，好上色，
掃幾下就好易染到成條眉，條眉都唔會gel到一舊舊。
染完眉色好自然。
Yuki:
Maybelline/ Baby Lips Color #Berry Crush $29
呢枝唇膏我都用左幾個月，
係有一次去萬寧碌EPS時求其拎黎湊數，
本身Maybelline既products大部分都好平價，
而且平得黎都有唔少好物，
而呢枝更加只係29蚊！
之後開左黎用，搽落發覺好夠潤，唔會笠，
就算咀唇有死皮都好快軟化，
前排12月1月極乾既時候，用佢都無咩點甩皮。
揀左呢隻莓色唔會太紅，顏色好自然，
平時出街帶埋佢就perfect啦。
如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
