崩潰是新生的開始
我一直都話我係一個自卑底嘅人,
有好嘅事情發生又覺得自己唔配擁有….
我唔知道點樣去令到自己脫離呢一個黑暗面,
但係早幾個星期,突然間嚟咗一次連我自己都覺得好震撼嘅崩潰…
喺崩潰嚎哭嘅過程,我將我多年嚟嘅冤屈、難過一次過講晒出嚟…..
雖然崩潰嘅情緒係令人好難受,
令到我頭痛咗幾日,但係崩潰過後
原來係我一個 重生的機會。
我一直以為EQ都好高,我以為我唔去諗就等於冇事,我好多嘢都睇得好化,以為真的冇所謂,
但係原來情緒呢一回事,會自動一點一滴自行累積….
誤解/委屈原來一定會一直都在心裡存著,
積落去甚至令你嘅個性變質……
久而久之呢D黑暗面,就會令你變得愈嚟愈自我,你睇嘢再客觀 ,
好容易覺得 又係自己被委屈啦/又係自己被誤解,
然後愈來愈憤怒⋯⋯”明明自己沒做錯,點解又係我?”
自己連自己被黑暗面包圍都不自知,
只係會慢慢發現…….
這些事情重複又重複發生
自己又同身邊嘅人重複又重複不斷去訴說哭訴同一樣的事情….
曾經傷害你嘅人
或者令你好難堪嘅朋友,
好似膠水咁緊緊黐住自己….. 好像愈黏愈緊…..
有時可憐的是….會影響自己身邊的關係,
你重複申訴,但又不肯跳出來,只是支取同情的資源卻又重回自己的黑暗角落…
久而久之,身邊嘅朋友或者家人會開始害怕同你相處,
開始害怕面對你, 因為同你相處會令到大家都覺得無助 /辛苦,令到大家覺得有壓力甚至被攻擊 …..
所以最好就是迴避你。
於是 惡性循環下,你又會覺得人哋害你。
上次崩潰之後,
我真實地發現其實自己冇面對過情緒 ,
原來偶爾嘅崩潰亦都係一件好事。
畀我喺自己震撼嘅聲音裡面,
聽到自己嘅呼求,聽到自己嘅委屈…..
然後當下嘅心情 完全輕鬆,
唔理對像有冇認同,
將多年嘅想法講晒出嚟,
就好似放低咗個重擔一樣
甚至連一直以嚟嘅自卑心都好似離開我而去一樣
可以重新 生活…….
我終於見到路,
可能係一直自己block咗自己嘅路,
當你唔需要再掩飾或者隱藏呢一啲嘅黑暗面嘅時候,
只有放低咗,
面對
先至會坦蕩蕩睇得到自己內心。
所以我好鼓勵大家,
鍾意講嘅就盡情將心裡面嘅說話講出嚟,
想寫嘅就用寫嘅方法去寫,
想畫的就去畫…..
因為只有坦蕩蕩咁樣去面對自己,
你先至可以變得客觀,
你先至可以將過去嘅傷痛/黑暗面喺你身上拎走
我相信每個人的人生都可以很美好的,
只是要時間自己去發掘好的,放開不好的~
Website:www.wahahafactory.com
Fb:maysumofficial
Cat page:sillycatsfamily