學識是嫁入豪門的門檻
看完我老細東地曹社長８月８日的網誌－－時間－－－忙於浪費而沒空珍惜，文章短小精簡，一針見血，忍不住想回應一下，其中有舉腳贊同，亦有反對的意見。
首先對於「我甚至思疑，就是因為毅進，令部份會考生更懶於讀書。」這一點我絕不贊同，如果這「部分」會考生是會思量未來前路、讀唔到有甚麼後著此類前途問題，他們是不會5分都冇的，5分都冇嘅學生通常係過一日得一日，連聽日想去唱K定係留係屋企打機都未知，怎會知毅進是甚麼，到考完連5分都冇，就人云亦云走去報毅進，試吓問那些學生究竟毅進的課程是甚麼，我擔保沒幾多人知道。
不過，無可否認現今社會真的是提倡保護失敗者的，除了「高官往往呵護會考失敗者，說甚麼成績差不用怕」，更開闢大量不同的「進修」機會給升不上中六的學生，甚麼副學士先修、文憑課程、毅進計劃等等，總之唔理讀咩，不用搵工出o黎做嘢就得，避得一時得一時，更為贊同他們都是繼續hea讀。
《時代》周刊雜誌網站於5月時，曾專題報導美國十大輟學成功人士，於是傳媒炒作成「大學沒畢業一樣有前途」，令一眾讀唔成書的學生可以大大聲兇番阿爸阿媽：「Bill Gates同Steve Jobs都冇讀過大學啦！」他們根本不明白有得讀而唔讀，同冇資格讀的分別。
微軟創辦人Bill Gates目前身家達 530億美元（ 4,134億港元），是「哈佛最成功的輟學生」。蘋果行政總裁Steve Jobs，19歲時創立蘋果電腦，剛推出的iPhone4，掀起全球潮人搶買戰。
我不是說讀了大學就一定成功一定有光明前途，可是在香港，大學畢業仿如通行證，有點都好過冇。我沒有甚麼大成就，但至少有機會揀一份我喜歡的工作，如果少時沒好好讀書，就連入行的機會也不會有。
就算人生目標係要嫁個有錢人，就更加要努力讀書裝備自己，靚如徐子淇，都有經濟系學士及傳理學系碩士的學歷，梁洛施？還未註冊的。
我相信有不少少女也想一如徐子淇般，嫁個有錢人，但請先裝備自己，有學識是嫁入豪門的門檻，香港也只有一個梁洛施，而且還未正式結婚的。
梁洛施與李澤楷為何分手？
2011年2月梁洛施對外宣稱已經跟李澤楷分手，有人傳出是梁洛施一直向李澤楷…詳情請看
梁洛施對於年紀輕輕已成人母，感後悔嗎？
梁洛施曾出演內地節目《奇葩說》表示不後悔，被問到年紀輕輕已成為人母，她都坦言表示比自己想像中早，但認為只要..詳情請看
strongly agreed.
不過好多明星都嫁到有錢人,例如:葉玉卿,李美鳳,黎瑞恩…張焱悅..等等…不過如果要係李家誠,李兆基個d先叫豪門,咁就真係可能要好似徐子琪咁又靚又有學識喇.
MICHELLE:
「Bill Gates同Steven Jobs都冇讀過大學啦！」< typo, 係steve jobs丫。
Sarahhh,
Thanks a lot.
Jovi,
你可以睇下我另一篇網誌–闊太唔易做
http://vipblog.orientalsunday.hk/michellelau/?p=3943
MAGGIEJOLLA,
多謝你的提醒, 已作更正, 謝謝
我話係徐子淇的父母叻就真
有邊個會俾個仔女去學豎琴
icarus,
絕對贊同你的看法，不過都要個女真係做到先得。
Hi Michele, 睇左…都係既..即係唔係太好學歷條件既,,參加選美都可以擠身豪門,其實即係好多有錢人,都愛有名氣的女人…一般平凡良家婦女..even 學歷普通..,個樣ok,都未必有機會lu..哈哈..
仲有..其實你老公係專業人士,你又係才女一名..仲有個超級可愛既仔仔..你既生活我都好羨慕呀..
Jovi,
據我所知，真係有好多男人喜歡有名氣既女人架，我識好多明星仔or models都嫁得好，所以有咁多女仔都參加選美囉。
至於才女這個title，真的完全絕對不敢當，我只是個愛買愛文字的雜誌編輯而已，跟＂才＂沾不上關係呢。
不過，我都好滿足我而家擁有既野，我都覺得自己好幸福架。