台北旅遊小事話你知-搭的士

好多朋友話，台灣司機都好nice洗咩驚？
作為在當地生活的人，就知道台灣同香港都係一樣，司機都有好同唔好！
試過自己試過貪快，係街邊截的士，遇見個一個司機知道我是香港人後，不停罵香港人。由於人在車上，不能輕舉妄動，那程車的確難受！。

又聽見朋友來旅遊再話我知截唔到的士、被人兜路、普通話唔好人生路不熟唔知講自己地點等等……
台北唔似香港，的士都有分好多牌子。
著名最安全係：台灣大車隊，其他各有參差。
咁點做一定搭到台灣大車隊？
想搭到台灣大車隊的車，就去附近7-11搵部ibon機就叫的士！

過程簡單，幾近路程叫車都係免費！
（就算港澳十幾二十幾蚊都用得，絕對唔洗覺得唔好意思！）

叫車步驟：

首先搵間 7-11，再搵部ibon機。

1.先按數位生活。
2.再點計程車叫車。(酒後代駕都有架…….真感動)
3.第3點……本人還是建議選台灣大車隊!
4.按同意條款 。

5.輸入台灣電話號碼
6. 確認叫車，通常按完之後系統會跑一陣。
7.搵到車螢幕上會顯示的土公司牌子和車牌，幾分鐘到達。 確定列印。
8. 就張單顯示清楚資料。方便同司機相認~

最後就可以安全係咁間7-11等車，到差唔多夠鐘先行出門口!!!
咁叫車仲有一個好處，就係台灣大車隊設有GPS系統。
以防萬一…….都可以追蹤到車牌和司機。
呢個方便叫車方法絕對推薦比單獨來台北的女士。

P.S.就算睇晒上面都係唔知點做或者搵唔到ibon都唔緊要!
走入去問7-11店員，佢地大部分都會話你知部機係邊，同埋會幫手做埋叫車步驟。

步驟照片來源　：台灣7-11