做人阿媽甚艱難－－全職媽媽更難
要知道每兩個星期我都嚴陣以待工人姐姐放假的星期日，尤其老公轉工後星期日一早就要返工，只有我一個照顧囝囝，第一件事是求神拜佛他可以瞓晏啲，然後就要跟他鬥智鬥力祈求可以準時出門，還要安排好一日的節目，通常到了晚上我已經筋疲力盡了。所以我寧願返10日工，都不太願意當1日全職媽媽呀。
我身邊有三個傭工服侍一家三口的全職媽媽，但也有又要買餸煮飯，又要吸麈抹地的全職媽媽，她們都跟子女關係親密得不得了，而且萬事都在她掌握之內，由於管教得好，小朋友的品行和成績也較優越。不用請傭工，可以免了不少煩惱，省下的幾千元供子女讀書又好，供一家人久不久去去旅行亦得。
可是這份工卻非常困身，是廿四小時全天候的上班時間，沒有下班沒有放假，就算病也要戴著口罩繼續拼下去。只是想騰出一個小時修修甲，也要左度右度，更要找人代為照顧小朋友才可以走開。而且也很講求EQ，我這類EQ超低的媽媽，在兩星期僅一日的全職媽媽日，也會情緒失控，忍不住對囝囝多了責罵，還要不停解答「一萬個為甚麼」：「媽咪，點解要用牙刷刷牙？」、「媽咪，點解人會死既？」、「媽咪，點解要返學呀？」、「媽咪，點解會行雷呀？」………
對於這類萬能的全職媽媽，我是打從心底的佩服敬仰，因為當全職媽媽這份工，比起那些高薪厚職月賺幾十萬的在職媽媽難度更高，是能人所不能。
YES ar, 做全層媽媽真係好辛苦, 完全冇哂自己時間, 但就可以對多d小朋友, 連下功課, 但由於我eq勁低, 冇謂傷大家感情, 都係繼續做在職媽咪…
可唔可以又有姐姐幫手,又不用返工呀..哈哈…咁樣會舒服d,又可以陪多d小朋友,又可以有自己時間囉…(不過當然要經濟許可)….
實在太中我的心聲~~~~
我就係嗰種冇請工人的24小時全職媽咪，想電個頭髮都要等仔仔返PLAYGROUP分2次搞
加上老公長期出trip, 我覺得我的workload係一般人的3倍
唔請工人的最大原因係唔想仔仔成“港童”的一份子
Jovi,
最理想就梗係咁啦！不過現實未必咁理想既。
Hilda,
係呀，全日湊就一定忍唔住會鬧架，星期日又係全日湊，鬧完佢，隔一陣佢同我講：媽咪，你今日排第六。我答：我知，因為我今日鬧你嘛。囝囝：係呀，哪，你而家同我講sorry, 中文一次英文一次，咁你就可以變番第一位啦！
你話激唔激死呀。
Hi Barney,
你又係全職？抑或好似我咁寧願返工呀？
Hi Pen,
你簡直係我偶像呀，仲要老公長期出trip，真係好厲害呀，我老公而家少時間陪我地，我已經覺得好慘啦，你仲要又冇工人，真係好勁呀。
我可以講你聽，你咁做係啱架，因為無論你點教，點叫工人唔好太遷就ＢＢ，都冇用架，佢地為免麻煩，都會聽晒少爺支笛架。我千叮萬囑唔俾囝囝睇海綿寶寶卡通片，轉頭工人又係一樣開比佢睇，仲要齊齊唔講我聽，激死我呀。
Pen, 我要向你致敬呀！
哪，你而家同我講sorry, 中文一次英文一次，咁你就可以變番第一位啦！
>>真係激死
dear michelle,
this is bessie, the one u know….my husband and daughter should read your article! I am feeling so tired every day, career moms could zzzzz on sat and sun, but full time moms can’t! now my daughter is almost 20 months old, she could say NO! and “you’re bad mama” to me….everyday is a callenge for me, sometimes I really miss the old days I used to have before having her, I’m planning to have a maid in future if we could move to a place with 4 rooms, cos both my husand and I need privacy and I am good at doing housework, more importantly, of course I wanna save more money la……very sun fool !
Bessie,
你都係我偶像呀，我真的不可能沒有工人呀，你仲冇揸車，難怪你唔想囡囡去咁完返學啦。你有機會比你老公睇啦，老公出外賺錢係辛苦，但其實係屋企困住果個仲辛苦呢。