七月首爾之旅--shopping血拼第二站:東大門

網誌

行完新村,第二站便是鼎鼎大名的東大門,由於首爾的時裝批發中心位於東大門第二區,所以不少人以為到東大門購物就是到批發區買平貨,其實批發區並不招呼遊客,買貨除了要有舖頭卡片外,更要求以韓語溝通,非常麻煩。而遊客逛的應是第一區,這裡的商場營業時間是由早上10:30至翌日凌晨5:00,一向以為香港的舖頭營業至晚上十時,已是全球最照顧購物狂的地方,怎知東大門更利害,可以暢快地逛至凌晨,不過我參加的是旅行團,在東大門的限定購物時間只有一小時!!!!
我集中火力主戰Doota,因為這座shopping mall有童裝、精品、飾物、男女裝衣飾、運動服等等,更於裝修後於地下一層引入了一些富特色的地道品牌,甚具看頭。剛巧這時囝囝睡了,家人於是代我看著囝囝,讓我逛得痛快。我當然第一時間衝上6樓的mom & kids,大部分都是童裝,更有不少韓國的童裝名牌分店,款式特別之餘,最緊要是質料很好,而價錢真的是平到你唔信。由於只有一小時,買到後段,我已沒有看價錢,睇o岩便買,以最短時間掃貨,旁人看來還以為我在參加甚麼「極速掃貨」此類的電視節目吧。

場內有不同品牌的店舖,也有如雜貨攤的小店,是真的買到停不了手。

這一堆就是我於限定時間內買的童裝,女裝的是送給朋友囡囡的。

左:紅色公仔圖案女裝tee₩7,000 (約HK$47);右:白色泡泡褲₩19,000 (約HK$127)

左:藍色吊帶裙₩19,000 (約HK$127);右:Twinkids紅色綴藍色格案背心/白色綴紅色格案背心每件 ₩7,900 (約HK$53)

左:Twinkids深藍色間白條純綿 tee₩10,000 (約HK$67);右:Twinkids彩藍色圖案tee₩6,900 (約HK$46)

左:Twinkids灰色開鈕tee每件 ₩29,000 (約HK$194); 右:Twinkids深藍色短褲 ₩15,000 (約HK$100)
狂掃了差不多45分鐘,離集合時間不夠15分鐘,我立即快跑到地下一層看女裝,怎知跑到三樓時撞見我的家人,他們說:「你個仔醒咗,喊住要搵你喎。」我苦惱地說:「但我仲未行女裝呀!」哥哥見我如此可憐,「咁你快啲去行啦。」可是,囝囝已經追到來,死抱住我不放,唯有抱住他極速逛,如此狼狽下,只求其買了一件裇衫。最可悲的是經過此役(瞓睡唔見咗我),囝囝不讓我離開他的視線範圍。吃過晚飯回到酒店,嫂嫂家姐們意猶未盡,決定搭的士去再掃過,我這個shopping精自然舉腳贊成,我哄囝囝跟舅父表哥們回酒店房玩,他堅決不肯,更立即樹熊上身,緊纏住我,就算舅父出動他最愛吃的雪糕也不為所動,迫我放棄shopping,姨甥女說:「你唔開心咩?佢咁嗲你。」我無奈地說:「但係我真係真係好想好想行街呀。」當看著家姐阿嫂柴娃娃地跳上的士,我卻抱住囝囝返房瞓,那種痛苦至今仍清楚記得。唉,shopping狂無得去shop,等於唔俾劉翔跨欄、唔准碧咸踢波同嚴禁o靚模晒胸一樣,慘無人道!!!我邊行上房邊說:「你瞓著咗,媽咪先去shopping囉。」囝囝即時應道:「瞓咗就瞓咗啦,仲shopping ?」都話佢係我尅星啦。

囝囝身上的純棉貼身tee和貼腳四個骨褲都是購於東大門,質地都很柔軟具彈性。
Green Tomato粉紅色貼身tee₩5,000 (約HK$34),Twinkids藍色四個骨褲₩10,000 (約HK$67)
Doota
網址 : http://www.doota.com
電話: +82-2-3398-2386~7
交通: 乘坐2號線地鐵,在東大門歷史文化公園站下車;或1、4號線地鐵,在東大門站下車。
營業時間 : 10:30-翌日05:00
休息時間 : 週日23:00~週一19:00

更多韓國之旅的戰利品,刊於今期#657 (7月13日出版)的More內。

你可能也喜歡

There are 24 comments

Add yours
  1. vivian

    “shopping狂無得去shop,等於唔俾劉翔跨欄、唔准碧咸踢波同嚴禁o靚模晒胸一樣,慘無人道!!!” 你真係好搞笑, 可以想像你嘅失望!

    原來男仔著粉紅色都可以好靚, $34太抵啦!!! 我都好想去買….

    我都係working mom, 睇咗你嘅Blog好耐, 好鐘意你嘅shopping心得&同仔仔嘅點滴, 加油喔;>

  2. Annie

    所以話呢, 親子團絕對唔好去有得Shopping既地方, otherwise妳會比死更難受law, 希望我個女大啲會貪靚啲, 咁我地就可以一齊shop law…….(發夢ing)

  3. MORE~~~i love it!! ^^

    哇~~~~~其待左你po首爾之旅既文章好耐啦~~~~

    我未去過korea呀… 因為一直對呢個國家冇乜特別好感, 而且食方面又完全唔岩我食… 不過睇完你既文章之後… 好想去下… 又好想試下打減肥針~~>3< 不過要十日真係冇乜可能…

    最最最主要係想去買童裝同女裝呀~~~哇… 喺hk, 求其喺d小店到買童裝, 不知名牌子, 都要二百幾三百蚊件衫仔 / 裙仔… 咁喺korea d衫仔真係抵好多呀!! 仲有女裝呀… 哇~~~~ 又多一個旅行既目標lu~~~~

  4. MORE~~~i love it!! ^^

    哈哈… 睇到你既形容 “shopping狂無得去shop,等於唔俾劉翔跨欄、唔准碧咸踢波同嚴禁o靚模晒胸一樣,慘無人道!!!” 真係會會心微笑… 我個小朋友仲細, 未識得咁樣阻止我去shopping住… 到佢大個d, 我想像得到… > . <

  5. MORE~~~i love it!! ^^

    p.s. 你幫你仔仔咁樣襯得幾好睇呀~~~~ 粉紅 + 灰, good taste~~~ ^ ~ ^

  6. michellelau

    Hi Vivian,
    多謝你既鼓勵!
    其實男仔著粉紅色真係ok好睇,唔使下下都著藍色咁悶,不過主要係我個仔超鐘意著粉紅色,仲有呀,雖然係$34,但質地很好,柔軟勁有彈性,著完一日都唔會變形。超抵!!!

  7. michellelau

    Annie,
    去旅行帶埋小朋友去shopping都唔係問題,我最錯係冇帶爸爸啫,上次去日本有爸爸陪佢,就完全無問題啦。生女係可以一齊shop, 不過我家姐話一齊shop至大"穫",因為自己買阿女又要買,買多好多。

  8. michellelau

    Jovi,
    係呀,香港真係冇咩靚既童裝,女仔還好,男仔個D款都好街童feel,韓國真係買童裝既天堂。

  9. michellelau

    MORE~~~i love it!! ^^,
    我都係一直對韓國無興趣,如果唔係屋企人一齊去都唔會去,點知竟然有驚喜,我都想再去多幾次,不過首爾只岩shopping,無其他野值得去,不過shopping真係無敵。我咁少時間都買咗咁多,可以想像D野幾得同幾平,D童裝既質地靚過香港個D童裝品牌多多聲。

  10. michellelau

    其實對於果晚我冇得去shopping,仍然耿耿於懷,我是完全想像不到我點解會冇得去行街,而要留係酒店房,最慘係冇得發脾氣冇得嬲,我諗唔到會有人可以阻止到我去shopping,母愛真係偉大呀。

  11. Annie

    妳就好啦….我如果想shopping既話, 除咗唔可以同阿女之外, 連老公都唔可以, 因為佢唔like shopping…..費事閙交啦…….慘……

  12. Hilda Lau

    D 衫真係好令, 質地很好, THANK YOU SO MUCH, 見倒冇得買, 真可憐, 再去過3曰夜, 夠哂!

  13. michellelau

    hI Annie,
    老公都唔鍾意shopping架,所以佢咪寧願陪阿仔囉,唔係帶佢去shop,而係帶佢去湊仔呀。

  14. lo

    Hi Michelle,
    Thanks for your sharing, i like the clothing for Ozone, as you said that your shopping time is very limited but why you still have time for photo-shoot on the clothing.

  15. michellelau

    hi lo,
    我只係係等俾錢時用iphone襟咗兩張相, 仲有d鬆添, 都ok啦, 其實寫咗blog之後, 已經養成咩都影咗先算, 我今次算影得好少相, 有d都係用我姪仔d相咋.

  16. michellelau

    Annie,
    大部分男人都唔鐘意shopping,同大部分女人都唔鐘意睇波一樣,不過坦白講,同佢地去shopping,個心始終掛住掛住不能盡興,應該搵機會到D姊妹去好過啦。

  17. michellelau

    wingyee,
    我呢幾日都反覆係度諗,原來母愛真係大得咁利害,因為我諗返,如果果晚就算阿仔放我去行街,我個心都會掛住,又驚佢突然要搵我,都唔會行得暢快,無辦法啦,鬼叫我生咗佢咩。

  18. Echo

    “…死抱住我不放,唯有抱住他極速逛…囝囝不讓我離開他的視線範圍…他堅決不肯,更立即樹熊上身,緊纏住我…”

    EXACTLY!!!! SOOOOOO TRUE!!!

    Thanks for speaking up for all the shopaholic moms!!!


Post a new comment