七月首爾之旅－－shopping血拼第三站：明洞
來到第五天，仍然是七點的morning call時間，一早就被帶去買人蔘、不知名護膚品和健康食品護肝寶等，這些指定的遊客購物點都有人講解產品的優點，而且都是會說流利廣東話的售貨員，所有貨品都以美金計，起初我也被說服想過買給老公補身，回心一想，若果此產品真是如此萬能，就不用旅行團帶人來買了。
左：姐夫說為免給人罵至心臟病發，所以買了一盒最平的高麗人蔘膠囊，約七千多港紙；右：到另一購物點，賣冬蟲夏草和護肝寶，價錢較平，囝囝更愛上像糖一樣的冬蟲夏草補充片，見價錢尚算可以接受，便買了一盒，約八百多港紙，是囝囝最貴的糖。
吃過午飯，終於輪到壓軸節目出場，便是到明洞購物，明洞位於首爾的中心地區，等於是香港的銅鑼灣，有不少大百貨公司之外，小巷裡也有很多特色小店，是遊客必要到的購物熱點。在這裡難得有兩個多小時的購物時間，不過囝囝無論如何都要貼身追隨，也無辦法，唯有拖住佢shop。先跟家姐到樂天百貨九樓的免稅店買雪花秀，我沒有時間格價，但導遊說這裡是最平的了，用白金信用卡更有九折，cleansing oil和liquid cleansing foam都是賣US$21，九折後只需US$18.9，即約HK$150，比香港調整了的售價(新價:$300)平一半，難怪人人都到韓國掃雪花秀。買完雪花秀，自然係shopping time啦，但可悲的是囝囝睡魔急call睡著了，因為家姐那天病了，又嘔又暈，無力幫我照顧囝囝，我也怕他醒來又不見了我會抓狂，所以唯有乖乖的抱住他坐在百貨公司的梳化上，壓抑住購物欲，看，媽媽多偉大，我這個shopping狂身處百貨公司卻動彈不得，呆坐了超過半小時，距離集合時間只有45分鐘，我狠心地叫醒囝囝，別以為我真是只為自己可以shopping，其實是因為旅行團送每位團客一杯明洞名物－－32cm雪糕，之前經過太多人排隊，我答應了轉頭回來就換給他吃，而由樂天百貨走到雪糕店至少要15分鐘，所以必須叫醒他，由於雪糕的吸引力太大，囝囝一叫便起來了。
明洞的購物點又跟東大門有點不同，東大門是購商場，明洞是既有大大小小的商場，又有橫巷的小店，亦有大型的百貨公司。
我便帶著囝囝向雪糕店進發，沿路見到不少店舖也沒法入內一逛，直至走到一條小巷之內，見到一間叫Ozone的小店，賣的是很地道的韓國時裝，價錢很平，由百多元至四百多都有，我一入去，便一發不可收拾，囝囝雖然拉著我的衫不停嚷著：「買完未呀？走吧，去食雪糕啦。」我以極速買買買，一口氣買了六件衫加兩條鏈，連埋付錢也不用十分鐘便攪掂，所以大部分都沒有多看價錢便買了。
這間小店就是Ozone，店不算很大，聰明地將衣服依顏色而排列，而且有大量display，我買的幾件都是因掛出來作display而買下的。除了衣服，也有手袋和accessories，但囝囝已顯得很不耐煩了，唯有匆匆揀了兩條頸鏈便算。
Ozone 55-6 Myungong-27ga, Jung-Ku Seoul,Korea
左：黑色絲質top ₩56,000 (約HK$374) ; 右：粉紅色絲質泡泡袖blouse ₩48,000 (約HK$320)。這兩件是最貴的了，平至百多元的也有，而且放心，全部都是「Made in Korea」的韓國貨。
除了Ozone，明洞有多不勝數的小店，但我卻沒有時間慢慢逛，真是可悲。
更多韓國之旅的戰利品，刊於今期#657 (7月13日出版)的More內。
嘩~韓國d衫真係好靚啊~
你真係好偉大!可以係shopping mall 陪囝囝訓教~點解唔推埋buggy去呢?方便佢訓左你可以去shop 呀~
Hi RABBIT,
我今次冇帶bb車，因為諗住咁多屋企人都唔使帶啦，點知就出事囉。
韓國ｄ衫真係好ok，最奇怪係料靚但平。
你好似我個女咁對銀碼讀寫有D障礙喎，高麗人蔘膠囊，係7千多港紙，唔係7蚊呀！
哇!! 兩件top好靚好靚~~~~ what a bargain!!!
ceci,
haha….寫錯宇啫, 改咗啦.
hi erica,
呢兩件係其中既款式, 仲有好多都好靚, 真係好抵買.
Hi Michelle.
The clothing @Ozone is very nice. May I know the details of the location? Or any famous shop around? As I always go to Korea, let me go and have a look by nex time. Thanks for sharing
hi lo,
Ozone的衫真的不錯, 還要是made in Korea的, 唔…..你懂韓文嗎 ? 如果你懂, 我email店舖的shop card給你. 因為是韓文, 我真的看不明.
我是由樂天百貨的一邊從地下街走去對面, 我記得一上到路面就有間Zara, 然後行入去, 第一個路口轉右, 再行行行, 見到有路口又轉左, 我記得Ozone就係係呢d橫街入面. 你知啦, 韓國d街好難明, 我睇咗地圖好多次, 都唔知個條街叫咩名呀.
Hi Michelle,
Thanks for your information, I forgot Zara location shop but can remember the UNIQLO SHOP and then the famous ice-cream shop…..
would you mind to email again the shop card to me? Thank you very much.
lo,
sent to you already.
Thank you Michelle
lo,
有問題歡迎再問我架, 你試下搵下啦, 就係Uniqlo果頭D橫街行入去.
“…媽媽多偉大，我這個shopping狂身處百貨公司卻動彈不得，呆坐了超過半小時…” –> totally agree!