何雁詩曬囝囝正面照產後7日即做運動捱批曾做小三：覺得自己唔係人

何雁詩30歲生日 甜曬囝囝正面照

鄭俊弘（Fred）與何雁詩（Stephanie）結婚兩年，二人不時在社交平台大曬恩愛，更於今年6月誕下兒子Asher，組成3人家庭。雖然Fred與Steph均習慣在網上分享生活點滴，但以往在貼出囝囝時，多數都是側面又或是鬆郁矇照片，鮮有發布正面相。適逢Steph 30歲生日，夫婦二人大方在網上分享新鮮滾熱辣家庭照，更首次公開囝囝正面樣！相中可見囝囝Asher雙眼皮眼大大，對著鏡頭露出笑容，獲一眾網民送上生日祝福的同時，亦大讚囝囝好可愛呀！

何雁詩為BB乜都戒：最怕BB電視撈飯

其實在Steph陀住Asher期間，不時都會公開分享陀B心得，平時喜愛小酌幾杯的她坦言在懷孕後，為BB幾乎乜都戒，直指「我本身鍾意Social同飲返幾杯，但係為咗BB我決定要戒飲酒，一個飲酒一個食煙完全唔可以，煙就一早戒咗，而當我一知道有BB就已經戒飲酒。我仲想戒睇電視同玩手機，我同Fred太鍾意留喺屋企睇電視，有時可以睇全日，好擔心小朋友出咗世冇電視冇電話就唔食飯，所以我哋要以身作則。」而Fred則希望為兒子開設Investment Account，他說：「幫佢儲定啲錢，讀書又好，做乜都好，等佢大個唔使咁徬徨，之前啲利是錢，放去最高風險！」

懷孕期間情緒起伏大

首次懷孕加上壓力大，Steph直言懷孕期間情緒起伏極大。在一次訪問中表示「頭三個月，腰痛周身痛，有時仲會無啦啦喊，自己好似拍MV咁望住個窗喊，情緒起伏大，但Fred好好，佢睇好多書，嘗試去了解我經歷啲乜，慢慢冷靜聽我講，所以好多謝佢！」Steph又指，懷孕期間一直「覺得自己好肥」，而Fred每次聽到都會即時安慰，對她說「完全唔肥！一啲都唔肥！」

產後7日即做運動

在今年6月1日順利卸貨，誕下囝囝Asher後，一直擔心自己好肥、修唔到身的Steph即時回復正常生活，開始做產後瑜伽，並在網上分享自己做瑜伽的影片；同時與網民閒聊，直指寶寶雖然才剛來到世界上，但已經成為了自己的一切。為了能夠好好照顧寶寶和自己，何雁詩表示自己需要一點私人時間，去讓自己的心靈和身體休息。

雖然有部分網民留言大讚Steph體力驚人，能夠在產子不到一個禮拜便馬上開始運動，但亦有大批網民認為她操之過急，未有好好休息讓身體慢慢復原，並留言提醒她好好照顧自己的身體。

排除萬難與對方在一起

Fred與Steph自拍拖開始，已不時在社交平台上分享甜蜜的一點一滴，但其實在二人公開戀情初期，尚有大批網民未能接受，只因Steph當年一直被指介入Fred與前未婚妻的感情。二人當年因為合作旅遊節目《這個冬天不太冷》而擦出火花，Fred其後更被傳媒踢爆他背著當時未婚妻與何雁詩發展關係，令何雁詩淪為第三者。兩人曾經一度否認戀情，但最後亦高調勇敢認愛。兩人的形象一度跌入谷底，雙雙被公司雪藏。雖然兩人的關係不被外界看好，但兩人堅持到底，絕對不提往事，專注當下。

重提做小三極內疚：覺得自己唔係人

在去年11月，離開TVB的Steph上陳志雲主持的網上節目《Stephen．傾》接受訪問時，卻罕有首談當年介入鄭俊弘與他未婚妻之間做第三者的心路歷程。她指，二人的戀情在2017年被曝光後，才知道Fred原來有一個有米未婚妻Beebs，令她頓時淪為第三者。她直言：「嗰下我係好shock嘅，都需要好長時間去deal with，我哋各自嘅career都畀咗好大嘅代價。」

Steph續指，自己多年來都不願意重提這件事，是因為不太想講另一半的壞話，她坦言：「我係有唔開心同有內疚，因為我令到另一個女仔唔開心，雖然當時我唔知，呢個係我自己嘅感受，我唔可以代表Fred講任何嘢，但我依家諗番都好內疚，覺得我唔係一個人嚟，好唔開心。」

不再埋怨鄭俊弘一腳踏兩船

Steph指，在經歷那段時間的負能量和壓力後，令她變得更加堅強，而她與Fred隨後亦有互相支持和檢討，最終決定繼續在一起，並決定不再怨他為何當初隱瞞有未婚妻之事，更又大讚Fred在婚後能給她安全感，故不擔心老公將來會做錯事，因為最壞的都已經歷過。