MIRROR紅到變學校工作紙題目 竟遭網民狠批：亂嚟冇譜！
最近，人氣男團MIRROR竟然出現在一份工作紙的題目，一位網民在討論區上貼出了一份看似來自中學的工作紙，內容與「二叉式檢索表」有關。令人驚訝的是，工作紙上竟然出現了五位MIRROR成員的照片，分別是Lokman楊樂文、Edan呂爵安、Jeremy李駿傑、Tiger邱傲然以及Anson Kong江𤒹生。照片一出立即引起了眾多網民的熱烈討論，話題瞬間引爆！
以MIRROR成員做工作紙題目 網民反應兩極
工作紙的題目寫道：「老師認不出5位MIRROR成員的名字，想學生幫手利用照片中的服飾和外形，以生物學上用來鑑別動植物的常用工具 dichotomous key（二叉式檢索表），來區分他們」。不過有不少網民就鬧爆出題的老師，「咩學校出啲咁嘅功課？」、「啲以為自己好跟得上潮流嘅教X，搞下呢啲無聊野以為自己好X有創意，我寧願你正正經經教書好過。」、「老師主觀覺得學生感興趣，事實上我小朋友嗰班冇一個鍾意鏡仔」等等。
Edan黑白相被印到似「通輯犯」
有網民指這位老師製作工作紙十分馬虎，指其所用英文是中式文法，相片亦被印到十分奇怪，尤其是Edan張相，「Print黑白嗰度Edan Lui嗰張成個通輯犯咁樣」、「印黑白變到一pat pat睇唔清，不如用普通公仔好過」、「仲要啲名一啲就bold，一啲就underline，一啲就乜都冇，全部都亂嚟冇譜」、「又話唔知邊個打邊個，但個個張相下面都有名」等等，更有疑似前教師指：「10幾年前學教書時prof一定有教，工作紙出黑白圖一定要grayscale執好先印！」
有網民力撐可以引起學生興趣
不過都有不少網民力撐老師以MIRROR出題相當有趣，「我覺得睇對象，Band 1、2出呢啲就抵X，但係對住啲本身完全唔聽書嘅學生，諗個有趣啲嘅方法去講解，未必係壞事，起碼等佢哋知道個key嘅玩法」、「無乜野呀！都幾好！引起學生興趣」、「又唔係表揚讚美佢地，佢地又唔係無著衫，只係簡單的形容外表，其實有咩問題？」等等。
網民寧願做阿儀工作紙
更有網民舉例指其他藝人都曾被用來出題，「即係點？用譚詠麟就ok，用12子就出問題？咁用Gigi啲歌又得唔得？到底有問題嘅學校？定係網友自己嘅偏見？」、「我中學英文書同工作紙，都有ANITA／LESLIE／DAVID BECKHAM／TWINS／STEVEN N KENNY／SHINE…嗰排HIT，大家仲同MISS／SIR英文齊齊講佢哋啲爆嘢」、「我記得小時睇教育電話，有一集播張學友首太陽星辰，成個人開心到彈起，精神晒」、「N年前見過工作紙有林峯、Bosco」等等，亦有網民貼出有阿儀和YouTuber Kenny照片的工作紙並留言指：「寧願做呢張！」
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
