Frankie@MIRROR首談「隱形人」心聲 自爆曾問友人借錢過活 靠1事重獲自信

Frankie@MIRROR哽咽講「隱形人」心聲

陳瑞輝在台上趁機首度剖白他由充滿自信的Dancer，開始迷失︰「我今天要講嘅係MIRROR嘅隱形人係如何形成，隱形人並非浪得虛名，佢好似一個黑洞咁不斷將人吸入去。就似訪問、綜藝節目等，只要你講慢一秒，你嘅說話就會被隊友搶咗嚟講，都不知跟到邊，跟住又會被人話無講嘢，真係好難。我見過啲好嘅Comment，佢哋讚Frankie專業︰『見到佢成個訪問都喺到笑 』我真係多謝你。既然係講MIRROR嘅隱形人，咁我講返MIRROR！出道時好有抱負，同其他人一樣，我好想影響其他人，好想為呢個世界有啲貢獻，好似好勁，但慢慢我嘅目標無啦啦變咗做MIRROR，正常啲人都知道無可能。團隊目標同個人目標係唔一樣，所以跟住呢個目標行，我愈行愈迷失，愈無咗自己。」

他自爆當時非常窮，其後全靠Never一角帶他走出陰霾：「MIRROR愈嚟愈好，隊友當然好好，愈嚟愈多嘢做 ，我自己喺屋企就望住四幅牆，等運到 ！再加埋疫情爆發，我窮到要問人借錢過生活，我愈嚟愈無自信，開始收埋自己，點解我要嘥咁多時間，去擔心生活，而唔係點樣去做好自己？不過呢個世界好有趣，疫症轉好咗，我終於有工作。我有《調教你MIRROR》、第二次MIRROR Concert同《IT狗》內嘅Never，我好感恩，我諗唔到到原來Never都可以影響到人，悲觀嘅樂觀係佢嘅價值觀，亦成為咗我當時嘅價值觀，佢教識我點樣去度過呢個嘅低谷，苦中作樂。我見到拍劇呢條路有光，好似呢盞燈一樣好耀眼，我覺得可以啟發到人，今年我對自己有番希望。」

他最後表示，雖然30歲才做男團成員，但仍未會放棄：「回頭一望，30歲先由Dancer轉做MIRROR，其實咩都有可能，點會說服唔到人，影響唔到人？咩都有可能，係咪！所以我想大家同我一齊戒咗一個習慣，唔好相信自己做唔到！唔係要你叻、或要你做得好好，只係面對挑戰嗰陣，唔好先放棄咗自己，而係相信自己先，咁就咩都有可能，never say never。唔只我，全隊MIRROR都值得畀其他人睇到﹐佢哋只係需要一個機會去證明自己係可以。依家機會嚟，難得喺紅館，我想問大家借啲嘢，唔係借錢，依家錢唔使借，我ok！我想問大家借信心。信心可以喺朋友、家人身上借，難得今日喺紅館，當然要問大家借信心，可以借畀我嗎？可以借多啲嗎？多謝！」

其實MIRROR經理人花姐就曾在ViuTV節目《調教你MIRROR》內直言陳瑞輝個性「隱形」、「完全看不到這個人」，其存在感比其他成員低希望可得以改善。他都坦言深知自己不會是團內的焦點，但聽完嘉賓麥子樂分享後就有所看法，認為應感恩現在有的事，並承諾日後不要再做被動角色，會學習主動。

Frankie@MIRROR東區Band 1名校出身

陳瑞輝小學時期就讀聖若瑟小學，與歌手許廷鏗更是小學同學，其後畢業於東區Band1的中華基金中學，大學時期則就畢業於香港理工大學酒店業管理學士。

中華基金中學主要以英文授課，早於2004年已推行個人、社會和人文教育課程統整。特別設立綜合人文學科和增益課程，同時亦改革初中科學和資訊科技課程，已銜接新高中課程。此外為重視學生思考能力及合作精神，學校另設中一和中二級專題研習課程，中三則加入創意媒體課程於電腦課中，以銜接社會發展。 學校鼓勵學生閱讀中學習，於不同的科目舉辦閱讀計劃，讓同學有更廣闊的閱讀範疇，培養閱讀興趣。學校亦提倡多元教學，老師授課會加入不同的元素和鼓勵多與學生進行互動，以拉近師生關係及對學習更有興趣。除學術主張外，校方也重視德育和公民教育，校內設立德育及公民教育組，訓導、輔導組以培養學生優良品格。

2018年，他因參加第一屆《全民造星》而入行，雖然於30強止步，但因其高顏值及跳舞精湛依然被獲選加入MIRROR。MIRROR現時於香港絕對是大紅大紫，團內成員都有自己穩定的發展。

Frankie@MIRROR處女作《IT狗》演出有驚喜

去年聖誕節，陳瑞輝與迪士尼合作，拍了一條女友視角的短片，狂吸讚好，相信觀眾都看到他的努力。

另外，早前他憑處女作——ViuTV劇集《IT狗》彈出，他現實中十分開朗帶正能量，相反劇內的角色Never與現實中的性格可謂南轅北轍。Never在劇中一臉木訥，經常放負能量，沉默寡言但一有對白就句句精警，令不少觀眾都大讚其演出很驚喜，指他既可愛又不令人討厭，絕對開拓了他演戲的小宇宙。

Frankie@MIRROR與《愛回家》細龍太是堂兄妹

不少圈內藝人都有親戚關係，而陳瑞輝原來跟TVB前藝人，於《愛 · 回家之開心速遞》飾演「細龍太」的陳偉琪是堂兄妹關係。陳偉琪指，他們小時候感情要好，會一起玩耍，每年拜年親戚聚會都會見面，現在亦不時見面聚會。

13年前港姐陳偉琪學歷高，能操中、英、法文，曾拿到學術聲譽極高的加拿大卑詩大學哲學系、政治系雙學位學士，成績優異，成功拿取獎學金。畢業後，她擔任過民主黨成員吳永輝的形象顧問，一度從政。而且她五歲開始學鋼琴、豎琴，彈奏豎琴更加是實力非凡，曾遠赴美國荷里活參加比賽，甚至曾於「世界表演藝術錦標賽」勇奪三金兩銀。才華洋溢的她動靜皆宜，是前校隊籃球隊隊長。

Frankie@MIRROR與女友結束13年愛情長跑 分手毫無先兆

陳瑞輝本來有一位圈外舞蹈員女友Hei，他們拍拖近13年，一直如膠似漆，經常在Instagram放閃大曬恩愛，很多人都以為他們會結婚。但直到五月突然傳出分手信息，不少粉絲都十分驚訝，感到可惜。在Instagram動態中陳瑞輝表示在愛情長跑中慶幸有對方陪伴，現在換角色相處，繼續延續下去。在動態中他強調分手決定不涉及其他人，二人似乎是和平分手。

Frankie@MIRROR回應

「我們的愛情裡，曾經的十餘年，慶幸沿途有你，愛有很多方式，換個角色相處，繼續延續下去。新的開始，新的旅程，感恩遇見，感恩有你。感謝大家一路以來關愛，此事只涉及雙方私人關係，不涉及他人元素，我們雙方對此事，不會作出更多回應」

在粉絲們都留言為他打氣： 「皮皮take care」、「Support皮皮，加油」等。事隔一日，他在Instagram分享MIRROR的一張團體照與三張單人照，獲大批粉絲在留言位置打上心心的表情符號。同時他更新Instagram動態，感謝各位關心，表示自己會「繼續努力工作，做個更好的自己」。

Frankie@MIRROR前女友回覆

而前女友Hei現時為張敬軒的演唱會中擔任舞蹈員，她發文：「台上每晚都喊住上，笑住走
人生也如此，無野過唔到既，共勉之，謝謝捕捉我笑住走的那一」從照片看到Hei喊住出show表演，分手一事令Hei在表演上或多或少都有影響。

感情方面，陳瑞輝曾表示自己拍過四次拖，而與圈外女友Hei更拍拖逾13年。Hei本身同為舞蹈員，與不少明星曾經合作，平時更會開班教舞。專一長情的陳瑞輝不時都會在網上貼與女友合照，十分恩愛。但誰能猜到二人竟然會落得分手收場。