黃子華棟篤笑2018

黃子華棟篤笑2018七月開騷 即睇男神30句金句回顧

娛樂資訊

廣告

將棟篤笑演得出神入化的黃子華,一早被港人譽為「子華神」,子華神呢期人氣爆燈,繼電影《棟篤特工》大收差不多近$4,000萬票房,子華神代言的信用卡公佈消息,宣布黃子華棟篤笑2018在7月6日至22日在紅館連開17場棟篤笑,而子華神也在其FB專頁證實消息,仲講明「 不設巡迴,香港玩晒」!相隔4年再開棟篤笑,真係狗年一大喜訊呀!

Source:東方新地 | Edit:venusos | Photo:新傳媒資料庫、youtube、劇照截圖

黃子華棟篤笑2018七月開騷 即睇男神30句金句回顧

網友都好關心票價,嗱!今次又比2014年嘅《唔黐線 唔正常》上調不少,上次最貴飛都仲係$580,今次最貴就$880,其餘票價為$680、$480、$380、$280,唔少網民已經有撲飛的準備!另外,子華神棟篤笑門票一票難求,更有網站流傳能代訂黃子華2018棟篤笑門票,故子華神於FB專頁澄清:「子華及本會為避免有任何人仕受騙而招致損失,現特別公告此並非官方授權售票網站。」

雖然棟篤笑仲未有得睇,不過子華神的金句語錄相信廣大嘅粉絲都不介意重溫!只係子華神金句太多,小編呢啲凡夫俗子又點能夠盡錄…

打工仔必讀篇:

1. 老闆成日話員工做野都唔攞個心出來,激死人。

員工就成日話老闆都唔攞舊金出來,駛死人。

佢俾份人工你,一半係畀你做嘢嘅,一半係畀你受氣嘅。

2. 嚴格嚟講,你每個月底俾我嗰份唔係糧,係賠償。

3.「搵食啫!犯法呀?我想㗎!」

4. 「大自然所有嘅動物都喺食物鏈上面。鏈嘅下層俾鏈嘅上層吃,一層一層咁鏈上去。」

5. 「我覺得講得出『我好鍾意返工』呢句說話嘅人,一定係鬼上身。」

6. 「唔在乎你有冇俾人姦,只在乎你交唔交到單!」

7. 「比份糧你,一半係比你要嚟做嘢,另一半係比你要嚟受氣嘅。」

8. 「香港既精神,就係『冇精神』。」

家庭關係:

9. 「阿媽標阿仔參,邊個畀贖金?」

10.「依家香港人生仔可以冇老婆,但唔可以冇菲傭。」

11.「而家香港嘅問題,係所謂嘅婆媳糾紛,係一種必然瀨嘢嘅關係,係咪?除非你個新抱可以喺第一日入門,就全心全意同奶奶講:『奶奶,我愛你!』」

女人心理篇:

12. 「化妝就係你落咗妝,我仲認得你,你落咗妝,我唔認得你,嗰啲叫做喬裝。」

13. 「女人撞衫,仲大件事過撞車。」

兩性關係篇:

14.「男人係愛情上係要求新鮮,而女人對愛情最大嘅要求就係保鮮。」

15.「你愛嘅,你得唔到;你唔愛嘅,你甩唔到。」

16.「一個男人點都會hurt過一兩個女人。但作為一個女人一世都未俾男人hurt過,咁就係真正嘅hurt啦!」

17.「我係一個無雀嘅… 唔係,我係一隻無腳嘅雀仔……」

18.「戀愛係一盤生意,你要二十四小時諗住佢。」

19.「基本上男人係做到三個不,不主動,不抗拒,最重要我地係不負責嘅。」

20.「感情呢家嘢呢,你預左係唔OK 嘅,你就OK」

21.「愛情同股票一樣,未入之前係不停咁升。但當一擁有,你就問:『點解會咁㗎?』世上有100分男孩、100分女孩,但就冇100分伴侶。如果重有人唔肯承認,相處就代表開始扣分,我有個例子:2人相愛,當然唔想有第三者,但點解你想生仔?『仔點會係第三者呀?』仔唔係人呀!喂,呢個第三者佔你哋好多時間㗎喎!呢個第三者,1日食6餐,隨時食埋你嗰份,『咁1男1女就梗係要生仔㗎啦!』係囉!點解呢?因為當世界只剩下1男1女,得番你同我,你就feel到,呢個遊戲係唔玩得耐。」

22. 「英雄難過美人關,肥妹踩冧斷背山。」

人生哲理篇:

23.「錯就要認,要對方認!」

24.「損人不利己,不如跳井死!」

25.「若要人不知,唔好太低B。」

26.「世事無絕對,只有無頭緒!」

27. 「你食魚翅,我食粉絲;你揸Benz,我坐Bus。」

28.「一千幾百,猶如垃圾,富貴於我如浮雲… 但係浮雲於我如命根啊。」

29.「樹要皮,但人… 唔一定要面。」

30. 「你好巴閉咩?我夠有3個C啦,CHEAP、CHEAPER、CHEAPERPER!」

你可能也喜歡