霍汶希隻身北上曾放下身段從低做起 大爆旗下藝人謝霆鋒＋陳偉霆真面目

霍汶希隻身北上擴展版圖：經理人唔易做！

片段一開始，霍汶希Mani便謂經理人唔易做，「經理人嘅生涯就係由藝人起身之前我哋就要起身；藝人瞓咗覺之後我哋都唔可以瞓覺，因為我要安排佢第二日嘅工作。呢個就係經理人嘅節奏，做呢個行業你就預咗冇收工時間。」

霍汶希Mani主動爭取北上 擴展版圖

Mani坦言大部份時間她都是一個比較主動爭取機會的人，因此2011年時，在香港已捧紅謝霆鋒、容祖兒及Twins等藝人的她，認為其經理人板塊已經愈趨成熟，是時候擴展版圖，「我好想去一個更加大嘅地方、更加大嘅市場，去睇吓人哋嘅文化，睇吓人哋嘅發展。我好希望將香港嘅文化，去同內地咁大嘅市場一齊融合交流，呢個係我好想做嘅嘢，咁就嚟咗北京。」

霍汶希11年前隻身「上京」從零開始好感慨

霍汶希Mani回想到十一年前隻身「上京」，當時的公司也只是租回來，當她踏入自己的辦公室時，乾淨得「一塵不染」，「我張枱好乾淨、塵都冇，得一支筆，我突然間好感慨，你明唔明白呀？又覺得我有冇咁嘅能力可以從一支筆開始慢慢去建立？呢個時候我係有啲迷惘，但係我都仲係好有信心。」

霍汶希放下身段從低做起

在香港，Mani已不需要再親自落場處理事情；但在內地，她變成一張白紙，所有事情都要從新學習，要放下身段從低做起，「我唔識製作，所以我去跟組，跟組其實我喺香港，好老實講我已經完全唔可能（去做），但我就同自己講：『你就從低做起。』每一日好似場記咁，執垃圾嘅執垃圾；食飯盒，會問大家飯盒夠唔夠？從每一個部門每一個唔同嘅工種裏面開始觀察，點樣控制成本、知道電影製作背後係原來咁多人力物力去產生出嚟。」

於北京工作頭幾年，從零開始，一步一步建立，「正如我嘅人生一樣，我嚟咗北京十一年，要堅持信念同要相信自己，我要努力工作，努力去做一個好嘅榜樣，令鍾意我嘅人又好、俾機會我嘅人又好，都希望佢哋唔會感覺我係一個令佢失望嘅人。」

霍汶希大爆40歲謝霆鋒最「反叛」

她曾提過謝霆鋒是她帶的第一個藝人，謝霆鋒自15歲加入公司後就已經非常叛逆，經常「玩失蹤」，更直指他沒有聽過話：「甚至從出道以來就沒化過妝，上綜藝都素顏，我請個化妝師幫他吸油而已，他都不讓，他不讓人碰他的臉，眉毛也不讓，他最給面子也只能是我去幫他吸吸油。」

霍汶希指陳偉霆最積極上進

霍汶希除了提到謝霆鋒的「反叛」事外，大讚陳偉霆是個積極上進的藝人，在早期出道時，陳偉霆並未走入大眾眼中，而且很瘦很白，不過後來有1年相隔一個暑假見到對方，陳偉霆已變得又壯又黑，原來他主動去鍛煉身體！霍汶希得悉後認為他狀態非常好，因此決定幫他出歌。