「田牧CP」日本工作巧遇日版大叔合照遭網民批評 呂爵安親自回應獲大讚
早前，ViuTV劇集《大叔的愛》爆紅，而當中的「田牧CP」飾演出不少經典場面，令觀眾大好叫座。近日，Mirror成員呂爵安（Edan）及盧瀚霆（Anson Lo）再次合作，一同到日本拍攝由袁劍偉執導的電影《盜月者》。雖二人工作繁忙，但仍抽出時間更新社交平台，分享當地生活日常。而在昨晚（20日），Edan於Instagram發布了一則有關與Anson Lo的合照，隨即引來大批粉絲熱議，令Edan也不禁出聲理論。
Edan分享與Anson Lo合照引粉絲批評
近日，Mirror成員呂爵安（Edan）及盧瀚霆（Anson Lo）一同到日本拍攝電影《盜月者》。而Edan於昨晚（20日）發布了一個帖文，與Anson Lo再化身「田牧CP」，在日本便利店跟日版《大叔的愛》飾演大叔黑澤武藏的吉田鋼太郎廣告合照，並寫道：「睇吓我哋喺日本見到邊個！係原版嘅大叔！田一雄X黑澤武藏X凌少牧 世紀合照。」更Tag飾演港版《大叔的愛》大叔KK的黃德斌：「KK唔好呷醋。」
原本只是一張紀念港版日版《大叔的愛》的合照，沒想到竟引起「神徒」及「爵屎」兩邊廂的粉絲爭執。當中，更有人就於帖子下留言狠批Edan此行為：「得閒就學吓戲練吓歌，唔好浪費時間喺度炒CP啦，次次炒登神神教同爵group都嘈，你自己group MMA冇所謂，唔好影響人哋先得㗎。」
Edan親自回應及把留言置頂
沒想到此留言竟令Edan關注，更親自作出回應：「得閒就睇吓書同屋企人朋友傾吓計，唔好浪費時間喺度話人炒CP啦，次次我po同佢嘅嘢都話炒CP，我係咪唔同得我朋友合照啊，你同你朋友去旅行會唔會po相啊。你自己諗多冇所謂，唔好意思扭曲我做嘅嘢同控制我po乜先得㗎。」
二人唇槍舌戰一輪後網民道歉
但該網民仍不罷休：「說中了？」，而Edan即回覆：「回應你就係說中了？咁你玩晒㗎喎。」該網民得知自己語氣不好，向Edan道歉並解釋之所以激動是因為CP這個話題令粉絲之間不斷爭吵：「佢哋嘅over FF同兩派CP粉嘅爭寵令人心煩，可能你只係純粹想分享同bro嘅日常開心事，但次次見到兩個群組鬧嚟鬧去都令到好多人唔開心。」亦希望Edan明白他想表達的真正意思，Edan接受該網民的道歉：「咁嘅語氣咪大家都舒服啲囉，絕對歡迎你道歉，咁順便我都想問多少少，你係咪認為你所謂嘅over FF、爭寵、嘈交全部都係我嘅責任？如果係，你覺得我應點樣做去解決呢？」該網民直指，自己一直想跟Edan討論CP問題，再留言多字吐出心聲，不過Edan則未有回應，事件暫時亦告一段落。
粉絲們大讚Edan大讚「型到爆」
有不少藝人也怕會得罪不同人而選擇「多一事不如少一事」，但Edan卻選擇與該網民說理，不少「爵屎」也大讚偶像Edan有型勇敢「你真係堅型呀！繼續做自己喜歡嘅事呀，鐘意post咩就post咩啦，支持你！」、「post自己嘅野係個人自由，完全無問題！」
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
