梁詠琪

梁詠琪 幸福湊女 轉送嬰兒用品給楊采妮

娛樂資訊

梁詠琪 同楊采妮呢對好姊妹相繼做媽咪,感覺特別窩心!最近母親節 Gigi 帶埋囡囡Sofia,同埋舊衫仔及BB用品去探望初為人母的Charlie,認真環保!

撰文:Sunday Kiss | 圖片: 梁詠琪 ig、微博,新傳媒資料庫

梁詠琪 幸福湊女 轉送嬰兒用品給楊采妮

梁詠琪 囡囡Sofia已經2歲,不再需要使用BB用品,而 她的好姊妹楊采妮早前生咗一對孖仔,所以 梁詠琪 就趁着母親節去新加坡探望好姊妹楊采妮,轉贈BB用品如女兒的玩具及一些較中性的衣服俾佢嘅一對孖仔,Gigi話小朋友大得快,好快唔啱身,到日後自己再生,Charlie又可返贈自己。

環保身教

梁詠琪 經常在g大曬囡囡Sofia可愛呃like相,一家三口享受生活,非常溫馨。Gigi環保轉贈BB用品亦都做咗好好嘅身教俾囡囡睇,等佢知道環保嘅重要性!

姐妹情深

Gigi同Charlie情同姐妹,3月25是Gigi的生日,雖然Charlie不能在Gigi身邊一起慶祝,但她特別在FB上撰文,祝Gigi生日快樂!

呢一對好姐妹各自覓得自己的幸福,有一個疼愛自己的老公,乖巧可愛的孩子,真係戥佢哋開心啊!

Gigi同老公相識半年閃婚

當年Gigi與鄭伊健相戀7年,最後分手收場,後來相繼認識法籍男友Sly與美籍男友Matthew,最後也無緣白頭。直至2010年底,剛分手後嘅Gigi,趁著2011年《香港G夜》演唱會後兩星期空檔到西班牙旅行。前任男友Sly介紹了一名當地女性友人做Gigi導遊,二人一起參加當地派對時,認識35歲的西班牙籍男友Sergio。

 

二人一見面便非常投緣,拍拖半年後結婚。被問到半年結婚會否太冒險?Gigi笑說:「其實我哋結婚嘅舉動係一件好自然嘅事,大家好快做到好朋友、click到,相處好舒服,時間長短反而唔係問題。我哋都 覺得兩夫妻喺一齊,一定要係對方最好最好嘅朋友,因為有啲咩都可以同佢分享,一齊探索、好多嘢可以一齊去enjoy,所以大家好快就知道,可以講係適當嘅 時候遇到適當嘅人。」

婚後定居香港

婚後Sergio為了Gigi,決定搬到香港!Gigi接受訪問時話:「我覺得佢係好偉大,因為你要一個喺歐洲做嘢時間又鬆動、lunch又兩、三個鐘、 dinner由夜晚九點食到凌晨一點,一個歎慣、enjoy慣生活既 人嚟香港,始終香港步伐真係好急,而且當佢同佢西班牙嘅上司、同事講佢會嚟香港同太太一齊生活,通常啲人第一個問題就問「點解唔係你太太過嚟西班牙?我俾 埋份工你太太做吖!唔使擔心喎!」

楊采妮經歷20年愛情長跑

Charlie楊采妮和老公邱韶智愛情長跑20年,經歷過離離合合,一路上可說是患難與共,最終拉埋天窗!4年前,邱韶智特地趁着Charlie生日向她求婚:「從今時直到永遠,無論是順境或逆境、富裕或貧窮、健康或疾病、快樂或憂愁,我將永遠愛你、珍惜你,嫁給我吧!」Charlie聽完後,感動得不停流淚,連忙點頭,埸面十分感動。

Gigi和Charlie本身就友好的閨蜜,在各自的幸福家庭也能保持二人的友誼更是難得,小編真心希望二人的友情能一直維持下去!

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended