林海峰疑針對Anson Lo嘲教主遮住自己 繼叱咤抽水再次辣㷫鏡粉被轟小器

林海峰疑針對教主Anson Lo遭狠批小器！

事源是早前（3月11日）林海峰於社交平台上傳了一張照片，相中有兩張廣告海報，分別是教主Anson Lo以及林海峰本人的，然而Anson Lo的海報卻不小心擋住了林海峰半張海報，於是林海峰便開玩笑指：「若能看見藍天、望到白雲、我願不忘記感謝神！#神啊救救我吧#Happyfriday」不少網友也覺得相當搞笑，但仍有部分網民認為林海峰疑似針對教主，更狠批他十分小器！

網民反應兩極：

林海峰有前科？《2021年度叱咤樂壇頒獎典禮》連環焫著鏡粉 網民斥：點解要咁玩教主

林海峰在《2021年度叱咤樂壇頒獎典禮》上把過去一年MIRROR在香港引起的熱潮進行惡搞，例如將阿Jer的作品《狂人日記》惡搞成《狂人麥記》，暗諷鏡粉為儲閃卡瘋狂食快餐；以《大褸的愛》描述Anson Lo常忽略氣溫身穿厚重的衣服；仲連司棋姐都唔放過，惡搞成《司棋姐連環打上事件》等等，甚至還有向一班「前夫」致敬場景，抽水味濃。但有網民就表示林海峰搞到MIRROR好似得三個人咁，當其它人無到。

睇片最實際：

林海峰玩殘教主Anson Lo

抽水都好普通啫！但講到觀眾認為林海峰當晚最過份嘅都係喺逐一介紹「我最喜愛的男歌手」5強名單時，突然恭喜Anson Lo：「恭喜晒！」Anson Lo反應唔嚟瞪大雙眼企咗起身，連上屆得主姜濤都立即攬實連番祝賀。豈料林海峰即來個反高潮：「唔係唔係，我恭喜你好忙咋，我都嚇死，我都想恭喜你呀！」一次未夠，林海峰重施故技向姜濤再玩多一次：「姜濤呢個獎係屬於你架！」不過今次姜濤中唔晒計，隔多幾秒，林海峰就補充喇：「上年呀，你哋唔好咁急得唔得呀！而今年係冧莊，係我冧莊再頒呢個獎。」結果好似有啲玩大咗，唔止現場疑有鏡粉立即催他快些頒獎，網民亦都對佢嘅行為非常不滿。

林海峰事後有在電台節目《在晴朗的一天出發》中解釋，並直指那天晚上更被家人責罵，自己也自覺第一句過份咗，也有反思一下。

林海峰與彭玲相愛二十多年

林海峰老婆是天后彭羚，二人相愛多年一直愛得低調。彭羚退出樂壇相夫教女廿年，是個多功能家嫂，下嫁林海峰並誕下兩女後，便全面淡出娛圈，幾乎絕迹公開活動，專注照顧家庭。同時，彭羚常在望海的大露台做禪柔運動，更會親自下廚照顧家人。

林海峰16歲小女兒美貌曝光

一直以來，星二代特別受外界注目，林海峰與彭羚一對女兒卻非常低調，或許從小被父母薰陶，林泳與林清都非常有內涵，知情者說：「媽咪當年係樂壇天后之一，爹哋又係電台紅人，林泳同林清都係喺鎂光燈下長大，但Cass同阿Jan教得佢哋好好，從來唔會灌輸物質主義，兩個女都唔好名牌，生活非常健康。最難得係一家人感情都好好，兩姊妹真係乜都傾一餐」

早於上年一月中，東方新地影到林海峰與細女林清現身中環，其時新冠肺炎開始肆虐，兩父女冇罩出街食飯，飯後各自拎住個外賣盒，阿女仲翹實爸爸。林海峰拖實林清穿梭街市，囡囡亭亭玉立少女味出晒來，難怪爹哋要睇緊啲。

品學兼優外形又出色，外界目光一向集中在大女林泳身上，其實唔覺唔覺，林家二小姐亦都已經初長成。林泳早已高過媽媽彭羚，林清原來都唔弱，高度已經同林海峰並排、身形瘦削手長腳長、長髮飄飄加上一身健康膚色一樣潛力十足。

早年由名校女拔轉至港島區國際學校，一頭長髮身穿超短校服裙的林清一放學就被司機接走穩穩妥妥送回家。而來回學校路線以外，林海峰只要不用工作都盡量跟足，曾被影到跑住步等囡囡補習後，就連林清落街買條法式麵包，林海峰都要親自護送。