七公主 七公主

東京奧運|《七公主》無綫提前播向張家朗致敬155cm鄺潔楹挑戰演劍擊手 

娛樂資訊

東京奧運「劍神」張家朗花劍個人賽為香港奪得歷史性第二面奧運金牌,全城振奮,為了延續奧運熱熾氣氛,讓大家多個渠道去欣賞及了解運動員及近年大熱的劍擊運動,無綫特意作出節目調動,新劇《七公主》提前至8月9日(星期一)八點半推出。鄺潔楹(Judy)在《七公主》以155cm身形極限下挑戰演一名劍擊手,睇睇佢苦練成果﹗

文:東方新地|圖:《七公主》劇照、鄺潔楹IG

為向東京奧運運動員致敬,無綫特意作出節目調動,將原定9月13日播映、由陳維冠監製的新劇《七公主》提前至8月9日(星期一)八點半推出;而原定8月9日播抰、由王心慰監製的《我家無難事》,則延後至9月13日播出。

鄺潔楹為咗做好個角色苦練咗四個月劍擊。(圖片來源:《七公主》發相)
鄺潔楹為咗做好個角色苦練咗四個月劍擊。(圖片來源:《七公主》發相)

鄺潔楹為克服155cm身高、以及手短腳短等不足之處,特意在劇集開拍前苦練了四個月劍擊、風雨不改,相當有熱誠。她坦言剛開始訓練時確是困難重重,而且受傷更是家常便飯,肚仔及大髀均曾中招受傷變瘀,難怪她拍畢該劇後要第一時間拔罐鬆一鬆。

鄺潔楹在劇中向鄭子誠拜師學藝。(圖片來源:《七公主》劇照)
鄺潔楹在劇中向鄭子誠拜師學藝。(圖片來源:《七公主》劇照)

為了令飾演運動員的演員及拍攝出來的效果更貼近現實,劇集監製陳維冠(Joe)專誠邀請劍擊教練好友Patrick Wu作劇集顧問及技術指導,無論演員受訓過程以致裝束均是一絲不苟用心製作。

鄺潔楹有姿勢有實際(白色面罩)。(圖片來源:《七公主》發相)
鄺潔楹有姿勢有實際(白色面罩)。(圖片來源:《七公主》發相)
鄺潔楹自認身高輸蝕。(圖片來源:《七公主》發相)
鄺潔楹自認身高輸蝕。(圖片來源:《七公主》發相)

《七公主》演員陣容包括有黃翠如、林夏薇、高海寧、陳瀅、江嘉敏、鄺潔楹、劉佩玥以及陳曉華等。鄺潔楹在劇中對劍擊抱有無比熱情,在比賽場上從不認輸亦屢敗屢戰;而為了爭一口氣,更主動出擊尋找高手鄭子誠拜師學藝兼進行刻苦訓練,充滿運動員的那團火。

鄺潔楹今年奧運賽事特別留意劍擊比賽。(圖片來源:鄺潔楹IG)
鄺潔楹指在東京奧運賽事中會特別留意劍擊比賽。(圖片來源:鄺潔楹IG)
監製陳維冠和演員鄺潔楹、李君妍及一眾幕後工作人員合照。(圖片來源:鄺潔楹IG)
監製陳維冠和演員鄺潔楹、李君妍及一眾幕後工作人員合照。(圖片來源:鄺潔楹IG)

曾監製《女人俱樂部》、《四個女仔三個BAR》、《誇世代》及《殺手》的Joe,劇集向來以另類風格見稱。其實Joe對運動員一直都是百分百Respect,早前為了配合《2020東京奧運會》,特意在這套集熱血勵志、古靈精怪等元素的親情劇中加插劍擊情節,向運動員表達敬意。

《七公主》陣容

鄺潔楹為演劍擊手搵工人姐姐陪練劍

鄺潔楹同黃翠如、林夏薇、高海寧、劉佩玥、陳瀅、江嘉敏拍攝無綫新劇《七公主》,鄺潔楹在劇中是一位劍擊好手,為了演好角色,走去學劍擊兼狂操體能,雖然疫情下不能去場館上堂,佢都冇鬆懈,搵工人姐姐幫手練習,仲練出人魚線同腹肌㖭﹗

「哈比女神」鄺潔楹捕獲6呎發哥

「哈比女神」鄺潔楹拍外景遇到發哥,出名身型細粒5呎左右的Judy,要跟身型高大的發哥同框,呢張合照得來不容易:

鄺潔楹留言:「原來見到發哥會心如鹿撞 ,搞到我連鏡頭都唔識望😳🤳🏼 #希望服裝同事會比我買番呢件外套 #因為發哥加持過」
鄺潔楹留言:「原來見到發哥會心如鹿撞 ,搞到我連鏡頭都唔識望😳🤳🏼 #希望服裝同事會比我買番呢件外套 #因為發哥加持過」圖片來源:鄺潔楹

趷籮苦練兩個月拍《七公主》做劍擊好手

29歲鄺潔楹入行七年,跳出綜藝主持、首次拍攝非處境劇的正劇,劇中跟演戲經驗都比佢多的黃翠如、林夏薇、高海寧、劉佩玥、陳瀅、江嘉敏拍攝新劇《七公主》,鄺潔楹在劇中飾演一名事務律師,除了要背一堆專業名詞的對白,更因同時是一名劍擊好手,所以由零開始去跟教練去學做一名劍擊手,更要狂操體能,因由於近月疫情關係,不能到場館練習,只能在家不停練習進攻、退守、出劍等動作。

騷下苦練兩個月的成果,連人魚線同腹肌都出埋嚟﹗
騷下苦練兩個月的成果,連人魚線同腹肌都出埋嚟﹗(圖片來源:鄺潔楹IG)

鄺潔楹入行四年首拍黃金檔劇集 豪宅私家場勤加訓練

鄺潔楹入行後首次拍黃金檔劇集,不敢怠慢,家住2,000呎大埔淺月灣獨立屋嘅佢,就喺超大私人嘅室內停車場練習,並搵來工人姐姐協助拎起枕頭畀佢用桔劍,鄺潔楹在IG貼出近兩個月的苦練過程並留言:「麻煩工人姐姐拎住個枕頭畀我桔,話說教練要我每日桔500下,過程唔容易,但我同方楚瑜(角色名)一樣喜歡挑戰」。

有個咁大嘅私人停車場,想練乜都得啦﹗
有個咁大嘅私人停車場,想練乜都得啦﹗(圖片來源:鄺潔楹IG)
鄺潔楹激凸趷籮連桔五百下枕頭,不過網民大讚佢有仙氣又有劍氣之餘,就好擔心幫佢拎住枕頭練習的工人姐姐安全。
鄺潔楹激凸趷籮連桔五百下枕頭,不過網民大讚佢有仙氣又有劍氣之餘,就好擔心幫佢拎住枕頭練習的工人姐姐安全。(圖片來源:鄺潔楹IG)

深蹲趷籮有睇頭

練習時鄺潔楹壓低身趷籮,真係有姿勢又有睇頭﹗網民都留言話好期待,同時又笑身高只有155cm嘅佢「隻手會唔會唔夠長擊倒對方」,亦有不少網民替其工人姐姐擔心「工人姐姐驚到手震」、「有生命威脅叫工人姐姐戴番個劍擊面罩啦啦」。

每次練劍加體能訓練,花上三小時。
每次練劍加體能訓練,花上三小時。(圖片來源:鄺潔楹IG)
更練出蜜桃臀。
更練出蜜桃臀。(圖片來源:鄺潔楹IG)
早前更已返TVB圍讀劇本,高海寧自爆女演員多所以特別嘈。
之前返TVB圍讀劇本,高海寧自爆《七公主》女演員多所以特別嘈。(圖片來源:無綫娛樂新聞截圖)
咪睇鄺潔楹天生哈比身高,佢都好鍾意運動架。
咪睇鄺潔楹天生哈比身高,佢都好鍾意運動。(圖片來源:鄺潔楹IG)
特別鍾情水上活動
特別鍾情水上活動。(圖片來源:鄺潔楹IG)
無論拍嘢定自己去旅行,鄺潔楹都會玩浮潛。
無論拍嘢定自己去旅行,鄺潔楹都會玩浮潛。(圖片來源:鄺潔楹IG)
潛水都好like
潛水都好like﹗(圖片來源:鄺潔楹IG)

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

Tag
TVB

你可能也喜歡

Recommended