李思捷舊愛「春卷」王寶葆近況曝光！受一事困擾新形象示人曬自信美

李思捷舊愛「春卷」王寶葆近況曝光！

王寶葆一改過往性感形象

近年，春卷轉型做飲食KOL，個人IG上滿滿都是美食短片，仲會拍片教大家煮動漫中的菜式，亦不時以搞笑為主。她的個人IG坐擁超過11萬粉絲，近幾年，她已一改過往性感形象，最近，更以剷青Skinhead造型示人。

受家族遺傳病困擾 狠剃長髮散發自信美

原來剃光頭背後有苦衷，春卷直言因一直擔心家族遺傳的脫髮基因，近年髮量明顯變得無以前的豐厚，所以索性剪去一把長髮，以Skinhead示人。她亦認為，內在美才是最重要，她亦有拍片紀錄剃頭髮的過程，另外，又有拍片分享她的美妝過程，望落新形象的她全身散發著自信美。她坦言：「如果有人對我第一個印象係用靚去形容…我會有啲失望。我唔想因為美貌或缺乏安全感導致我分心，所以我決定完全剪下我把頭髮，一直令我有心理障礙，就係我會脫髮的遺傳基因。如果我可以接受自己冇頭髮，愛自己，甚至乎可以覺得冇頭髮都靚，我就沒有恐懼，我想徹底地去面對將來嘅擔憂。社會話畀所有女性聽完美就係有豐滿嘅頭髮，有無瑕嘅肌膚，同一個不太肥也不太瘦嘅身材。 我要找到真正嘅自己，就先要撇開社會對完美嘅睇法。 如果你察覺到有頭髮嘅我先至係靚，你就真係冇徹底地去認識我。如果你唔可以衝破社會對美嘅睇法，察覺唔到真正嘅我，你真係不配認識我。 呢個世界真係蒙蔽咗你眼睛，令你覺得靚就係一把長頭髮而唔係人嘅內在美。」

「春卷」王寶葆曾是嫩口天使

TVB經典煮食綜藝節目《美女廚房》成功捧紅了不少美女廚神外，當中一班「美味天使」更令人印象深刻，位位都是有身材的高質美女，其中一位就是於第二輯亮相的「春卷」，憑超惹火身材成功突圍而出，再加上與李思捷的一段情，更為人熟悉。她曾經都有參演過幾部電影，例如《Delete愛人》、《追龍II: 賊王》等。2009年，春卷與年長16歲的李思捷撻著，她更一直視對方為結婚對象，但最後難忍男方多次與異性密會，結束四年情。其後，春卷一度因病退隱幕前，並到澳門幫男友打理飲食生意，於2017年，她重返娛圈，更簽約王晶旗下成為「晶女郎」，期間亦有到內地拍戲。

2009年，做《美女廚房》時嘅「春卷」，當時只得18歲，青春逼人，仲有唔少baby fat！