My oxfords family

太久沒有穿高跟鞋，就連那功力都失去，近來日日著平底鞋。
天生一個小人國的迷你身形，理應多穿高跟鞋以補不足，但早陣子個個星期都有拍攝工作，加上每日東奔西跑，雙腳實在吃不消。早幾年愛穿ballerinas，貪其方便又女性化一點，但自從幾年前買了一對Heschung for Comme des Garcons的oxfords之後，就完完全全愛上lace-up shoes，幾年間，原來已經擁有了不少，的確有型易襯又舒服，還有loafer款皮鞋，也是近幾季大熱，家中的ballerinas已被打入冷宮…

Heschung for Comme des Garcons，皮料極軟極舒服，一向不好綠色，所以這青綠色成功地成為highlight。

Bass for Rachel Antonoff，一口氣買了這深藍色和另一對黑白色，
大受好評，個個都話好襯我，我當然都勁鍾意啦！

Salvatore Ferragamo，甚少買vintage雖，但呢對真係靚，又合穿，難得。
只係鞋形靚得黎有點窄，不可穿太長時間。

早兩個月去韓國旅行時買的，又平又靚又好著，絕對是整個旅程的bestbuy。

同是韓國旅行的戰利品，牛仔布有點似Repetto款，鞋跟也似，但幾百蚊貨仔。

Forever 21，看來我著oxfords著得太癲，上月朋友去日本旅行竟買這對鞋做手信，正。

Forever 21，上年去日本時買的，floral print加透明珠片，平衡番oxfords個男仔頭味道。

Millie’s，品牌的鞋的確幾舒服，這對更是眾多皮鞋之冠，日著夜著，著到鞋頭甩皮，好鍾意。

Millie’s，百搭款，鞋形麻麻但好舒服。
最可惜係，內籠的皮會甩色，即係只可著黑色襪…真係失手喇Millie’s。