[ Fashion Gossip ] 今個秋冬衣櫥必需要有既5大Items

網誌

Janice Lam

Dec 3 2016

香港既氣溫係呢個星期終於跌到得番十幾度喇，

唔知貪靚既你為衣櫥準備好心儀既秋冬裝未呢？！

緊貼潮流既小編就一早己經做定功課，仲血拼埋添喇！

如果你仲未知今年興啲咩，點襯先岩，

就等大愛既小編話你知今季必入手既5大Items啦～

1. Bomber Jacket

唔知你有冇發覺最近無論歐洲品牌定係韓牌都見到Bomber Jacket 既影子呢！

無錯！今年Bomber Jacket大行其道，

走開低調風格既你總係Bomber Jacket大大件痴滿燙章好誇張？

其實一件淨色既Bomber Jacket搭配修身上衣同貼身褲低調得黎有個性，

仲可以拉長身形比例，睇落身型就更修長啦！

當然如果你都想試下大膽啲既風格，

不妨試下今年大熱既刺繡Bomber Jacket，

搞鬼既刺繡為你增添一點可愛，

花系刺繡則令Boyfriend style 既Bomber Jacket增添女人味，

唔知你又會鍾意邊款呢?!

2. 長外套

長外套既保暖又容易搭配就唔洗多講，

普通單色上衣，長牛仔褲再披上一件長外套，

已經可以變成時尚潮人，

所係呢幾年長外套既熱潮一值都冇減退過。

黎到今年，推介大家入手番今年熱門既棕色、磚紅色等大地色系既長外套，

大地色系既長外套唔只俾人一種溫暖既感覺，

戴埋紳士帽或畫家帽仲可以輕易打造文青風格～

當然，長外套唔淨只羊絨質地既厚大衣，

粉嫩色系既長針織毛衣外套都係一個值得擁有既Items，

配搭白色T-shirt，淺色牛仔褲，輕鬆打造鄰家女孩風，

仲可以提升整體氣息添！

3. 鐘形袖上衣

闊袖上衣係上年已經好流行，

相信十個女仔九個都會有一件，

要令自己與眾不同就要係細節上入手喇，

鐘形袖上衣就係小編既今季最愛之一，

係衣袖位黎個小變節，低調中帶點小浮誇。

想增添女人味，建議可挑選修身款既鐘形袖上衣配搭半身短裙。

想走青春可愛路線，不妨換上粉色系既鐘形袖上衣。

嫌鐘形袖太誇張？

其實低調啲既鐘形袖配上吊帶小背心都係一個低調中帶點特別既選擇。

4.絲絨單品

今年係各大時裝週都總會見到絲絨質地既Items，

所以小編認為絲絨絕對係今年一定唔可以錯過既Items之一，

令面既絲絨質地可以點綴冬天既冷色系配搭，

但唔少人都好驚絲絨質地既衫好易著到好老土，

但其實識得搭配，你就會愛上絲絨質地架！

鮮色系再加上絲絨質地真係唔係人人可以Carry到，

但大地色系或墨綠色系既絲絨質地半截長裙配上白色鬆身冷衫、紳士鞋，

卻可以輕易打造出氣質文青風。

黑色絲絨吊帶裙襯上今年大熱既棕色鐘形袖上衣，

驟眼睇只係普通簡約風，

細看卻發現細節上既獨特之處，俾人一種小驚喜。

5. 過膝長靴
無錯，最後要分享俾大家既Must－have items就係過膝長靴，
今年過膝長靴回歸時裝界，
但好多女仔都擔心自己唔夠高所以唔敢著，
但其實只要識配襯，
過膝長靴反而會令你雙腿睇落更修長。
首先係揀過膝長靴時，一定要揀貼腳同埋少摺既，
因為多摺會令雙腿睇落腫脹亦會縮短雙腿比例，
反而貼身過膝長靴就有修長效果。
另外亞洲女仔始終如比較矮小，
所以最好揀番有跟既過膝長靴增加個人高度。

One Piece 係視覺上有拉長身形既效果，
亦可以令大腿部分露出更多，
配上過膝長靴，盡顯型格個性。