Christmas Set第一炮 x Shu Uemura聖誕彩妝
哇哇哇！早幾日收到shu uemura既聖誕box set，
真係好興奮呀！呢個box set入面既彩妝品全部都係藍眼貓貓為主，
點解會有呢隻咁cute既藍眼貓貓？
因為佢就係Karl Lagerfeld最愛既雪白長毛貓公主Shupette！
今次Karl同shu crossover彩妝系列，貓迷實在唔可以錯過，
即刻同大家介紹呢一系列華麗高貴化妝品先。
呢個白雪雪既茸毛化妝袋，真係我最愛呀。
shupette既圓大精瑩藍寶石眼睛，好舒服既茸毛，
冬天拎出街應該好多朋友仔都望住。
入面仲有shu新推出既palette，鏡面既貓貓肖像盒都好可愛，
有齊8色眼影+6色唇彩，一盒就可以轉換幾個妝，好方便！
Shupette has-it-all eye & lip palette $800
你地仲有無發現佢個palette有分左右兩邊？
其實係巴黎型格feel同東京可愛feel既分別，
唔知你地又鍾意邊隻多啲呢？
Eye-need-shu trio 02 $320
02打造東京可愛眼妝
分別左起有：酒紅啡色，淺粉紅色，淡米黃色
另外既3色眼影盒都有分東京（上）同巴黎（下）兩個色號，
顏色又易襯，細細盒方便放入化妝袋。
Eye-need-shu 眼線筆 $190
（左）午夜魅黑
帶「Shupette晴空藍」珍珠粉末
（右）歡慶棕啡
帶粉紅和金色 珍珠粉末
眼線筆怖滿左Shupette既貓貓足印，好可愛！
顏色分別有黑色同啡色，仲分別帶有唔同既珍珠粉末，
要打造閃亮貓眼妝，就要有一枝勾勒貓眼線喇。
My precious glitter set $360
粉紅 /鑽金 /閃銀
冬天眼妝誇張少少可以突出成個outlook，
加埋呢個閃粉就岩晒！
貓貓閃粉set有齊3隻顏色，聖誕去party點少得，
仲可以每次都配唔同色，
提昇華麗感之餘又唔會重覆單調。
限量版絲滑軟綿胭脂 $300
呢個胭脂真係好surprise，絲滑軟綿到真係好似綿花咁，
唔似粉狀，又無膏狀咁creamy，
一搽就好上色，而且好貼妝，
用手指上都無問題，趕出門口去玩就可以快快上妝喇。
Rouge bonbon fantasy Trio 02唇彩盒 $230
02打造東京可愛唇妝
呢盒東京色調有橘紅、正紅同淺桃紅，
就算係普通出街妝容都好易襯到呀～
3色唇彩盒同樣都有分東京（下）同巴黎（上）兩個色號㗎！
2盒嘅顏色都好靚呀！
而我就好鍾意巴黎個盒嘅桃紅色，超靚呀！
限量版TSUYA 光感新肌精華泡沫底霜 SPF30PA+++ $370
呢個系列仲有出埋base，
mousse狀24小時keep住水潤，冬天乾燥天氣就唔怕出油溶妝，
聖誕節假期玩足一日都係咁亮澤透光，
有埋可愛貓貓logo同粉紅色既樽身，由內charm到外。
Pampearl-me face powder $360
如果想面部睇落更瑰麗閃鑠，
或者可以試埋呢個face powder，
帶微閃既粉紅、淡金粒子，
令面部更細滑有緻，好似貓貓毛輕拂既感覺！
除左彩妝品之外，shu亦推出其他化妝用品：
特別版睫毛夾、限量彩妝睫毛、化妝掃套裝、閃粉指甲油等等。
全部都有貓貓logo、足印，可愛得黎又寶用，
貓迷真係要大出血先可以儲齊晒一套喇！
限量版 shupette 睫毛夾 $150
佢個睫毛夾我本身都有一個，
真係好啱我眼形，
輕易就夾到睫毛翹起，
今次仲有埋個貓貓圖案，
搞到我都心思思想買多個！
限量版 shupette 尊貴彩妝睫毛 $620
第一眼見到呢盒彩妝睫毛真係覺得好靚呀！
成日都見佢哋出一啲好特別嘅睫毛，
真係引死人啦！
限量版 「遙愛巴黎」化妝掃套裝 $520
1 set 4枝化妝掃，
細細枝帶去旅行超方便呀！
限量版貓公主甲油 $120
超鍾意整指甲嘅我，
一見到指甲油就要試下，
呢支指甲油好薄易搽又快乾，顏色仲同樽色一樣，
圖中係搽咗2層，
搽咗上手覺得隻色好靚，
總係覺得屋企好似無呢隻色咁，
又心思思想買！
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup
（版權所有，未經同意不得轉載。)
