滴雞精
早兩日電視轉播台灣節目 “別讓身體不開心”, 其中一節介紹如何自家製作 “滴雞精”. 其實什麼是滴雞精? 適合什麼人飲用? 自家製同街外買的又有什麼分別?
滴雞精, 其實就是雞的精華. 自家製的滴雞精, 會將雞件用電鍋慢火蒸兩三小時, 待雞的肉汁精華慢慢流出.
滴雞精有雞的精華 (特別是多種優質蛋白質), 特別適合需要營養補充的人士, 例如懷孕前後, 手術/病癒後, 經期前後, 甚至是經常偏食, 飲食唔均衡等, 因為這些人士需要額外營養補充, 但又未必有胃口 “一日一隻雞”. (身邊有幾位產後媽媽, 就是因為坐月時太好營養, 一日一隻雞, 待坐完月, 仲肥過未生之前.)
至於自家製同街外買的分別, 最重要一定是時間啦! 如果有陪月, 或工人姐姐幫手,自家製當然無問題, 但如果是上班族, 或自己一腳踢的人士, 就真係唔好煩. 想像由買雞, 洗淨, 切件, 再等幾個鐘, 之後仲要隔油, 又要洗鍋………. 咁大工序, 都只係得一碗雞精, 真的不化算.
另外, 雖然自製滴雞精都會隔油, 無食成隻雞咁肥咁濟, 但好難隔得清. 如果經常飲用, 脂肪同膽固醇都容易超標. 相反如果買現成的, 因為機器生產製造, 可以保留到優質蛋白質之餘, 亦可以做到零脂肪, 不怕越飲越肥.
產後間中都有飲滴雞精 (當然是買的, 哪來時間慢慢蒸), 當湯飲, 又方便 (整包放熱水中坐熱幾分鐘即可飲用), 有營養, 又唔肥 (1包只有二十幾卡路里), 好過買天價補品嘛.
