3月好物雷品分享
好物
日牌藥用暗瘡水 $5x (購自卓悅)
Joan:
我不時都會起粒粒,
試過唔少大牌聲稱消暗瘡嘅Product都唔Work
起初買呢支暗瘡真係貪平試,
點知用左幾次爆出嚟嘅瘡瘡真係開始謝!
咁嘅價錢有咁嘅效果真係唔錯!
佢嘅暗瘡水係無色無味,
初初覺得搽左好似無搽咁,以為佢無料到啦!
點知用左幾日真係開始謝!好開心啊!
唯一美中不足個頭係海綿頭,
如果直接接觸皮膚感覺唔太衛生!
所以我都會點係手指再點係暗瘡上,用法麻煩啲!
不過咁嘅價錢而又WORK麻煩啲都無所謂啦!
MoroccanOil 髮尾油 $320(購自髮品舗)
Irene:
自從有keep住染頭髮嘅習慣後，我就對頭髮嘅護理非常注重，
而我係4,5個月前就買咗呢支MoroccanOil，
好多Hollywood明星都用佢架。
除咗有染髮習慣外，我每一日都會用風筒吹頭，
吹得多啲頭髮就變得愈嚟愈旱，
但自從用咗佢之後，自己髮質真係有大大改善到。
頭髮會順滑咗同有光澤，髮尾唔會有開叉同無燥情況，
而且佢本身有淡淡花香味，每次用完啲頭髮都香噴噴。
大家唔好以為3百幾蚊先得100ml，會好唔抵用，
但我用咗咁多個月，都只係用咗三分一咋，
帶粉色珠光嘅liquid質地，質感一啲都唔笠，
裡面有好多閃粉微粒，
推開之後好有光澤，
再上粉底效果就好自然好靚架喇！
不過以呢個價錢嚟講，
productsize就細支啲，
因為韓國牌子都有唔少選擇，
大家可以考慮下。
帶粉色珠光嘅liquid質地，質感一啲都唔笠，
裡面有好多閃粉微粒，
推開之後好有光澤，
再上粉底效果就好自然好靚架喇！
不過以呢個價錢嚟講，
productsize就細支啲，
因為韓國牌子都有唔少選擇，
大家可以考慮下。
Love Liner (Liquid Eyeliner): 約120左右 （SaSa有售）
Jellia:
我呢支Liquid eyeliner係購自日本，
係Little Twin Star限量版，
而我買嘅係啡色，我覺得真係好用，
因為我對眼係好易出油，眼尾易出眼水，
試過好多Liquid eyeliner都搞唔掂，
防得油嚟防水又麻麻。
直到我上年年尾朋友送呢支比我，
到而家已經用咗3個月啦！
畫粗又得，畫幼又得 (下圖右下角）
同埋畫咗上眼好快乾，
等10秒到，用手都摔唔甩呀！
（下圖右上角）
我本身比較鍾意將眼線拉長嚟畫，
可以見到眼尾輕易就畫得好幼！
如果大家同我一樣屬油眼嘅人，
不妨考慮下呢支啦～
王乳Cream ＄58 （購自卓悅）
Jellia:
當初買佢都係試試下嘅心態，
見到高保濕就買嚟試下，
一打開見到佢已經”瓊“咗一邊，
心知不妙，應該好笠個款，
果然無估錯，不過買咗唔用又好浪費咁…
最後試咗小小上面，第二日已經起粒粒！
（我皮膚係混合性T字位易出油）
對我嚟講實在太笠啦，
所以而家只能用佢嚟當Hand Cream粗用，
都好嘅，至少我唔會浪費嘛！
左邊：我已經用手推開咗5次，
都係一推乳白色同好油，
右邊：用手囉咗啲Cream，
係手指上成分鐘都無掉過落嚟，
簡單講係”瓊“咗！
韓牌Finger Painting 唇膏筆 $7x (韓國代購)
Joan:
筆狀唇膏比較乾其實都預左嫁啦!
起初買呢支唇膏筆都係貪佢顏色幾特別同Sharp Pink!
但買左一試上嘴就知大獲,乾到厚搽Lip Balm都甩哂皮!
個唇妝係完全出唔到街,顏色靚都無用啦!
大家睇下上手嘅效果,乾到嘅程度已經係出裂紋!
何況嘴唇上面呢?
佢乾到現哂嘴紋之餘搽上嘴仲起哂粒粒，
就算上唇妝前點搽護唇，
一搽左支唇膏筆佢都會好乾，好似抽乾緊唇部嘅水份！
令外佢個唇膏葢設計都好有問題,係蓋唔實嫁!!!
有次袋左係化妝袋裡面,佢竟然甩左個蓋搞到成袋都唇膏,
搞到成袋都污糟哂!超雷!
雖然佢價錢好平，但如果真係用嚟鼻影，
就一定會出事！
因為佢顏色偏黃，比我原本用嘅鼻影顏色黃好多，
一掃上個鼻到，就好明顯有兩行黃色係個鼻樑到，
仲衰過無打鼻影。
而且粉質非常鬆散，飛粉情況極度嚴重，
所以大家25蚊都可以慳返！
上：原本用嘅鼻影顏色
下：Art Collection Nose Shadow
espoir Mineral Luminous Powder 約$1xx （購自韓國）
Karen:
之前託朋友去韓國時買碎粉，
但係買錯咗呢盒返嚟，
其實呢個牌子嘅eye shadow，唇膏都唔錯，
諗住碎粉應該都唔差嘅，包裝又咁精美，
仲有luminous字眼，應該好啱我啦，
但係結果好令人失望呀！
佢嘅粉質好粗，唔似平時用開嘅碎粉咁幼細，
而且感覺上冇咁乾爽，
我上完碎粉三個鐘度照鏡見到浮粉好嚴重，
真係嚇親，之後唔敢再用。
推開之後已經好唔貼粉，而且乾紋現晒形。
所以下次真係要親身試過先好買。
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup
