2015秋冬必hit酒紅眼妝

Aug 11 2015

雖然而家仲係炎炎夏日，
不過好多品牌都已經開始出秋冬collection啦！
講起秋冬妝容，酒紅色既眼妝都係每年好hit既眼妝之一，
不過好多朋友都好驚用紅色眼影怕會眼腫，
其實無一種顏色會令大家眼腫，
只係放既位置岩唔岩既問題，
如果放唔岩位就算搽啡色都會覺得腫架！

之前Janice都幫Model化左個以酒紅色做主題既眼妝，
出黎既效果都好有女人味呀!

酒紅色既眼妝化出黎可以好有少女感覺，女人味亦OK,

以前靚既酒紅色眼影唔太多選擇，
不過今季好多品牌都出左呢啲色，
好似YSL最近都出左呢盒咁靚既眼影啦！

早前Janice就幫Jill Stuart拍左個makeup demo,
用左酒紅色眼影做主題化左個充滿女人味既妝啦！

一齊去片睇下啦！

拍攝當日Janice都帶左Christy同同學仔Yandy出去後台幫手添～
Jill Stuart高貴華麗既包裝真係令一眾fans瘋狂，
不過佢除左有外表之外，
產品質素都好好，
初時感覺著重包裝既品牌，質素都麻麻地，
不過Jill Stuart就令我地改觀左啦！
見到佢地每季新品都加入新元素，
質地方面都係不斷改良，
令到質素不斷提高添～

今季既眼影盤同胭脂都出左新色，
而唇膏仲有好多顏色選擇！

眼影方面，出色度好高，粉質幼滑，
亦都好易blend，唔會blend到一舊舊。
顏色更加係user friendly,
一盒有齊幫眼部highlight同加深眼窩既顏色，
好易就打造到立體眼妝。

胭脂方面當然唔少得佢地招牌4色胭脂啦！
＃09色都加入左酒紅元素，
出黎既效果好白裡透紅，
入面仲有埋hightlight,
可以令面部更加有立體感架！
而＃10就係偏橙既顏色，
呢兩個色tone都分別照顧皮膚偏白／偏黑既朋友。

而唇膏方面，佢地以往都係圓管型包裝，
今次推出呢款係用左方型包裝，令人耳目一新，
Janice對包裝方面好有研究，
佢都話今次既包裝真係落重成本架！
而一般日本牌子既唇膏都係偏透薄，
而今次呢款唇膏顯色度好高，
有微令既效果，效果似係加左潤唇膏咁，
望出黎個咀感覺就好滋潤啦！