頭髮造型產品推介

Sep 25 2014

相信好多朋友平時都會買頭髮造型產品 set 頭，
而市面上都有各種品牌推出各種唔同質地同用法嘅產品。
但香港天氣潮濕，好多時大家都會好怕 set 完頭之後頭髮會出現下塌。
今次會為大家介紹幾款頭髮造型產品，
當中有噴霧式同啫喱狀質地嘅造型產品。
佢地嘅質地都比較輕盈，如果大家嘅頭髮容易出現下塌情況嘅話，
就要留意下面我地介紹到嘅造型產品喇!

首先，為大家介紹兩款噴霧式造型產品

KMS 2-in-1 Styling+Finishing
呢支產品係一支有塑型, 保護同定型功能嘅頭髮造型噴霧，
無論係順直或者鬈曲嘅頭髮都可以用作提供額外支撐同光澤感，
當中蘊含紅景天及水薄荷等等天然成分，
可保護頭髮在使用電熱頭髮工具時受到嘅損害。

Loreal WILD STYLER Crepage De Chignon (HK$148/200ml)
呢支產品入面蘊含碳酸鈣礦物粉，有效增加頭髮豐盈感，
加上當中嘅Fixing Non-lonix Polymer 可為頭髮塑造豐盈同啞色效果，
輕易為頭髮打造有層次感嘅時尚凌亂髮型。
質地輕盈，縱使使用很多份量，頭髮都唔會因為咁而出現下塌。

用法方面，如果大家想塑造凌亂感，
可以於濕髮上逐層髮絲噴上，再用風筒吹乾。
如果想頭髮有飄逸感覺之餘有豐盈效果，
可以先拎起後面嘅頭髮，再噴上Crepage De Chignon，

然後再輕輕整用手整鬆頭髮，
就可以做到豐盈效果。
噴造型產品時要留意距離頭髮20cm，
因為太近會噴到’一舊舊’，
效果會無咁好。

Loreal PLI Shaper 遇熱定型噴霧 (HK$148/125ml)
當中嘅Film-enhancing Polymers 成份可以加強定型力，
質地輕盈，用後髮絲依然可以保持清爽，唔會有崩硬嘅感覺。
用法方面，大家只需要於洗髮後用毛巾抺乾後噴上PLI Shaper，
之後用風筒吹乾。吹乾後用曲髮器造型。

同大家介紹完噴霧式嘅頭髮造型產品之後，
下面就會介紹一款乳霜狀同兩款啫喱狀頭髮產品。
先介紹定型效果比較強嘅Loreal WILD STYLER Depolish

Loreal WILD STYLER Depolish 活力造型膏（HK$134/100ml）
當中Textturizing & Bodifing Polymers, Fixing Non-lonic Polymer 同Fatty Ester成份
可以有定型效果，而且有提升頭髮柔軟度同彈性嘅功效。
另外，Loreal WILD STYLER 系列產品仲可以令人輕易造出自然感感覺同凌亂感。

如果想定型效果更強，可於乾髮上接髮型嘅不同份量需要而增加份量。

如果想效果較為自然可以睇下以下兩款啫喱狀頭髮產品，

Fix Max (Gel) 強力定型啫喱（HK$110/200ml）
入面有Anionic Polymer 同Guar Gum 成份，有定型效果之外，
可以令頭髮維持原有嘅自然質感。
質地比較清爽，容易推開平均搽上頭髮造型。
搽完可以好明顯睇到搽完之後髮絲問題比搽前大大改善。

Fix Move (Gel/Wax) 活力無重啫喱 (HK$134/100ml)
質地雖然都係啫喱狀，但質地比上面嘅Fix Max (Gel) 較為杰身，
入面嘅Film-enhancing Anionic 可以迅速為頭髮定型，
而質地清爽，用後唔會有黏膩感覺。
入面有少少閃粉，用後可以增加頭髮光澤感同動感