韓國瘋買﹣衣飾篇
相信大家都知我地一班同事去左韓國shopping,
同事們買到要寄貨番香港真係好誇張，
好多讀者都叫我地推介下有咩行街勝地，
我地個個都行到腳斷咁濟呀!
今次同事們首先會同大家分享下係韓國買左咩靚衫，
希望唔好燒親大家啦！
下身係拼接款黑色長裙。
呢件恤衫既lace做到好靚，好細緻，
果然同超平旺中款唔一樣！
質地好舒服，著上去唔會覺得吉肉，
著完成個人斯文左。
領口位就加左兩粒珍珠，望上去更加girly~
其實個蝴蝶係連住兩粒珍珠所以唔會移位架。
呢件衫類似既款式我都係香港見過，
但就索價＄400幾蚊，
呢件係APM買，只係港幣大約＄200幾。
呢條長裙係我地同事既大愛，
連Janice都有買！
因為佢呢個款都幾特別，裙款好挺身，
裙既旁邊係百褶款，
素黑色得黎又有啲野睇～
我自己都係黑白灰愛好者，所以揀左黑色，
黑色望上去就型格啲，如果有特別場合去著佢就岩曬啦！
質地非常好，同類質地係香港買應該要＄800或以上。
第二套入面係一件紅色恤衫，
都算幾透，所以著佢時要打打底。
睇中佢因為紅色恤衫我自己都好鐘意，
著完望上去個人會精神啲。
而外邊就係一條百搭連身裙，
個胸口位開到咁低當然唔係叫你就咁著啦！（當然你係可以既….)
其實入面可以襯番唔同恤衫，
如果想cusal啲入面就可以襯番件T-恤一樣係好夾。
質地都係好挺身，摸上去都係靚料。
而呢件衫既重點相信就係呢個彷皮領口位啦，
望上去都覺得型格少少，
係香港都少見呢款，所以我就買左佢！
果日想中性少少既打扮，唔襯裙用黎襯番一條黑色窄腳褲就攪掂。
唔會好容易drop, 望上去都好elegant～
春夏天黎到又點可以唔買花裙呢？
我見好多韓國女仔都鐘意襯花裙著，
比個sale講兩講都即刻買左，
不過我都無後悔，雖然香港都有好多呢類款，不過質地就真係麻麻地，
靚既料就又唔平，呢條大約＄100尾都算抵，
想好girly look既時候著佢就岩曬啦。
呢個都係大約二百幾，
見咁平我就買啲平時唔會買既色，（例如白色）
因為整污漕左都唔會話好心痛，仲有條帶可以側咩
驚喜既事黎啦！前幾日我係銅鑼灣某商場見到呢個一模一樣既袋要＄799
店主話我知呢個袋係韓國直送（我梗係知啦因為我已經係韓國買左啦，偷笑…..)
Yuki:
以下介紹既套裝真係好適合各種宴會場合，
上身既高領入膊背心就喺Hello APM買，
我都唔記得左係邊間，因為太多店，睇中就買，
所以大家都要比啲耐性去搵心水衣服。
呢件價錢大約15000won(~HK$100)，
除左白色，我仲買左dirty pink色，
易襯又好睇，質料仲好舒服～
眼明既你地，應該睇得出下身既粉色拼摺中長裙
同Christy上面介紹既黑色中長裙係一樣架！
因為我自己係比較偏好淺色、粉色，
所以襯出黎成個感覺都同Christy唔同。
而且淺色可以show到側邊百摺既details出黎，
成個感覺都好girly、好elegant。
呢條裙既deisgn同質地真係好好，
挺身比人感覺好高挑，
所以價錢都屬中高價位，68000won(~HKD455)，
雖然有點小貴，但呢個價錢返到香港一定買唔到～
我地都喺同一間店買左呢件jacket，
款式都同街邊既款好唔同，
寬領、絹面、料靚、厚實，
兩邊手袖仲係皺摺左，感覺有details唔死板，
拉鏈位加左絲帶，感覺girly。
有兩款顏色揀－粉色同藍色，
我地當然又係一人一色啦！
價錢58000won(~HKD385)，同樣係小貴款，
不過著上身真係好舒服架，
出街都唔易撞款啦～
背面仲係蝴蝶結綁頸帶，真係少女心爆發，
即刻買左佢唔使諗！
價錢好像係35000won(~HK$230)，
已經唔係好記得啦，哈哈，
呢件係喺新沙洞一間boutique買既，
裡面仲有好多唔錯既飾物，
而新沙洞一帶都有好多小店同家品店，
實在要預留多啲時間慢慢行呀～
飾物方面，我應該都算買得幾多，尤其係choker！
周街都好多黑色choker，但我自己就唔係型格路線，
所以都要花時間周圍搵白色choker，
價錢約7000 – 15000won（~HK$45-100），
比起香港都平左一半！
袋方面，我就買左兩個，
都係喺東大門APM LUXE B2層同一家店買既。
呢個淺灰色cluctch真係平靚正！！
價錢只係30000won(~HK$200)，
內裡用料、間隔都very good，非常抵買。
前、中、後三格，中間大格仲有暗格同電話位，
而且有埋肩帶，斜揹側揹都得！
