非常會議@上海
這幾個月馬不停蹄， 數數月曆發現由4月至6月三個月內, 足足有31天不在香港, 實在疲倦，但卻開心，由南非、上海蘇杭以及蒙古踩單車之旅，前兩個地方先去旅行再參加trade show，蒙古則是公司首次舉辦的單車團，有點寓工作於娛樂的感覺。
一連4天的trade show，除了首天的開幕講座，第2至4天共安排了58個appointment，每個appointment只得15分鐘，由上午十時開始至六點，其中2和3天只分別得1節15分鐘和以及2節15分鐘休息時間，展覽館卻分為幾個館, 最攞命係展館內很多樓級，每個appointment之間有5分鐘的時間, 每15分鐘便要踩著高跟鞋拿著平面圖找下一個appointment目的地，就好定向比賽般，雙腿真的十分疲倦，所有appointment亦不能no show, 每天走來走去, 十分精神緊張，又要行上行落好多樓梯。
最後一天的appointment，因腳指起了水泡，再穿不到高跟鞋了，唯有穿運動鞋。因為是最後一天, 很多人都present得好快。
下午五點鐘最後一個appointment後, 真係好開心, 然後第一時間唔理邊個門口衝咗出會場, 並第一時間落咗商場, 因為咳了很多天忍咗好多天無食凍嘢, 這天開完所有會議，就唔理咁多(又食凍嘢又食辣嘢慶祝一下), 之後再食好多人食的小楊生煎, 真係好好味, 煎得好香之餘, 勁多肉汁, 個底仲有芝麻, 勁好味, 六蚊有四個, 我旁邊個男人, 一個人叫咗12隻, 鋪滿個碟。食完個乳酪即刻勁咳, 但唔理咁多再食辣嘢, 超級滿足。
雖然參加這些trade show總是身心俱疲，但見到有啲SUPPLIER, 其實都大開眼界，有啲真係好特別的SERVICE, 連SHOPPING, 食嘢…..之類都有啲超豪的服務, 有間布吉酒店又十分特別，卡片是鋼片, 有些則是兔仔, 真的令人好難忘好IMPRESSIVE。
