金元寶養生湯-(1)
人人過年時都希望財神到派金元寶. 發夢無甘早! 但現實裡我們可以將成隻元寶呑落肚. 明天提早食團年飯, 十多二十人, 靚湯不能少. 金元寶養生湯即淮山生熟茨實, 百合, 湘蓮, 太子參煲急凍澳洲青邊鮑魚.
澳洲青邊鮑其實可分為南澳和西澳兩個地區出產，如果店鋪賣的是西澳貨一般是不会標明，因為西澳鮑魚質量較南澳差. 鮑魚喜愛在低水溫和水流急的水域生長，南澳具備這些適合鮑魚生長的環境, 所以南澳鮑魚肉質嫩滑，鮑魚味濃郁。如果在南澳靚水域如Streaky Bay生長的鮑魚, 其肉質嫩滑, 鮑魚鮮甜, 味道濃郁. 最重要是鮑魚含水量低, 看來很大隻的鮑魚也不會太重.(1-2頭大約$350-400/隻)
