孕婦在懷孕期間，總有瘋狂想吃的東西，這一胎，我上了pancake及waffle類甜品的癮！
孕婦必需知道的美容宜忌的（下）集文章還未寫好，都要先插寫這篇，介紹我兒時其中最愛的街邊小食之一──奶油花生醬班戟！
昨天吃過了午餐，其實肚子已滿滿的，但心癮又起，拿起手機又死搵哪裏有好吃的班戟／窩夫推介，不想過海，不想太貴……突然眼前一亮，竟然看到紅磡有間小店，賣奶油花生醬班戟！而且被激讚，好味又抵食，二話不說，叫老公車我去止癮，點知佢仲興奮過我，話好耐～好耐～好耐冇食喇，好懷念那種屬於童年的人間美食的味道。
不難找，可是橫街沒有可停車的地方，我唔理喇，見到即使細雨綿密，仍出現人龍，我腹大便便，跳車碌去排隊，叫他找個可停車的位置等等我。
據說店外經常出現人龍，但可能我去當曰落緊雨，人龍唔算長。
一落車已聞到陣陣雞蛋仔香，店子很小，只有一位大叔及一位嬸嬸在忙碌地煎呀煎呀，除了班戟，還有格仔餅及多種口味的雞蛋仔，但綜觀現場排隊人士，八成是和我一樣，捧班戟的場。我已諗好必吃傳統口味的奶油花生醬班戟，另試埋網上推介的芒果班戟。排了不用5分鐘，已到我了，班戟熱辣辣到手。
大叔及嬸嬸都很友善，沒有一般人氣食店，恃住好生意做唔切，又寸又趕客，嬸嬸見我一手拿著兩塊班戟，還問我需要膠袋嗎？班戟還未放進口裏，單看賣相及嬸嬸的親切服務態度，已經加晒分啦。
雖然全店只售班戟、格仔餅及雞蛋仔，但每款都提供多種口味，有甜又有鹹，任君選擇。
每次大約煎3－4塊班戟，全部熱辣辣煎起，一定唔會凍冰冰。
見前面顧客要求嬸嬸俾多啲醬，嬸嬸都豪不吝嗇地搽到好滿。
熱辣辣又軟熟煙韌的班戟，捲著滿滿的肥大肉厚的芒果粒，都只係$16!!! 不過相信這不是芒果季節，稍嫌芒果不夠甜，如果這個配埋雲尼拿雪糕一齊食，仲正！
奶油花生醬班戟冇得輸，堅～正～！！！即使食飽飯都想連吃兩塊，老公仲讚不絕口地說：「就是這種味道了！」
吃罷，我俩都感到那幸福又滿足的滋味，小小一塊班戟，帶我們重拾了兒時幸福甜美的回憶！
查詢：紅磡雞蛋仔
紅磡大沽街寶利閣2號鋪
星期一至日：12：00－20：00
星期四休息
