遮瑕新品試用報告
臨盆在即~由於體力問題~
無辦法為大家分享好多或分享得太詳盡
雖然產假前準備左好多題目想分享~但未能如期一一分享~
希望大家體諒!!
今次請容許我用簡短的句子~同大家分享下近期試過….好用與唔多好用既遮瑕產品啦!!
孕期唔會哂時間化太濃妝,加上唔夠訓,所以好用既遮瑕產品好重要
方便易用棒狀遮瑕
Dior Fix It 瞬間底妝遮瑕修容筆 $330
分別可修飾面部、雙眼及唇部暗沉膚色的多用途遮瑕筆,可針對性隱藏毛孔、填補皺紋、細紋和修正不均膚色及瑕疵(色斑、輕微泛紅等),呈現完美平滑的膚質。
細細支既遮瑕筆,包裝同唇膏一模一樣,收到既時候的確有d混淆,以為出左新色唇膏。
我試用#2近膚色,由於顏色選擇唔多,所以一般都會揀呢隻色。
遮瑕筆芯同唇膏一樣採用平面微斜角既設計,方便緊貼眼形同唇形輪廓。
而遮瑕筆分別由較杰身既膏狀質地,包圍住Blam狀既滋潤成分,使用時好似搽左潤膚膏禁,大大減低乾感。
用後感:
遮瑕效果都幾明顯,唔單止黑眼圈減淡左,就連膚色亦比較均勻明亮。
基本上,我每一日都係遮完個黑眼圈,畫返條眉禁我就出門架喇~
Dior呢支遮瑕筆,勝在簡單易用,但無乜顏色選擇,的確唔稱得上最完美無瑕既修飾,
幸好顏色同肌膚原色相近,用後唔會顯灰或顯得過白,
質感唔算乾,始終筆芯中間有滋潤成分,持久度都唔錯,但入夜眼紋開始出現,如果同我一樣接受到淡淡既遮瑕功力,呢支都唔錯架!
———————————————————————–
使用方法:
先用遮瑕筆直接填滿黑眼圈既範圍。
其後再用指腹輕力推塗均勻,禁就完成喇!
用後感:
遮瑕效果只屬中等,比Dior弱少少,但滋潤成分相當高~
用左唔擔心眼紋情況~
方便易用,輕輕一畫就可以遮到黑眼圈,大前題係黑眼圈唔可以太嚴重囉~
由於顏色與肌膚原色接近~所以我好推介比懶人用~
至少我同妹妹都幾鐘意~呢排一直用緊!
———————————————————————–
Dior & Benefit 同樣係棒狀設計
但一支顧及遮瑕多d,,,一支就顧及滋潤多d
所以滋潤成分既位置都唔同
解決方法:(更完美的修飾)
當然,揀得呢2支遮瑕,就係貪佢方便易用~
遮瑕度雖然唔稱得上完美~但幾秒就可以修飾黑眼圈,均勻膚色
仲有滋潤成分減輕眼紋情況,整體都有4分以架!!
After Benefit
需小心選色及謹慎三思的遮瑕產品
Bobbi Brown 蟲草修護精華矯色霜及遮瑕霜
分別有矯色及遮瑕作用
矯色霜共 12 色,遮瑕霜共推出 13 色,適位任何膚色人士使用。各售 $370
顏色選擇多~所以修飾度高
由於顏色選擇多~所以一定要到門市找專業的化妝師幫你試色~
千萬唔好抱住「覺得顏色睇落都ok啦」呢個心態而心急買~
顏色揀錯,遮瑕效果即變零!!
我所揀既色號就係錯左~
比個錯誤示範大家睇睇
遮瑕霜 用後感:
由於所選顏色過白~好處係可以互補不足~
均勻返矯色霜太橙既問題
做到提亮作用
但相對顏色無禁接近肌膚原色,黑眼圈仍然好明顯
再一次提醒大家要揀岩色!
但整體夠潤,夠持久,都算易用!
———————————————————————–
SHU UEMURA multi-concealer palette $300
一共有4個組合顏色選擇
5YR-L | 5YR-ML | 7YR-L | 7YR-ML |
收到未拆時~感覺好開心~
覺得好野!又有一盒專業既遮瑕膏用啦!!
輕巧細盒,又有掃具,夠方便!夠專業!
點知…….. ………… ………….