最近喺Twitter掀起一陣話題。
臨瞓前只要㨂個主題、設定起身時間、將電話反轉擺喺枕頭邊，
佢就可以幫你發個靚夢：
有人向你示愛（因為係日文，所以會係㗎妹 / 㗎仔）、
變有錢佬、合格/成功、自由飛翔、森林散步、 投拋大海⋯⋯
原理係佢會喺人嘅REM sleep 「快速眼動睡眠」階段
（即係身體進入休息狀態，但大腦仍然好活躍，所以就係最易發夢嘅時段），
播放各種主題聲效帶你進入夢鄉。
佢仲有個功能畀人錄音DIY好夢！
撳主頁左下⻆個「ユメをつくる」制，㨂相然後錄音就OK！
(你可以錄愛人愛兒愛貓愛犬等等嘅聲音)
雖然呢個App劈頭就講明自己係無醫學根據、唔寫包單
（Review就有一半以上評價係「好玩 / 不可思議」），
但好在免費下載，既然有機會做一夜百萬富翁，等我今晚就試下先〜
+ﾟ*｡:ﾟ+(人*´∀｀)才ｬｽﾐ冫+ﾟ:｡*ﾟ+.
