護膚一週：醫學品牌
星期一同大家分享左幾個韓國品牌，
今日就會介紹７個唔同既醫學品牌，
醫學品牌一向比人感覺都好pro，
以為係皮膚有嚴重問題先應該去用，
咁當然唔係啦～
醫學品牌大部分都係適用於所有膚質，
而當中既成分亦會體貼個人需要，
去除好多不必要或者同皮膚有害既物質，
所以唔少產品連敏感皮膚都用得。
而由於醫學品牌既產品大部分採用天然成分，
佢地會喺包裝上特別列明到期日或開封後使用期限，
令消費者可以留意到，亦可放心使用。
Dr. Hauschka
Dr. Hauschka係黎自德國既100%天然護膚品牌，
所有產品均絕不含化學香料、色素、防腐劑及礦物油，
亦不含苯甲酸、 硅質和聚乙二醇。
而佢地所用既草本精華大部份都會喺純水中提煉，
以確保產品純正度、活性同效能。
(左起) Cleansing Cream 50ml $190、Night Serum 25ml $450、
Soothing Cleansing Milk 100ml $320、Facial Toner 100ml $310、
Revitalising Day Cream 30ml $238
Made in Germany
蘊含Rosen蘋果萃取物，讓肌膚在晚間自我代謝時提供滋養及修護功效，
同時補給活力及能量，保持肌膚達到水油平衡狀態，
加速自然排毒，代謝死皮廢物。
呢款night serum質地係透明lotion狀，
好水潤，好透薄，感覺清爽零負擔，
一推開就好快吸收晒，帶有淡淡花果香味，
適合油性至中性皮膚使用。
有效抹去臉上的剩餘污垢，活化及加強肌膚，
使毛孔顯得緊緻、回復油水平衡，
藥蜀葵萃取有助肌膚保持平衡及健康，
金縷梅提取物則加強皮膚彈性，收細毛孔。
適用於中性、乾性及敏感性肌膚。
呢款facial lotion比較特別，係噴霧式，
質地係透明水狀，非常透薄，
有淡淡草本植物味道，
拍上皮膚後感覺清爽，好快被吸收。
蘊含多種植物精華，有絨毛花、金縷梅及胡蘿蔔，幫助平衡皮膚水分；
杏桃、甜杏仁和橄欖油保護皮膚，促進油分自然形成。
有效維持皮膚油水分泌平衡，補濕肌膚及回復光澤，適用於乾性膚質，
建議暗瘡混合性膚質使用時需取少量混合1-2滴Clarifying Day Oil，
以幫助皮脂分泌維持在正常平衡狀態。
呢款Day Cream質地係較稀既淡黃色lotion，
一泵落手已經向下流，
好易推開，滲透，感覺潤澤，
同樣有淡淡草本植物味道，
唔會感覺黏笠，皮膚變得細滑。
KIEHL’S
Kiehl’s採用最好的成分調配出適合臉部、身體以及頭髮的保養品，
結合美容、藥學、草本及醫學等各種專業知識背景及經驗，
研發出Kiehl’s獨特配方，並以最新科技，製造出各項特別的保養品。
(左)Powerful-Strength Line-Reducing Eye-Brightening Concentrate 15ml $470
Made in USA
蘊含10.5%高純度維他命C，紓緩因發炎而造成既黑眼圈，
並能顯著減少魚尾紋及眼紋，同時淡化黑眼圈，令眼部肌膚變得更年輕明亮。
(右) Powerful-Strength Line-Reducing Concentrate 75ml $720
Made in USA
蘊含10.5%維他命C，持續傳送高濃度維他命C，
改善肌膚老化跡象，能有效改善幼紋及皺紋，
呢款抗衰老精華質地比較厚身，cream狀，
呈奶白色，入面有白色粒粒，
好易推勻，推開後有一層薄膜，
好滋潤，亦好快吸收晒，
仲有即時修護細紋效果，
適合乾性皮膚、缺水性皮膚使用。
VICHY
黎自法國既VICHY糅合VICHY溫泉水神奇功效，
加上專利創新科技，推出多款醫學護膚產品。
VICHY TOWN溫泉水中富含15種礦物質並具備神奇的 BUFFER EFFECT，
被封為溫泉城市中的女王，VICHY溫泉水被法國正名為LUCAS溫泉水。
(左)Aqualia ThermalAWAKENING EYE BALM 15ml $280
Made in France
蘊含皇牌火山熔岩溫泉水，有效舒緩敏感肌膚，強化肌膚的防禦能力，
同時可改善皮膚細胞間的水份傳送，
配合「活水循環複合物」及甘油保濕成分，激發活水循環，
讓水份日夜均勻分佈眼周，肌膚水嫩潤澤，
咖啡因有助排水，加速血液循環，重點擊退浮腫眼袋及黑眼圈。
(右) Aqualia ThermalBOOSTING ESSENCE WATER 200ml $200
Made in France
富含皇牌火山熔岩溫泉水及「活水循環複合物」，
補充同時鎖緊1,000倍水份，有效舒緩泛紅現象，
改善肌膚粗糙，並為肌膚吸收後續護膚品作好最佳準備。
低過敏配方，不含Paraben防腐劑。
用後肌膚感覺持久水潤，適合中性至乾性肌膚。
唔好聽到eye balm就以為好潤身，
呢款藍藍地色既balm，質地似cream，
一推開好水，有少少涼涼地既感覺，
好快就吸收晒，感覺水潤唔黏笠。
而呢款essence water質地係比較稀既液狀至gel狀，
感覺非常水潤，同樣好快被皮膚吸收，
有淡淡護膚品香氣，
用黎補水補濕就最岩啦～
SkinCeuticals
美國品牌SkinCeuticals既宗旨係改善皮膚健康，
使用高效配方結合高濃度活躍成分，
提供以科學為據既優質產品。
而佢地既產品設計建基於防禦、保護及改善三大原則，
針對不同護膚程序所需，有效改善皮膚狀況。
(左) PHYSICAL EYE UV DEFENSE 10ml $290
Made in USA
100% 礦物防曬成份，全面為眼周提供保護、調色功效，緊緻貼薄。
配方專為幼薄敏感的眼部肌膚而研製，提供 SPF 50 廣譜防曬保護，
緊貼配方，不易溶化，不刺激眼睛。
加上神經醯胺，滋潤眼周肌膚，令後續上妝效果更貼服。
(右) AOX+ EYE GEL 15ml $830
Made in USA
日間使用AOX+ EYE GEL能改善浮腫眼袋及黑眼圈，
長期使用更可改善光老化跡象，
全新serum-in-a-gel 抗氧化專利科技，加上三重高效抗氧化配方，
1% Phloretin，5% L-Ascorbic Acid，0.5% Ferulic Acid，
有效促進血液循環，解除衰老威脅。
呢款EYE UV DEFENSE質地似concealer，
貼近皮膚顏色，帶有SPF 50，
但佢既質地比較杰身，所以要推多兩下先推勻，
平時出面好少防曬會專為眼部而設，
如果本身皮膚較幼薄敏感就可以試試。
呢款eye gel質地係黃色lotion狀，
有類似中藥味道，
推開後好水，非常易推，一啲都唔似gel狀，
吸收後感覺水潤，皮膚表面有一層薄膜，
不過有少少黏笠。
Dermacept by Dr. Zein Obagi
Dr. Zein Obagi係美國比華利山殿堂級皮膚科顧問醫生，
而Dermacept 護膚系列係特別為亞洲女性研發，
通過改善真皮機能去解決色斑、皺紋、皮膚鬆弛、乾燥等肌膚煩惱，
令肌膚煥然一新，由內至外健康美麗。
Dermacept by Dr. Zein Obagi / Peel Complex 10 Essence 180ml $525
Made in Japan
全新升級版採用弱酸性「5酸」配方，
包括植酸、葡萄酸、檸檬酸、乳酸、乙醇酸，
注入高達10%酸濃度，更高效去角質而不失溫和，
軟化及去除舊老角質，促進新陳代謝，減少黑頭粉刺，
收細毛細、活化肌膚，同時修護及保濕。
呢款peel essence係lotion狀，呈乳白色，
好補水，一搽完就好快吸收晒，
而皮膚表面仍然感覺有彈性，好水潤，
帶有淡淡檸檬+橘子香氣，
雖然有10%酸濃度，但性質溫和，唔會刺激皮膚。
Pixel Clinical
意大利醫生品牌 Pixel Clinical，致力在護膚範疇上作深入研究，
選用既原材料都經過臨床、醫學認證及醫學認可，
附合醫學品牌條件，亦係品牌一直堅守既宗旨。
Pixel Clinical / SOS Rescue Treatment30ml $588
Made in Switzerland
蘊含覆盆子、柑桔、甘蔗、糖槭、檸檬５種植物精華，
有效去除老化角質，幫助肌膚细胞再生，
內含 Keratoline CPS，具溫柔去角質、促進細胞更新作用；
促進細胞更新、平滑肌膚表面，
同時添加多種高效滋養成分，去角質、保濕、膠原自生等多重功效。
Niacinamide有效抑制黑色素，
柳樹精華有防止發炎的功效，敏感肌膚也可放心使用。
呢款話明係SOS，急救必備，
所以都好期待試用！
佢既質地係稀水狀既cream，
淡橙色，有淡淡雲尼拿味道，
感覺好補水，無黏笠，
皮膚表面即時變得嫩滑。
SANOFI
SANOFI係一業務多元化既製藥集團，
佢地專注研究、開發及提供針對病人需要既治療方案，
除左推廣處方藥物外，亦成立個人健康護理分部，
推出多款個人護理產品。
