調出自然好膚色
化妝品日新月異，幾乎每季都有新產品推出，
而CC Cream呢個term可能大家聽就聽得多，但實際用途究竟係咩呢？
其實CC 代表 Color Correcting 或 Color Control，
專為修飾膚色不均、修正膚色而設，
對面上有色斑(黑色素)、明顯微絲血管或膚色暗啞作出即時修正，
而且大多都附有防曬功能，所以唔少人都會直接當作make up base去用。
市面推出既CC cream亦唔只單一功效，如同時具備保濕、遮蓋毛孔等，
今次我地就揀選左４大品牌既CC Cream介紹返比大家，
shu uemura/ POREraser CC UV under base mousse SPF35 PA+++ $370
由左起: Ivory, Beige, Pink, Deep Beige
超輕盈質感泡沫，加入首創持久配方調控膚色，
不含人工調製色素，易於塗抹，
塑造平滑透薄、隱形毛孔、自然均勻持久妝容。
呢一款齊4隻色，岩晒唔同膚色既人，
想均勻膚色可以用Ivory同Beige，皮膚蒼白想有紅潤感可以用Pink，
而膚色較深既話可以用返Deep Beige。
呢枝mousse狀質感真係好輕，推開好水，好易推勻，
我用左#beige呢隻色，上面後充滿水感唔黏笠，適合一般皮膚使用。
薄薄一層已經見到膚色有明顯提亮、均勻，
鼻翼位、下巴位尤其明顯，
而且可以遮到4-5成瑕疵，用黎做base好ok。
不過要注意返枝mousse有啲難唧，太大力可能會唧得太多，
只要5毫子大小就已經可以搽勻全面架喇。
ORIGINS/ Smarty Plants CC Skin complexion corrector SPF20 PA++ $290
提供保護膜，有抗氧化、更生及修飾功效，
即時逆轉有害物質，轉化為保護肌膚的屏障，阻隔污染侵害。
ORIGINS呢枝cc cream係咁多枝之中最水潤，
質感水盈好易推勻，
除左水潤，仲非常令身，
本身以為佢得一隻色會唔岩用，隻色又好似好深咁，
但上左面之後係完全唔會cover左本身膚色，
而且會同膚色融合，同埋有明顯亮澤效果，
不過影相出黎個效果唔突出，
大家可以睇返上手果張，會較易睇到閃令既效果。
如果乾性皮膚有乾紋、甩皮，
用佢打造水潤、珠光感肌膚就最岩啦！
MAYBELLINE/ Care & Correct CC Cream SPF37 PA+++ $109
左: PINK GLOW ; 右: NATURAL NUDE GLOW
創新採用透亮光感因子，修飾膚色，質感輕柔，
蘊含白睡蓮及牡丹精華，有效提亮及改善膚色，
同時為肌膚保濕，適合用作化妝底霜，散發亮澤好氣息。
呢款兩色cc cream，唧出黎時係白色同橙肉色，
推開後會有光感粒子，變色做粉色同橙金色，
適合返暗啞(pink)膚色同蒼白(nude)膚色既人。
佢既質感係一般cream狀，比較厚身，但都易推同唔會有黏笠感，
我自己就試左#pink呢隻色，上面後即時見到紅潤效果，
有明顯均勻膚色，眼袋、鼻翼同下巴位都好明顯，
而且遮瑕度高，遮到7-8成瑕疵、毛孔同紅印，
如果出街懶化妝，淨係用佢唔使上粉底都無問題，
以$109呢個價錢有多種功效，真係算係好唔錯，心水推介！
L’OCCITANE/ Pivoine SublimeCC Cream SPF20 $280
左: Light 右: Medium
結合礦物光學柔膚因子及珍珠微粒，
塑造柔滑光澤的底妝效果。
膚色均勻明亮，瑕疵隱沒無痕。
呢款一唧出黎係白色，一開頭真係唔知邊隻打邊隻，
但推開後會開始慢慢變色，同膚色融合，
light比較適合膚色較白既人，而medium就適合深色膚色既人，
呢枝cc cream質地爽身、透薄，毛孔零負擔，有淡淡花香味。
我試既係#light 色，上面後有稍微提亮，皮膚睇落柔滑左，
但遮瑕度唔高，之後要再上返粉底先得喇～
因為佢係爽身質地，想搵控油又可以均勻膚色，就可以用佢，
而且特別適合油性皮膚使用，唔怕阻塞毛孔。
如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
