跑後自製健康解渴飲品
一向運動期間都習慣唔飲水，即使飲都飲很少，之後都異常口渴，以前喜歡自製檸蜜，解渴又滋潤。但不是經常買檸檬，較方便的解渴方法是喝茶，只需一個茶包, 十分方便。自從去年到過斯里蘭卡，愛上當地品牌Dimah的茶，好味又便宜，尤其它的Earl Grey, 我覺得比始創Earl Grey的Twining更勝一籌，其柑橘類和檸檬油的味更出眾，有一種很獨突的香味。就咁飲既解喝又提神，不過前幾天跑步後極度口渴之時，突然好想去茶餐廳買杯凍檸茶，但知道極高的糖份好唔健康，所以便走去街市買了幾個檸檬, 回家泡Earl Grey檸檬茶，再加入蜜糖，好味又提醒呢!
不過Dilmah是支持公平貿易的品牌，在很多地方都沒有代理商，在香港的超市更無得賣，幸好上次途經杜拜機場的Duty free, 順手掃了三百個茶包。
晚上跑後以前就喜歡飲甜酒、菓汁先生加 vodka，現在就喜歡飲梅酒，跑後空肚飲酒雖然好high, 但對身體唔健康, 現在已少飲為妙，後來又改為飲Earl Grey，但晚上飲茶又有提神作用，之前唔知睇咩報道, 話早上飲檸檬水加海鹽，有助排毒，今早已試，味道當然唔可以稱得上好味，又想起前天在屋企附近的泰國餐廳飲過一杯好好味的青檸冰, 但卻帶少許咸味十分解渴，便想想其實今日飲的檸檬鹽水，只要減啲鹽, 再加多點蜜糖，其實都有點像這杯咸青檸凍的味，今晚回家便即試試，得咗，只要加少少海鹽，再加蜜糖和半個檸檬，就可製作了一杯好解渴又健康的咸檸蜜。
