聘請家傭-「奇門遁甲」幫到手

據聞有啲太太會請師傅，問吓個家傭O 唔 O K先請佢。多數都要攞個家傭嘅出生八字（因為好多外地傭人都係喺鄉下出世，所以啲生日資料都未必啱）去夾一夾。如果兩個家傭都係同年、同月、同日生，大獲！唔通你問佢攞埋出生時間咩！佢睬你都有味！最後真係要是但揀一個。

我即時心想，如果嗰位太太認識一位懂得「奇門遁甲」嘅師傅，咁就唔使咁頭痕啦。就算個家傭唔俾佢嘅生日資料你，你都可以知道佢會唔會偷嘢，聽唔聽你支笛；懶唔懶；對你啲小朋友好唔好…等等，全部都一目了然！就算一日見五、六個同年、同月、同日生嘅家傭，又係咩問題呢。

太太們，你「奇門遁甲」咗未？\ ◕ิ ྱ ◕ิ /